Macaafa Seenaa Baraa Isa Duraa 2:1-55 GAZB1997 - Bible AI

¹Ilmaan Yaaqoob isa ?Israa'el? jedhamee, kanatti aananii kan jiranii dha; Ruuben, Shimi'oon, Lewwii, Yihudaa, Yisaakor, Zebuloon,

²Daan, Yoseef, Benyaamiin, Niftaalem, Gaadi, Asheer*.[1]

³Ilmaan Yihudaa, Eer, Onaanii fi Shelaa; isaan kana sadan ?Baat-Shuwaa? kan jedhamtu durba Kana'aantu da'eef; Eer ilmi Yihudaa inni angafni Waaqayyo duratti nama jal'aa ture; kanaaf Waaqayyo isa in ajjeese*.

⁴Taamaar haati manaa ilma isaatii immoo Faaresii fi Zaaraa in deesseef; akkasitti Yihudaan walumatti ilmaan shan in godhate*.

⁵Ilmaan Faares, Hezronii fi Hamul*.

⁶Ilmaan Zaaraa, Ziimrii, Etaan, Hemaan, Kalkoolii fi Dardaa; isaan walumatti shan turan.

⁷Ilmi Karmii, Akaan isa wanta raawwatee balleeffamuun irra ture fudhachuudhaan Israa'el irratti rakkina fidee dha*.

⁸Ilmi Etaan, Azaariyaa ture.[2]

⁹Ilmaan Hezron, Yeraami'el, Raamii fi Kaaleb[3] turan*.

¹⁰Raam, Aminaadaabin dhalche; Aminaadaab, Nahishoonin isa geggeessituu gosa Yihudaa dhalche*.

¹¹Nahishoon, Salmooniin dhalche; Salmoon[4], Boazin dhalche;

¹²Boaz, Obedin dhalche; Obed, Iseyin dhalche;

¹³Isey immoo ilmaan torba dhalche; inni angafni Eliiyaab, inni lammaffaan Abinaadaab, inni sadaffaan Shimi'aa,

¹⁴inni afuraffaan Naataani'el, inni shanaffaan Raadaayi,

¹⁵inni ja'affaan Ozeem, inni torbaffaan Daawit*.

¹⁶Obboleettonni isaanii immoo Zeruyaa fi Abigaayil; ilmaan Zeruyaa sadan Abiishaayi, Yo'aabii fi Asaa'el turan.

¹⁷Abigaayil immoo Amaasaa in deesse; abbaan isaa ?Yeter? kan jedhamu nama sanyii Ishmaa'el*.[5]

¹⁸Kaaleb ilmi Hezron haadha manaa isaa Azubaa fi Yerii'ot irraa ilmaan in godhate; ilmaan ishees Yesher, Shobaabii fi Ardoon*.

¹⁹Azubaan erga duutee immoo Kaaleb dubartii ?Efraat? jedhamtu tokko in fuudhe; isheenis ilma in deesseef; maqaa isaas Huuritti in moggaasan.

²⁰Huur Urin dhalche; Ur immoo Bazaali'elin in dhalche*.[6]

²¹Kana booddee Hezron intala Maakiir abbaa Giil'aad in fuudhe; inni yeroo ishee fuudhe nama waggaa jaatamaa ture; isheen Seguubin in deesseef.

²²Seguubis, Yaa'iirin in dhalche; Yaa'iir kun isa biyya Giil'aad keessaa mandaroota digdamii sadii qaba turee dha.

²³Geshuurii fi Aaram garuu Hawoot-Yaa'iirin, Qenaatiinis gandeewwan naannoo ishee jiranii wajjin mandaroota jaatama irraa in fudhatan; isaan kun hundinuu kan sanyii Maakiir abbaa Giil'aad turan*.

²⁴Hezron, Kaaleb-Efraataatti erga du'ee booddee, Abiyaan haati manaa isaa Ashuurin abbaa biyya Teqo'aa in deesseef.[7]

²⁵Yeraami'el ilmi Hezron inni angafni ilmaan ja'a qaba; ilmi isaa inni angafni Raam, warri kaan immoo Bunaa, Oreen, Ozeemii fi Ahiiyaa dha.

²⁶Yeraami'el kun haadha manaa ?Ataaraa? jedhamtu tokkos qaba ture; isheen immoo Onaamin deesse.

²⁷Raam ilmi Yeraami'el inni angafni ilmaan sadii qaba; isaanis, Maa'aaz, Yaamiinii fi Eker.

²⁸Ilmaan Onaam, Shaamaayii fi Yaadaa dha; ilmaan Shaamaayi, Naadaabii fi Abiishur.

²⁹Maqaan haadha manaa Abiishur immoo Abiihaayil ture; isheen Ahibaanii fi Moliidin in deesseef.

³⁰Ilmaan Naadaab immoo Seleedii fi Aphaayim; Seleed dhala utuu hin godhatin in du'e.

³¹Aphaayim, Yishii dhalche; Yishiin, Sheshaanin dhalche; Sheshaan immoo Ahilaayin dhalche.

³²Ilmaan Yaadaa obboleessa Shaamaayi, Yeterii fi Yonaataan; Yeter dhala utuu hin godhatin in du'e.

³³Ilmaan Yonaataan, Pheletii fi Zaazaa dha; isaan kun sanyii Yeraami'el turan.

³⁴Sheshaan ijoollee durbaa malee, ijoollee dhiiraa hin qabu ture; nama biyya Gibxii ?Yarhaa? kan jedhamu hojjetaa tokko immoo qaba ture.

³⁵Inni Yarhaa hojjetaa isaa kanatti intala isaa in heerumsiise; isheenis Ataayin in deesseef.

³⁶Ataayi, Naataanin dhalche; Naataan immoo Zaabaadin dhalche.

³⁷Zaabaad, Eflaalin dhalche; Eflaal, Obedin dhalche;

³⁸Obed, Yehuu dhalche; Yehuun, Azaariyaa dhalche;

³⁹Azaariyaan, Helezin dhalche; Helez, El'aasaa dhalche;

⁴⁰El'aasaan, Siismaayin dhalche; Siismaayi, Shaalumin dhalche;

⁴¹Shaalum, Yeqaamiyaa dhalche; Yeqaamiyaan, Eliishaamaa dhalche.

⁴²Ilmaan Kaaleb obboleessa Yeraami'el kanatti aananii kan jiranii dha; Meshaa isa angafa isa mandara Ziif ijaaree fi Mareshaa isa mandara Kebroon ijaare turan*.

⁴³Ilmaan Kebroon, Qoraahi, Taaphuwaa, Reqemii fi Shemaa dha.

⁴⁴Shemaan, Raahamin dhalche; Raaham, Yorqe'aamin dhalche; Reqem, Shaamaayin dhalche.

⁴⁵Shaamaayi abbaa Maa'on; Maa'on immoo abbaa Betzuur;

⁴⁶Kaaleb saajjatoo ?Efaa? jedhamtu tokko qaba ture; isheen Haaraanin, Mozaa fi Gaazezin in deesseef; Haaraanis immoo ilma godhatee, maqaa isaa Gaazezitti in moggaase.[8]

⁴⁷Ilmaan Yaahidaayi, Regem, Yotaam, Geshaan, Phelet, Efaa fi Sha'aaf turan.

⁴⁸Ma'akaan saajjatoon Kaaleb isheen kaan, Sheberii fi Tirhaanaa in deesseef.

⁴⁹Akkasumas Sha'aaf abbaa Madmaanaa fi Shewaa, abbaa Makbenaa fi Giibe'aa isheetu da'e; intalli Kaaleb immoo Aksaa turte*.

⁵⁰Sanyiin Kaaleb warra kanatti aananii jiranii dha; Kaaleb haadha manaa isaa Efraataa irraa jalqaba kan inni godhate Huur; ilmaan Huur Shobaal isa mandara Kiriiyat-Ya'ariimin ijaare,

⁵¹Salmoon isa mandara Betlihem ijaaree fi, Haareef isa mandara Betgaader ijaare turan.

⁵²Shobaal inni Kiriiyat-Ya'ariimin ijaare ilmaan kan biraas qaba ture; isaanis Haro'ehii fi walakkaa Menuhoototaa turan.

⁵³Qomoon Kiriiyat-Ya'ariim immoo Yetroota, Phutoota, Shumaatotaa fi Miishrota; Zoraatonnii fi Eshtaalonni qomoo warra kanaa ti*.[9]

⁵⁴Salmoon inni mandara Betlihem ijaare abbaa qomoo Netofaatotaa, abbaa qomoo Atrot-Bet-Yo'aab akkasumas abbaa qomoo Zoraatota warra walakkaa Maanaheetotaa ti.

⁵⁵Qomoon caaftotaa warri biyya Yaabez keessa jiraatan immoo Traasitoota Shime'aatota, Sukaatota; isaan kun Qenoota warra Hemaat abbaa qomoo Rekaab*.[10]