Macaafa Seenaa Baraa Isa Duraa 24:1-31 GAZB1997 - Bible AI

¹Sanyiin Aaron akka kanatti fufee jirutti hirmamaniiru; Aaron ilmaan afur qaba ture; isaanis, Naadaab, Abiihuu, Ele'azaarii fi Itaamaar*.

²Naadaabii fi Abiihuun garuu utuu ijoollee hin godhatin abbaa isaanii dura in du'an; Ele'azaarii fi Itaamaar immoo luboota ta'anii in hojjetan*.

³Daawit yommus sanyii Aaron akka akka hojii isaaniitti gargar in hire; kana gochuudhaaf immoo qomoo Ele'azaar keessaa Zaadoq, qomoo Itaamaar keessaa immoo Ahiimelektu isa gargaare*.

⁴Dhiironni mana mana abbaa isaaniitti dura-buutuu ta'anii waamaman, qomoo Itaamaar caalaa qomoo Ele'azaar keessaa kutata kudha ja'a, qomoo Itaamaar keessaa immoo kutata saddeettu qixaa'e.

⁵Qomoo lachuu isaanii keessa gurguddoonni mana qulqullummaa keessaa hojjetanii fi, geggeessitoonni hojii hafuuraa waan jiraniif, hunduma isaanii buufata mukaatiin waluma qixxeetti hojii isaanii irra in dhaaban.

⁶Lafa mootichii fi gurguddoonni biyyaa, Zaadoq lubichii fi Ahiimelek ilmi Abiyaataar, dura-buutonni Lewwootaa fi lubootaa jiranitti, warri qomoo Ele'azaarii fi qomoo Itaamaar keessaa mana mana abbaa isaaniitti dura-buutuu ta'anii waamaman, darabee darabeedhaan buufata mukaa in fudhatan; Shemaa'iyaan ilmi Netaani'el inni caafaan warra Lewwootaa immoo isa kana tarree galchee in caafe.[79]

⁷Buufanni mukaa inni duraa Yehoyaariibiif, inni lammaffaan Yedaa'iyaaf,

⁸inni sadaffaan Haariimiif, inni afuraffaan Se'oriimiif,

⁹inni shanaffaan Malkiiyaaf, inni ja'affaan Miiyaamiiniif,

¹⁰inni torbaffaan Haqoziif, inni saddeettaffaan Abiiyaaf,

¹¹inni salgaffaan Yeshu'aaf, inni kurnafaan Shekaaniyaaf,

¹²inni kudha tokkoffaan Eliyaashiibiif, inni kudha lammaffaan Yaaqiimiif,

¹³inni kudha sadaffaan Huphaadhaaf, inni kudha afuraffaan Yeshebi'aabiif,

¹⁴inni kudha shanaffaan Bilgaaf, inni kudha ja'affaan Iimeriif,

¹⁵inni kudha torbaffaan Heziiriif, inni kudha saddeettaffaan Haphiizeziif,

¹⁶inni kudha salgaffaan Phetaayaaf, inni digdammaffaan Yihesqeliif,

¹⁷inni digdamii tokkoffaan Yaakiiniif, inni digdamii lammaffaan Gaamuliif,

¹⁸inni digdamii sadaffaan Delaayaaf, inni digdamii afuraffaan Ma'aaziyaaf in ba'e.

¹⁹Jarreen kun akkuma Aaron abaabiliin isaanii abboommii Waaqayyo gooftaa Israa'eliin hojichaaf seera baasee turetti, mana qulqullummaa keessaa hojjechuudhaaf akka akka tarree hojii isaaniitti caafamaniiru*.[80]

²⁰Sanyiin Lewwii warri kaan immoo kanatti fufanii kan jiranii dha; ilmaan Amraam keessaa Shubaa'el, ilmaan Shubaa'el keessaa immoo Yehidiiyaa;

²¹ilmaan Rehaabiyaa keessaa immoo Yishiiyaan angafa.

²²Yizhaarota keessaa Shelomoot, ilmaan Shelomoot keessaa immoo Yaahaat.

²³Kebroon ilmaan afur qaba ture; isaanis, Yeriiyaan isa duraa ti, Amaariyaan isa lammaffaa ti, Yaahazii'el isa sadaffaa ti, Yeqaamii'aam isa afuraffaa ti.

²⁴Ilmi Uzii'el Miikaa dha, ilmaan Miikaa keessaa immoo Shaamiir;

²⁵Yishiiyaan obboleessa Miikaa ti; ilmaan Yishiiyaa keessaa immoo Zakaariyaas.

²⁶Meraariin ilmaan lama qaba ture; isaanis, Maahilii fi Mushii dha; Benoon ilma Ya'aziiyaa ti.

²⁷Qomoo Meraarii keessaa ilmaan Ya'aziiyaa Shohaam, Zaakurii fi Ibrii dha.

²⁸Maahiliin ilma ?Ele'azaar? jedhamu tokko qaba ture; Ele'azaar kun immoo dhala hin godhanne.

²⁹Qomoo Qiish keessaa immoo Yeraami'el ilma Qiish.

³⁰Mushiin ilmaan sadii qaba ture; isaanis, Maahilii, Ederii fi Yeriimoot; isaan kun ilmaan Lewwootaa warra akka balbala balbala abboota isaaniitti dura-buutota ta'anii dha*.[81]

³¹Isaanis akkuma obboloota isaanii sanyii Aaron lafa Daawit mootichi, Zaadoqii fi Ahiimelek dura-buutonni lubootaa fi Lewwootaa jiranitti, dura-buutonni tokkon tokkon maatii isa angafaa hamma isa quxisuutti waluma qixxeetti hojii hojii isaaniitiif buufata mukaa in fudhatan.[82]