Macaafa Seenaa Baraa Isa Duraa 6:1-81 GAZB1997 - Bible AI

¹Ilmaan Lewwii, Gershoon, Qehaatii fi Meraarii dha*.

²Ilmaan Qehaat, Amraam, Yizhaar, Kebroonii fi Uzii'el*.

³Ijoolleen Amraam, Aaron, Musee fi Miiryaam; ilmaan Aaron, Naadaab, Abiihuu, Ele'azaarii fi Itaamaar turan.[23]

⁴Ele'azaar, Fiinehaasin dhalche; Fiinehaas, Abiishuwaa dhalche;

⁵Abiishuwaan, Bukin dhalche; Buk Uzin dhalche;

⁶Uz, Zeraayaa dhalche; Zeraayaan, Meraayootin dhalche;

⁷Meraayoot, Amaariyaa dhalche; Amaariyaan, Ahiixubin dhalche;

⁸Ahiixub, Zaadoqin dhalche; Zaadoq, Ahiimaa'azin dhalche;

⁹Ahiimaa'az, Azaariyaa dhalche; Azaariyaan, Yohaannaanin dhalche;

¹⁰Yohaannaan, Azaariyaa dhalche; Azaariyaan kun isa luba ta'ee mana qulqullummaa isa Solomoon Yerusaalemitti ijaare keessa hojjechaa turee dha.

¹¹Azaariyaan, Amaariyaa dhalche; Amaariyaan, Ahiixubin dhalche;

¹²Ahiixub, Zaadoqin dhalche; Zaadoq, Shaalumin dhalche;

¹³Shaalum, Hiilqiiyaa dhalche; Hilqiiyaan, Azaariyaa dhalche;

¹⁴Azaariyaan, Seraayaa dhalche; Seraayaan, Yehozaadaaqin dhalche;

¹⁵Yehozaadaaq yeroo Waaqayyo, namoonni Yihudaa fi namoonni Yerusaalem harka Nebukadnezaarin akka booji'aman godhe sana biyyaa baafame*.[24]

¹⁶Ilmaan Lewwii Gershoom, Qehaatii fi Meraarii dha*.

¹⁷Maqaan ilmaan Gershoom kanatti aanee jira; isaanis Liibnii fi Shime'ii dha.

¹⁸Ilmaan Qehaat Amraam, Yizhaar, Kebroonii fi Uzii'el.[25]

¹⁹Ilmaan Meraarii Maahilii fi Mushii dha; maatiin Lewwootaa akka mana mana abbaa isaaniitti kanatti aananii kan jiranii dha.

²⁰Qomoo Gershoom keessaa Liibnii, Yahat, Ziimaa,

²¹Yo'aa, Iddoo, Zeraa fi Ye'ateraayi turan.

²²Ilmaan Qehaat Aminaadaab, Qoraahi, Asiir*,

²³Elqaanaa, Ebiyaasaaf, Asiir,

²⁴Tahaat, Urii'el, Uziiyaa fi Shaawul turan.[26]

²⁵Ilmaan Elqaanaa Amaasaayii fi Ahiimoot.

²⁶Ilmaan Ahiimoot Elqaanaa, Sofaayi, Naahaat,

²⁷El'aab, Yerohaam, Elqaanaa.

²⁸Ilmaan Saamu'el Yo'el isa angafa, Abiiyaan immoo isa isatti aanuu dha*.[27]

²⁹Ilmaan Meraarii Maahilii, Liibnii, Shime'ii, Uzaa,

³⁰Shime'aa, Hagiiyaa fi Asaayaa turan.

³¹Sanduuqi kakuu mana qulqullummaatti erga galee booddee, faarfannaa manicha keessatti faarfatamuuf itti gaafatamoo akka ta'aniif, namoonni Daawit mootichi hojii irra dhaabe kanatti fufanii kan jiranii dha.

³²Isaan hamma bara Solomoon Yerusaalemitti mana qulqullummaa ijaareetti, akka abboommii isaaniif kennameetti balbala dunkaana wal ga'ii iddoo qulqullaa'aa duratti argamanii faarfachuudhaan isaaf in hojjetu turan.

³³Namoonni ijoollee isaanii wajjin hojii kana irra turan, akka kanatti aanee jirutti caafamaniiru; qomoo Qehaat keessaa, Hemaan faarfaticha, ilma Yo'el ilma Saamu'el*,

³⁴ilma Elqaanaa, ilma Yerohaam, ilma Elii'el, ilma To'aa,

³⁵ilma Zuuf, ilma Elqaanaa, ilma Mahaat, ilma Amaasaayi,

³⁶ilma Elqaanaa, ilma Yo'el, ilma Azaariyaa, ilma Sefaaniyaa,

³⁷ilma Tahaat, ilma Asiir, ilma Ebiyaasaaf, ilma Qoraahi,

³⁸ilma Yizhaar, ilma Qehaat, ilma Lewwii, ilma Israa'el.[28]

³⁹Asaaf obboleessa Hemaan isa gara mirga isaa ijaajjee hojjetu, Asaaf ilma Berekiiyaa, ilma Shime'aa*,

⁴⁰ilma Mikaa'el, ilma Ba'aseyaa, ilma Malkiiyaa,

⁴¹ilma Etnii, ilma Zeraa, ilma Adaayaa,

⁴²ilma Eyitaan, ilma Ziimaa, ilma Shime'ii,

⁴³ilma Yaahaat, ilma Gershoom, ilma Lewwii ti.[29]

⁴⁴Obboloonni isaanii ilmaan Meraarii immoo gara bitaatiin dhaabatanii in hojjetu turan; Eyitaan ilma Qiishii, ilma Abdii, ilma Maluuk,

⁴⁵ilma Hashabiiyaa, ilma Amaasiyaa, ilma Hiilqiiyaa,

⁴⁶ilma Amzii, ilma Baanii, ilma Shaamer,

⁴⁷ilma Maahilii, ilma Mushii, ilma Meraarii, ilma Lewwii ti.

⁴⁸Lewwoonni akka isaanii mana Waaqayyoo keessaa hojii iddoo qulqullaa'aa isa kan biraa hundumaa irra dhaabamanii turan.

⁴⁹Aaronii fi sanyiin isaa garuu iddoo aarsaa isa qalmi gubamu irratti dhi'eeffamuu fi isa ixaanni irratti aarfamu irratti aarsaa in dhi'eessu; kana malees, akkuma Museen garbichi Waaqayyoo abboomee turetti, wanta iddoo hundumaa caalaa qulqullaa'aa ta'e keessatti hojjetamu hundumaatti gaafatamuunii fi Israa'eliif araara buusuun hojii isaanii ture*.

⁵⁰Sanyiin Aaron warra kanatti aananii dha; Aaron abbaa Ele'azaar; Ele'azaar abbaa Fiinehaas; Fiinehaas abbaa Abiishuwaa ti;

⁵¹Abiishuwaan abbaa Bukii ti; Buk abbaa Uzii ti; Uz abbaa Zeraayaa ti;

⁵²Zeraayaan abbaa Meraayoot; Meraayoot abbaa Amaariyaa ti; Amaariyaan abbaa Ahiixub;

⁵³Ahiixub abbaa Zaadoq; Zaadoq abbaa Ahiimaa'az*.[30]

⁵⁴Buufanni mukaa inni dura bu'e sanyii Aaron keessaa qomoo Qehaatiif waan baaseef, lafti isaaniif kenname kanatti aanee jira.

⁵⁵Biyya gosa Yihudaa keessaa Kebroonii fi lafa tikaa naannoo isaa jiru hundumaa isaaniif in kennan.

⁵⁶Lafa naannoo mandarattii fi gandeen ishee garuu, Kaaleb ilma Yofuneef in kennan.

⁵⁷Ilmaan Aaroniif immoo mandaroota namoonni kooluu itti galan, Kebroonii fi Liibnaa akkasumas Yaatiir, Eshtemo'aa,

⁵⁸Hiilen, Debiir,

⁵⁹Aashaan, Bet-Shemesh iddoowwan tikaa naannoo isaanii jiranii wajjin in kennaniif.

⁶⁰Biyya gosa Benyaamiin keessaa immoo Gebaa, Alemetii fi Anaatotin iddoowwan tikaa naannoo isaanii jiranii wajjin in kennaniif; mandaroonni maatii isaanii hundinuu walumatti kudha sadii turan.

⁶¹Sanyiin Qehaat warri hafan immoo biyya walakkaa gosa Minaasee keessaa mandaroota kudhan in argatan.

⁶²Sanyiin Gershoom akka qomoo qomoo isaaniitti biyya gosa Yisaakor, gosa Asheerii fi gosa Niftaalem keessaa akkasumas biyya walakkaa gosa Minaasee isa Baashaan keessaa mandaroota kudha sadii in argatan.

⁶³Sanyiin Meraarii akka qomoo qomoo isaaniitti biyya gosoota Ruuben, Gaadii fi Zebuloon keessaa mandaroota kudha lama in argatan.

⁶⁴Akkasitti Israa'eloonni mandaroota kanaa fi iddoowwan tikaa naannoo isaanii jiran warra Lewwootaatiif in kennan.

⁶⁵Mandaroota gosa Yihudaa, Shimi'oonii fi Benyaamiin keessaa maqaa dha'aman kana buufata mukaatiin in kennaniif.

⁶⁶Qomoo Qehaat keessaa kaan immoo, biyya gosa Efreem keessaa mandaroota daarii isaanii jiran in argatan.

⁶⁷Isaan biyya gaaraa isa kan Efreem keessaa Sheekem mandara namni nama ajjeesee kooluu itti galu, lafa tikaa naannoo ishee jiruu wajjin, Gezeriin,

⁶⁸Yaaqmi'aamin, Bet-Horoonin,

⁶⁹Ayalonin, Gaat-Rimoonin iddoowwan tikaa naannoo isaanii jiranii wajjin in argatan.

⁷⁰Biyya walakkaa gosa Minaasee keessaa immoo mandara Aanerii fi mandara Biile'aam iddoowwan tikaa naannoo isaanii jiranii wajjin qomoo ilmaan Qehaat warra hafaniif in kennan.

⁷¹Sanyiin Gershoom akka kanatti aanee jirutti argatan; biyya walakkaa gosa Minaasee keessaa, Golaan isa Baashaan keessaa fi Eshtaarotin iddoowwan tikaa naannoo isaanii jiranii wajjin in argatan.

⁷²Biyya gosa Yisaakor keessaa immoo Qedeesh, Daaberaat,

⁷³Raamoot, Aanem iddoowwan tikaa naannoo isaanii jiranii wajjin,

⁷⁴biyya gosa Asheer keessaa Maashaal, Abdoon,

⁷⁵Huqooqii fi Rehoobin iddoowwan tikaa naannoo isaanii jiranii wajjin,

⁷⁶biyya gosa Niftaalem keessaas Qedeesh isa Galiilaa keessaa, Haamonii fi Kiriiyat-Aayimin iddoowwan tikaa naannoo isaa jiranii wajjin in argatan.

⁷⁷Sanyiin Meraarii warri hafan immoo biyya gosa Zebuloon keessaa Rimoonii fi Taaborin iddoowwan tikaa naannoo isaanii jiranii wajjin,

⁷⁸laga Yordaanos gamaa Yerikoo irraa gara ba'a-biiftuutiin biyya gosa Ruuben keessaa Bezer isa lafa onaa keessaa, Yaahizaa,

⁷⁹Qedemootii fi Mefaatin iddoowwan tikaa naannoo isaanii jiranii wajjin in argatan.

⁸⁰Biyya gosa Gaadi keessaas Raamoot isa Giil'aad keessaa, Mahanaayim,

⁸¹Heshboonii fi Yaazerin iddoowwan tikaa naannoo isaanii jiranii wajjin in argatan.