Macaafa Seenaa Baraa Isa Duraa 7:1-40 GAZB1997 - Bible AI

¹Ilmaan Yisaakor arfan, Tolaa, Phuwaa, Yaashubii fi Shimroon*.

²Tolaan ilmaan ja'a qaba; isaanis, Uzii, Refaayaa, Yerii'el, Yaahimaayi, Yibsaamii fi Shemu'el; isaan kun mana mana abboota isaaniitti dura-buutota, dhaloota bara isaanii keessattis loltoota jajjaboo turan; bara mootummaa Daawit keessa loltoonni isaanii warri jajjaboonni kuma digdamii lamaa fi dhibba ja'a turan.

³Ilmi Uzii, Yizraahiyaa; ilmaan Yizraahiyaa, Mikaa'el, Obaadiyaa, Yo'elii fi Yishiiyaa; isaan kun shanan dura-buutota turan.

⁴Isaan dubartootaa fi ilmaan baay'ee qabu waan turaniif, akka caaffata hidda dhaloota qomoo isaaniitti loltoota lolaaf qophaa'an kuma soddomii ja'a qabu turan.

⁵Aantii isaanii kan ta'an guutummaa gosa Yisaakor keessaa akka caaffata hidda dhaloota isaaniitti kan caafaman walumatti loltoota jajjaboo kuma saddeettamii torba turan.[31]

⁶Ilmaan Benyaamiin sadii; isaanis, Bel'aa, Bekerii fi Yedii'el*.

⁷Ilmaan Bel'aa, Ezboon, Uzii, Uzii'el, Yeriimootii fi Iirii dha; isaan kun shanan mana mana abboota isaaniitti dura-buutota; sanyii isaanii keessaa akka caaffata hidda dhaloota isaaniitti loltoota kuma digdamii lamaa fi soddomii afur turan.

⁸Ilmaan Beker Zemiiraa, Yo'aash, Elii'ezer, Elyo'enaayi, Omrii, Yeriimoot, Abiiyaa, Anaatotii fi Alaamet; isaan kun hundinuu ilmaan Beker.

⁹Akka caaffata hidda dhaloota isaaniitti mana mana abboota isaaniitti dura-buutota kan ta'aniif, loltoonni jajjaboonni kuma digdamaa fi dhibba lama turan.[32]

¹⁰Ilmi Yedii'el, Bilhaan; ilmaan Bilhaan immoo Ye'ush, Benyaamiin, Ehud, Kennaanaa, Zetaan, Tarshiishii fi Ahiishaahar.

¹¹Ilmaan Yedii'el kun hundinuu mana mana abboota isaaniitti dura-buutota turan; sanyii isaanii keessaa loltoota jajjaboo lolaaf qophaa'an kuma kudha torbaa fi dhibba lama turan.

¹²Ilmaan Iir, Shuphiimii fi Huphiim; ilmi Aher immoo Hushiim.

¹³Ilmaan Niftaalem, Yaahize'el, Gunii, Yezer, Shaalum; isaan kun ilmaan Niftaalem; Niftaalem kun immoo isa Bilhaan deessee dha*.[33]

¹⁴Ilmaan Minaasee, Asrii'elii fi Maakiir abbaa qomoo Giil'aadotaa ti; isaan kana Yaalaadaa saajjatoo isaa ishee durba warra Sooriyaatu da'eef*;

¹⁵Maakiir obboleettii Huphiimii fi Shuphiim in fuudhe; maqaan ishees ?Ma'akaa? jedhama; ilmaan Maakiir keessaa inni tokko Zelofehaad; inni ijoollee durbaa malee, dhiira hin godhanne.

¹⁶Ma'akaan haati manaa Maakiir ilmaan lama deesseefii, isa tokko ?Pheresh? jettee moggaafte, isa kaan immoo, ?Sheresh? jettee in moggaafte; Pheresh ilmaan lama qaba ture; isaanis Ulaamii fi Raaqem.

¹⁷Ulaam ilma tokko godhate, maqaan isaas Bedaan; isaan kun sanyii Giil'aad ilma Maakiir Minaasee ti.

¹⁸Hamoleket obboleettiin Giil'aad ilmaan sadii godhatte; isaanis Ishood, Abii'ezerii fi Mahilaa dha.

¹⁹Ilmaan Shemiidaa, Ahiiyaan, Sheekem, Liikihii fi Aniiyaam.[34]

²⁰Sanyiin Efreem, Shutelaa, Bered, Tahaat, El'aadaa, Tahaat*,

²¹Zaabaadii fi Shutelaa dha; Ezerii fi El'aad immoo horii namoota biyya Gaatitti dhalatanii duraa fudhachuuf yeroo gad bu'anitti namoota biyyichaatiin in ajjeefaman.

²²Efreem abbaan isaanii yeroo dheeraa isaaniif in gadde, yommus obbolaan isaa dhufanii isa in jajjabeessan.

²³Efreem ergasii haadha manaa isaa bira in ga'e, isheen immoo ulfooftee ilma in deesse; maatiin isaa rakkina keessa waan turaniif, maqaa isaa ?Berii'aa? jedhee moggaase.

²⁴Maqaan intala isaa immoo Seraa ture; isheen mandaroota Bet-Horoon isa gara gadii, Bet-Horoon isa gara olii akkasumas mandara ?Uzen-Seraa? jedhamu in ijaarsifte.

²⁵Efreem ilma ?Refaa? jedhamu tokkos qaba ture; ilmi Refaa, Resheef; ilmi Resheef, Telaa; ilmi Telaa, Tahaan;

²⁶ilmi Tahaan, La'edaan; ilmi La'edaan, Amiihud, ilmi Amiihud Eliishaamaa;

²⁷ilmi Eliishaamaa, Nun; ilmi Nun, Iyaasuu dha*.[35]

²⁸Lafti dhuunfaa isaanii fi iddoon jireenya isaanii Bet'elii fi mandaroota naannoo ishee jiran, karaa gara ba'a-biiftuu Na'araan, karaa gara lixa-biiftuu Gezerii fi mandaroota naannoo ishee jiran, Sheekemii fi mandaroota naannoo ishee jiran, hamma Ayyaa fi mandaroota naannoo ishee jiraniitti.

²⁹Karaa daarii lafa ilmaan Minaasee immoo, Bet-Shaan, Ta'anaa, Megidoo fi Door mandaroota naannoo isaanii jiranii wajjin ture; sanyiin Yoseef ilma Yaaqoob mandaroota kana keessa in jiraatan.

³⁰Ilmaan Asheer, Yiimnaa, Yishwii fi Berii'aa dha; intalli isaa immoo Seraa*.

³¹Ilmaan Berii'aa, Heberii fi Malkii'el isa Biirzaawiitin dhalchee dha;

³²Heber, Yaafiletin, Shomerin, Hotaamii fi obboleettii isaanii Shuwaa in dhalche.

³³Ilmaan Yaafilet kanatti aananii kan jiranii dha; isaanis, Phaasaak, Biimhaalii fi Ashiwaat.

³⁴Ilmaan Shomer, Ahii, Rohigaa, Yehubaa fi Aaram.

³⁵Ilmaan Helem obboleessa isaa, Zofaa, Yiimnaa, Sheleshii fi Aamaal.

³⁶Ilmaan Zofaa, Suwaa, Harnefer, Shuwaal, Berii, Yiimraa,

³⁷Bezer, Hood, Shamaa, Shiilshaa, Yitraanii fi Be'eraa dha.

³⁸Ilmaan Yeter, Yofunee, Fiisphaa fi Eraa dha.

³⁹Ilmaan Ulaa, Araa, Hanii'elii fi Riiziiyaa dha.

⁴⁰Isaan kun hundinuu gosa Asheer keessaa dura-buutota mana mana abbaa isaanii, loltoota jajjaboo fo'amanii fi dura-buutota gurguddoota isaanii turan; warri lolaaf qophaa'anii akka dhaloota isaaniitti caafaman namoota kuma digdamii ja'a turan.[36]