Macaafa Sefaaniyaa Raajichaa 3:1-20 GAZB1997 - Bible AI

¹Mandara Yerusaalem ishee humnaan nama irratti kaatuuf, ishee xurooftuuf ishee nama cunqursituuf wayyoo*!

²Isheen namaaf hin dhageessu, gorsa namaas hin fudhattu; goofticha hin amanattu, gara Waaqayyo isheettis hin dhi'aattu.

³Gurguddoonni ishee akka leenca aaduu ti, abboonni firdii ishees akka yeeyyii galgalaa, isa lafee tokko illee boriif hin hambifnee ti*.

⁴Raajonni ishee of in koorsu, isaan warra dubbiin isaanii hin amanamnee dha; luboonni ishees iddoo qulqullaa'aa in xureessu, seeras in cabsu*.

⁵Waaqayyo inni qulqulluun garuu ishee keessa jira, inni wanta qajeelaa hin ta'in tokko illee hin hojjetu; ganama ganama firdii isaa isa qajeelaa ifatti in baasa; kana gochuus hin dhiisu; jal'oonni garuu yeelloo hin beekan.[11]

⁶Waaqayyo, ?Ani saba warra kaan raawwadhee balleesseera, masaraa isaanii caccabseera; karaa isaanii balleessee akka namni tokko illee irra hin adeemne godheera; mandaroonni isaaniis onanii kan namni raawwatee keessa hin jiraanne ta'aniiru.

⁷Ani mandarattii ishee humnaan nama irratti kaatu sanaan, ?Dhugumaan adabni koo si irra akka hin geenyetti, warri achi keessa jiraatanis raawwatanii akka hin balleeffamnetti adaba koo fudhadhu, ana sodaadhu!? jedheen ture; isheen garuu irra deddeebitee hojii ishee isa manca'aa in hojjetti.

⁸Kanaafis ani Waaqayyo ?Guyyaa ani dhugaa baasuudhaaf ka'u sanatti eeggadhaa! Ani saba biyya lafaa walitti qabee, mootummootas walitti sassaabee, dheekkamsa koo, aarii koo isa boba'aa hundumaas isaan irratti dhangalaasuudhaaf murtoo godheera; biyyi lafaa guutummaan ishee hinaaffaa koo isa akka ibiddaatiin in dhumti*?.

⁹Egaa sabni hundinuu maqaa koo akka waammataniif, harka wal qabataniis anaaf akka hojjetaniif dubbii amanamaa nan kennaaf*.

¹⁰Warri anaaf sagadan, sabni koo warri tamsa'anis, laga Kuush gamaa aarsaa anaaf in fidu*.[12]

¹¹?Guyyaa sanatti ani warra of gurguddisuutti gammadan isin gidduudhaa nan kaasa; isinis wanta ittiin na yakkaa turtan sana hundumaaf hin yeellaasifamtan; tulluu koo isa qulqullaa'aa irrattis si'achi of hin tuultan.

¹²Saba deegaadhaa fi gad deebi'aa, isa ana Waaqayyoon amanatu immoo isin gidduutti nan hambisa*;

¹³Israa'eloonni warri hafan si'achi hin yakkan, sobas hin dubbatan; nama sossobuunis dubbii isaanii keessatti hin argamu; isaan nyaatanii in boqotu, kan isaan sodaachisus hin jiru? jedhe*.[13]

¹⁴Yaa namoota Xiyoon, sagalee gammachuu dhageessisaa! Yaa saba Israa'el, sagalee keessan guddisaa ol kaasaa! Yaa namoota Yerusaalem, garaa keessan hundumaan gammadaa! Gammaduu keessanis beeksisaa*!

¹⁵Isa sitti faradame sana Waaqayyo si irraa kaaseera, diinota kees si irraa deebiseera; Waaqayyo mootiin Israa'el sii wajjin waan jiruuf, ati si'achi wanta hamaa hin sodaattu.

¹⁶Guyyaa sanatti namoonni Xiyooniin, ?Yaa Yerusaalem hin sodaatin, harki kees lawwaasa'ee kan gad rarra'u hin ta'in!

¹⁷Waaqayyo gooftaan kee sii wajjin jira, inni oolchuudhaaf aango-qabeessa; inni of irraa bu'ee sitti in gammada, jaalala isaatiin gabii siif in kenna; akka warra guyyaa ayyaana beekamaatti gammadanii, sitti gammaduu isaas sagalee isaa ol fuudhee in dhageessisa? in jedhu*.

¹⁸Waaqayyo ammas, ?Ani iyya isaanii, wawwaannaa isaanii, yeelloo isa akka ba'aa isaanitti ulfaates isaan irraa nan kaasa*.

¹⁹Kunoo! Ani guyyaa sanatti warra isin cunqursan hundumaa nan adaba, warra naafa nan fura, warra tamsa'anis walitti nan qaba; warri guutummaa biyya lafaa keessatti yeellaasifaman, ulfinaa fi jajamuu akka argatan nan godhe*.

²⁰Yeroo sanatti ani walitti isin qabee, biyyatti isin nan galcha; yeroo sanatti warra isin duraa booji'aman, utuu isin ilaaltanii isiniif nan deebisa; ani saba lafa irraa hundumaa gidduutti, ulfinaa fi jajamuu akka argattan nan godha? jedha; kana Waaqayyotu dubbate*.[14]