Macaafa Weedduu Weedduu Caalu 2:1-17 GAZB1997 - Bible AI

¹Isheen, ?Ani arfaasee Shaaron, daraaraa dachaa keessaa tis? jette.

²?Hiriyeen koo durboota gidduutti, akka daraaraa qoraattii keessa jiruu ti? jedhe.

³?Michuun koo dargaggoota gidduutti akka muka hudhaa mukkeetii caakkaa gidduu dhaabatuu ti; gaaddisa isaa jala taa'uun anatti in tola, iji isaas afaan kootti in miyaa'a.

⁴Michuun koo gara mana cidhaatti na geesse; milikkinni jaalallee isaa ta'uu koo mul'isuu ana irra jira.

⁵Yommuu jaalalli na dhukkubsachiisu, yaa jara nana, ija wayniitiin na sooraa, ija muka hudhaatiinis na jabeessaa!

⁶Harki isaa inni bitaa mataa koo jala jira, harki isaa inni mirgaa immoo na ammata*.

⁷Yaa intaloota Yerusaalem, michuu koo isa akka kuruphee yookiis akka borofa caakkaa, hamma inni ofiin ka'utti hin dammaqsinaa? jette*.[3]

⁸?Kun sagalee miccuu kootii ti! Kunoo, inni tulloota irra in u'utaala, gaarota irras in kaata;

⁹michuun koo akka kuruphee ti, akka ilmoo bosonuu tis. Ilaa! Inni kellaa mana keenyaa duuba in ijaajja, qaawwa kellaatti maxxanee, karaa qaawwa manaa in ilaala.

¹⁰?Michuun koo deebisee anatti in dubbate. ?Yaa hiriyee ko, miidhagduu ko! Ka'ii na bira kottu!

¹¹Kunoo, amma ganni darbeera, bokkaan caameera, sokkeeras;

¹²daraaraan bakkee keessatti argameera, yeroon weedduus ga'eera, sagaleen gugees biyya keenya keessatti dhaga'ameera;

¹³mukti harbuu ija godhachuu jalqabeera, mukti wayniis daraaree urgaa'eera, yaa hiriyee ko, miidhagduu ko, ka'ii na bira kottu!? naan jedhe.

¹⁴?Inni, ?Yaa gugee ko ishee holqa dhagaa keessaa, yaa ishee dhoksaa bowwaa keessaa, fuula kee na argisiisi, sagalee kees na dhageessisi! Sagaleen kee anatti in tola, fuulli kees anatti in miidhaga? jedha? jette.

¹⁵Hiriyoonni ishee immoo, ?Waangotaa fi ilmaan waangotaa warra waynii keenya isa daraaraa nu duraa balleessan qabi!? jedhan.

¹⁶?Jaalalleen koo kan koo ti, anis kan jaalallee kootii ti; inni daraaraa keessa horii isaa in tiksa*.

¹⁷Yaa jaalallee ko! Utuu boruun hin baqaqin, aduunis utuu hin ba'in, akka kuruphee fiigii kottu, akka ilmoo bosonuus fottoqaa gaaraa irraa utaalii na bira ga'i*![4]