Seera Lakkoobsaa 12:1-16 GAZB1997 - Bible AI

¹Miiryaamii fi Aaron sababii Museen intala warra Kuush fuudheef isa irratti ka'anii,

²?Waaqayyo Museedhuma duwwaatti dubbatee? Nuttis immoo dubbateera mitii?? jedhan; Waaqayyo yommus kana in dhaga'e.

³Museen garuu namoota biyya lafaa irra jiran hundumaa caalaa nama gara-laafessa ture.

⁴Waaqayyo achumaan Museedhaan, Aaroniin, Miiryaamiinis, ?Isin sadanuu ba'aatii gara dunkaana itti wal ga'aniitti kottaa!? jedhe; yommus sadanuun isaanii ba'anii in dhaqan.

⁵Waaqayyo utubaa duumessaa keessaan gad bu'ee balbala dunkaana sanaa irra dhaabatee, Aaronii fi Miiryaamin waame; isaan lachanuus in dhi'aatan.

⁶Waaqayyo isaaniin, ?Mee amma dubbii koo dhaga'aa! Raajiin koo isin gidduu yoo jiraate, mul'ataan isatti of nan mul'isa, abjuudhaanis isatti nan dubbadha.

⁷Musee garbicha kootti garuu akkasitti hin dubbadhu; inni mana koo hundumaa keessatti amanamaa dha*;

⁸ani afaan kootiin mul'isee isatti nan dubbadha malee, jecha dhokataadhaan isatti hin dubbadhu. Inni of eeggatee fakkaattii bifa koo in arga'o; isin garbicha koo Musee irratti dubbachuu maaliif sodaachuu dhiiftan ree?? jedhe*.[35]

⁹Waaqayyo yommus baay'ee isaanitti aaree isaan duraa in adeeme.

¹⁰Yommuu duumessichi dunkaanicha irraa ka'e Miiryaam lamxi'amtee adii akka booralee taate; Aaron gara galee Miiryaamin yommuu ilaale, kunoo isheen lamxi'amtee in arge*.

¹¹Aaron kana irratti Museedhaan, ?Yaa gooftaa ko! Hadaraa cubbuu isa nuyi gowwummaatti hojjenne kana nutti hin lakkaa'in!

¹²Maaloo akka wanta du'ee dhagni isaa erga tortoree gadameessa haadhaa keessaa ba'uu ishee hin godhin!? jedhe.[36]

¹³Museen yommus gara Waaqayyootti iyyee, ?Yaa Waaqayyo! Maaloo ishee fayyisi!? jedhee in kadhate.

¹⁴Waaqayyo immoo Museedhaan, ?Abbaan ishee fuula isheetti yoo tufe isheen guyyaa torba hin yellaatuu ree? Amma isheen guyyaa torba iddoo buufataa sana duuba haa turtu, kana booddees iddoo buufataa sanatti deebitee ol haa galtu!? jedhe*.

¹⁵Kana irratti Miiryaam guyyaa torba iddoo buufataa sana duuba turte; hamma Miiryaam deebitee iddoo buufataatti ol galtutti sabni achii ka'ee hin adeemne.

¹⁶Kana booddee garuu sabni sun Haserootii ka'ee Phaaraan lafa onaa keessa in buufate.[37]