Seera Lakkoobsaa 16:1-50 GAZB1997 - Bible AI

¹Qoraahi ilmi Yizhaar akaakayyuun Qehaat inni sanyii Lewwii, Daataanii fi Abiiram ilmaan Eliiyaabii fi On ilmi Phelet sanyiin Ruuben,

²isaanii wajjinis namoota Israa'el keessaa namoonni dhibbi lamaa fi shantamni warri waldaa geggeessuudhaaf waldaa keessaa fo'amanii beekamoo turan Musee irratti in ka'an.

³Isaan kun Museedhaa fi Aaroniin mormuudhaaf wal ga'anii dhufanii isaaniin, ?Isin amma dubbii baay'iftaniittu! Waldaan guutummaatti, warri waldicha keessa jiranis hundinuu qullaa'oo dha, Waaqayyos isaanii wajjin jira; isin garuu maaliif waldaa Waaqayyoo irratti ol of qabdu ree?? jedhan.

⁴Museen kana yommuu dhaga'e adda isaatiin lafatti in gombifame.

⁵Yommus Qoraahii fi warra hidhata isaatiin, ?Bor Waaqayyo warra kan isaa ta'an, warra qullaa'oo ta'anis in argisiisa; namoota sana ofitti in buta, nama fo'atus inni ofitti in dhi'eessa.

⁶Qoraahii fi warri hidhata isaa taatan qodaa itti ixaana aarsan fudhadhaa!

⁷Bor fuula Waaqayyo duratti ibidda itti hammaaraatii ixaana irratti naqaa! Namni Waaqayyo fo'atu nama qullaa'aa in ta'a; yaa ilmaan Lewwii, isin dubbii baay'iftaniittu!? jedhe.

⁸Museen itti fufee Qoraahiin, ?Ammas yaa ilmaan Lewwii dhaga'aa!

⁹Waaqayyo inni kan Israa'el isatti dhi'aattanii godoo isaa keessatti isaaf akka hojjettaniif, waldaa dura dhaabattanii isaaniif akka hojjetaniifis waldaa Israa'el keessaa addaan isin baasuun isaa kun isinitti xinnaatee ree*?

¹⁰Inni isinii fi obboloota keessan ilmaan Lewwii hundumaa ofitti dhi'eessuun isaa isinitti xinnaatee ree? Yookiis isin isuma irratti iyyuu hojii lubummaa fudhachuu barbaadduu ree?

¹¹Kanaaf atii fi warri hidhata keetii wal geessanii Waaqayyo irratti ka'uu keessan malee, Aaron kun eenyu iyyuuti irratti guungumtan ree?? jedhe.[53]

¹²Ergasii immoo Museen Daataanii fi Abiiram ilmaan Eliiyaabitti ergee in waamsise; isaan garuu, ?Lakkii nuyi hin dhufnu;

¹³inni ati biyya aannanii fi damma baasu keessaa nu baaftee as lafa onaa keessatti nu ajjeesuudhaaf nu fidde in xinnaate moo? Ammas nu irratti mo'uu barbaaddaa ree?

¹⁴Atoo biyya aannanii fi damma baasutti nu hin galchine, maasiidhaa fi iddoo dhaabaa wayniis dhaala gootee nuuf hin kennine; jarri kun waa hin hubatan seeta moo? Lakkii, nuyi hin dhufnu!? jedhan*.[54]

¹⁵Kana irratti Museen baay'ee aaree, Waaqayyoon, ?Ati gara aarsaa isaanii hin ilaalin! Ani harree tokko illee isaan irraa hin fudhanne, isaan keessaas nama tokko illee hin miine? jedhe*.

¹⁶Museen ergasii Qoraahiin, ?Bor atii fi warri hidhata keetii hundinuu Aaronis achitti Waaqayyo duratti argamaa!

¹⁷Namoonni kee hundinuu adduma addaan qodaa itti ixaana aarsan walumatti qodaa dhibba lamaa fi shantama, atis Aaronis adduma addaan qodaa itti ixaana aarsan fudhadhaatii ixaana itti naqaatii fuula Waaqayyoo duratti dhi'eessaa!? jedhe.

¹⁸Yommus isaan adduma addaan qodaa itti ixaana aarsan fudhatanii ibiddaa fi ixaana itti naqanii, balbala dunkaana wal ga'ii dura Museedhaa fi Aaronii wajjin in dhaabatan.

¹⁹Qoraahin warra hidhata isaa ta'an hundumaa guutummaa waldaa fuullee isaaniitti balbala dunkaana wal ga'iitti yommuu walitti qabe, ulfinni Waaqayyoo guutummaa waldaa sanaatti in mul'ate*.

²⁰Waaqayyo Museedhaa fi Aaroniin,

²¹?Ani battalatti akkan isaan fixuuf isin warra walitti hidhatan kana irraa gargar ba'aa!? jedhe*.

²²Musee fi Aaron garuu adda isaaniitiin lafatti gombifamanii iyyanii, ?Yaa Waaqayyo, gooftaa hafuura nama hundumaa! Namni tokkichi cubbuu yoo hojjete ati immoo guutummaa waldaatti dhekkamtaa ree?? jedhan*.[55]

²³Waaqayyo ergasii Museedhaan,

²⁴?Ati waldaatti dubbadhuu, ?Godoo Qoraahii fi godoo Daataan, godoo Abiiram biraas fagaadhaa!? jedhiin!? jedhe.

²⁵Museenis ka'ee gara Daataanii fi Abiiram in dhaqe; jaarsoliin Israa'elis isa duukaa in dhaqan.

²⁶Yommus Museen waldaadhaan, ?Godoo namoota jal'oota kanaa biraa fagaadhaa! Cubbuu isaanii hundumaan akka hin badnettis wanta kan isaanii ta'etti hin bu'inaa!? jedhe.

²⁷Waldaanis godoo Qoraahii fi godoo Daataan, godoo Abiiram biraas in fagaate; Daataanii fi Abiiram gad ba'anii dubartoota isaanii, ilmaan isaanii fi ijoollota isaanii wajjin balbala balbala godoo isaanii in ijaajjan.

²⁸Ergasii Museen waldaadhaan, ?Waaqayyo wanta kana hundumaa hojjechuudhaaf akka na erge, anis yaaduma koo keessaa fuudhee akkan hin hojjetin isin kanaan in beektu.

²⁹Jarreen kun du'a qajeeltoo in du'u yoo ta'e, waanuma namoota irra ga'utu isaan irra ga'as yoo ta'e, egaa Waaqayyo ana hin ergine.

³⁰Waaqayyo wanta takkaa ta'ee hin beekne fidee, lafti afaan banee wanta isaan qaban hundumaa wajjin yoo isaan liqimse, isaanis fayyaatti gara iddoo lafa jalaatti gad yoo bu'an garuu, jarreen kun Waaqayyoon akka aarsan isin in beektu? jedhe.

³¹Akkuma inni dubbii kana hundumaa dubbatee fixeen, lafti isaan jalaa in dho'e*.

³²Lafichi afaan banee warra hidhata Qoraahii fi wanta isaan qaban hundumaa wajjin, mi'a isaanii hundumaas in liqimse.

³³Isaan wanta qaban hundumaa wajjin fayyaatti gara iddoo lafa jalaatti gad in bu'an; lafichi walitti deebi'ee afaan isaa in cufate; akkasitti isaan waldaa keessaa in balleeffaman.

³⁴Yommuu isaan iyyan Israa'eloonni warri naannoo sana turan hundinuu, ?Nuunis immoo lafti nu liqimsa!? jedhanii in baqatan.

³⁵Waaqayyo biraa ibiddi dhufee namoota dhibba lamaa fi shantama, warra ixaana aarsan sana in fixe*.[56]

³⁶Waaqayyo ergasii Museedhaan,

³⁷?Ele'azaar ilma Aaron lubichaatiin, ?Qodaan itti ixaana aarsan sun qulqullaa'aa waan ta'eef, barbadaa keessaa fuudhi, barbadicha garuu achi irraa fageessiitii tamsaasi!

³⁸Kun qodaa isa namoonni lubbuu isaanii irratti ittiin cubbuu hojjetanii dha; qodaawwan kun gara Waaqayyootti dhi'eeffamanii waan qulqulleeffamaniif, akka eeleetti tumamanii diriirfamanii qadaaddii iddoo aarsaa haa ta'an! Israa'elootaaf milikkita haa ta'an!? jedhi!? jedhe.

³⁹Ele'azaar lubichis qodaa itti ixaana aarsan warra sibiila borrajjii irraa hojjetaman, warra jarreen gubaman sun dhi'eessan walitti qabee, akka eeleetti iddoo aarsaatti akka uffifamu in godhe.

⁴⁰Akkuma Waaqayyo karaa Musee isatti himee tures, namni ormi, sanyii Lewwii keessaa kan hin ta'in Waaqayyo duratti dhi'aatee ixaana akka hin aarsineef, akka Qoraahii fi akka warra hidhata isaatiis akka hin taaneef kun Israa'elootaaf seenaadhaaf akka ta'u in godhe.

⁴¹Borumtaa isaas guutummaan waldaa Israa'el Musee fi Aaron irratti guungumanii, ?Isin saba Waaqayyoo ajjeeftaniittu!? jedhan.

⁴²Yeroo waldaan Musee fi Aaroniin mormuudhaaf wal ga'ee gara dunkaana itti wal ga'aniitti deebi'e immoo kunoo! Duumessi dunkaanicha in golboobe, ulfinni Waaqayyoos in mul'ate;

⁴³Museenii fi Aaron gara fuula dura dunkaana itti wal ga'aniitti gad in ba'an.

⁴⁴Waaqayyo yommus Museedhaan,

⁴⁵?Ani battalatti akkan isaan fixuuf isin waldaa kana irraa gargar ba'aa!? jedhe; Musee fi Aaron adda isaaniitiin lafatti in gombifaman.

⁴⁶Museenis Aaroniin, ?Dheekkamsi Waaqayyo biraa ba'eera, dha'ichis jalqabeera; kanaaf ati qodaa itti ixaana aarsan fudhadhuu iddoo aarsaatii ibidda itti naqii, ixaanas irratti naqii, dafii gara waldaatti gad ba'ii isaaniif araarsi!? jedhe.

⁴⁷Yommuu Aaron akkuma Museen jedhe qodaa itti ixaana aarsan fudhatee, fiigee waldaa gidduu lixu, kunoo! Dha'ichi saba gidduutti jalqabee ture; Aaron garuu ixaanicha aarsee isaaniif in araarse.

⁴⁸Inni warra du'anii fi warra jiran gidduu in ijaajje; dha'ichichis in dhaabate.

⁴⁹Haa ta'u iyyuu malee, warra sababii Qoraahii fi dhuman malee, warri dha'icha kanaan dhuman namoota kuma kudha afurii fi dhibba torba turan.

⁵⁰Dha'ichichi waan dhaabateef, Aaron balbala dunkaana itti wal ga'anii duratti Musee bira in dhufe.