Seera Lakkoobsaa 2:1-34 GAZB1997 - Bible AI

¹Waaqayyo ammas Musee fi Aaroniin,

²?Namoonni Israa'el akka faajjii isaaniitti, akka milikkita mana abboota isaaniitti dunkaana wal ga'ii sana irraa fagaatanii naannessanii adduma addaan dunkaana haa dhaabatan!? jedhe.

³Gara boruutiin kutanni Yihudaa akka faajjii isaaniitti qixa ba'a-biiftuutiin haa buufatan! Geggeessituun namoota Yihudaa, Nahishoon ilma Aminaadaab;

⁴kutata isaa keessaa warri lakkaa'aman namoota kuma torbaatamii afurii fi dhibba ja'a.

⁵Gosi Yisaakor isaanitti aanee haa buufatu! Geggeessituun namoota Yisaakor, Nataani'el ilma Zuwaar;

⁶kutata isaa keessaa warri lakkaa'aman namoota kuma shantamii afurii fi dhibba afur.

⁷Gosi Zebuloon immoo isaan kanatti haa aanu! Geggeessituun namoota Zebuloon, Eliiyaab ilma Helon;

⁸kutata isaa keessaa warri lakkaa'aman namoota kuma shantamii torbaa fi dhibba afur.

⁹Guutummaa buufata Yihudaa keessaa akka kutata kutata isaaniitti kan lakkaa'aman namoota kumaatama dhibba tokkoo fi kuma saddeettamii ja'aa fi dhibba afur; isaan kun dura bu'anii in adeemu.

¹⁰Kutanni Ruuben akka faajjii isaaniitti gara mirgaatiin haa buufatan! Geggeessituun namoota Ruuben Eliizur ilma Shiide'ur;

¹¹kutata isaa keessaa warri lakkaa'aman kuma afurtamii ja'aa fi dhibba shan.

¹²Gosi Shimi'oon isaanitti aanee haa buufatu! Geggeessituun namoota Shimi'oon, Shiilumii'el ilma Zuriishadaayi;

¹³kutata isaa keessaa warri lakkaa'aman kuma shantamii sagalii fi dhibba sadii.

¹⁴Kana booddees gosi Gaadi itti haa aanu! Geggeessituun namoota Gaadi, Elii'aasaaf ilma Deu'el;

¹⁵kutata isaa keessaa warri lakkaa'aman kuma afurtamii shanii fi dhibba ja'aa fi shantama.

¹⁶Guutummaa buufata Ruuben keessaa akka kutata kutata isaaniitti kan lakkaa'aman namoota kumaatama dhibbaa fi kuma shantamii tokkoo fi dhibba afurii fi shantama; isaan kun immoo warra duraatti aananii in adeemu.

¹⁷Kana booddee immoo dunkaanni itti wal ga'anii fi kutanni Lewwootaa kutata warra dura darbanii fi warra booddeetti hafan gidduu in adeemu; isaan adduma addaan akka iddoo buufata isaanii fi akka faajjii isaaniitti in adeemu*.[6]

¹⁸Kutanni Efreem akka faajjii isaaniitti gara lixa-biiftuutiin haa buufatan! Geggeessituun namoota Efreem, Eliishaamaa ilma Amiihud;

¹⁹kutata isaa keessaa warri lakkaa'aman kuma afurtamaa fi dhibba shan.

²⁰Gosi Minaasee isaanitti aanee haa buufatu! Geggeessituun namoota Minaasee, Gamaali'el ilma Phedaazur;

²¹kutata isaa keessaa warri lakkaa'aman kuma soddomii lamaa fi dhibba lama.

²²Kana booddees gosi Benyaamiin itti haa aanu! Geggeessituun namoota Benyaamiin, Abiidaan ilma Gidewoonii ti;

²³kutata isaa keessaa warri lakkaa'aman kuma soddomii shanii fi dhibba afur.

²⁴Guutummaa buufata Efreem keessaa akka kutata kutata isaaniitti kan lakkaa'aman namoota kumaatama dhibbaa fi kuma saddeetii fi dhibba tokko; isaan kun immoo kutata sadaffaa ta'anii in adeemu.

²⁵Kutanni Daan akka faajjii isaaniitti gara bitaatiin haa buufatan! Geggeessituun namoota Daan, Ahii'ezer ilma Amiishadaayi;

²⁶kutata isaa keessaa warri lakkaa'aman kuma jaatamii lamaa fi dhibba torba.

²⁷Gosi Asheer isaanitti aanee haa buufatu! Geggeessituun namoota Asheer, Fagi'el ilma Okraan;

²⁸kutata isaa keessaa warri lakkaa'aman kuma afurtamii tokkoo fi dhibba shan.

²⁹Kana booddee immoo gosi Niftaalem itti haa aanu! Geggeessituun namoota Niftaalem, Ahiiraa ilma Enaan;

³⁰kutata isaa keessaa warri lakkaa'aman kuma shantamii sadii fi dhibba afur.

³¹Guutummaa buufata Daan keessaa akka kutata kutata isaaniitti kan lakkaa'aman namoota kumaatama dhibbaa fi kuma shantamii torbaa fi dhibba ja'a; isaan kun immoo akka faajjii isaaniitti kutata hundumaa booddee in adeemu.

³²Namoota Israa'el keessaa akka mana abbootii isaaniitti kan lakkaa'aman isaan kana; warri iddoowwan buufataa keessaa akka akka kutata isaaniitti lakkaa'aman walumatti kumaatama dhibba ja'aa fi kuma sadii fi dhibba shanii fi shantama*.

³³Lewwoonni garuu akkuma Waaqayyo Musee abboome gosa Israa'el warra kaanii wajjin hin lakkaa'amne*.

³⁴Israa'eloonni adduma addaan akka faajjii isaaniitti, akka maatii maatii isaaniitti, akka mana mana abboota isaaniittis ka'anii in adeeman; wanta hundumaas akkuma Waaqayyo Musee abboometti in hojjetan.[7]