Seera Lakkoobsaa 33:1-56 GAZB1997 - Bible AI

¹Israa'eloonni macca isaanii wajjin geggeessaa Musee fi Aaroniin biyya Gibxii keessaa yeroo ba'an iddoon isaan buufachaa adeeman kanatti fufee jira;

²Museen akkuma Waaqayyo isa abboometti iddoo isaan buufachaa ka'aa adeeman akka kanatti fufee jirutti in caafe.

³Israa'eloonni ji'a duraatti, ji'ichattii gaafa guyyaa kudha shanaffaa Faasiikaa ba'ee bule warri Gibxii hundinuu utuu ilaalanii Raamsesii ka'anii eegumsa irree cimaatiin in adeeman*.

⁴Warri Gibxii immoo angafa ta'ee kan isaaniif dhalate warra Waaqayyo isaan keessaa ajjeese hundumaa in awwaalu turan; Waaqayyo akkasuma waaqayyolii warra Gibxii irratti firdii in raawwate*.[114]

⁵Israa'eloonni Raamsesii ka'anii Suukoot buufatan*;

⁶Suukootii ka'anii Etaam qarqara lafa onaa in buufatan*.

⁷Etaamii ka'anii Phiihahiirot isa Ba'aal-Zefon irraa gara ba'a-biiftuu jirutti gara galanii fuullee Miigdol in buufatan*.

⁸Phiihahiirotii ka'anii galaana keessa ba'anii gara lafa onaatti darbanii, karaa guyyaa sadii adeemanii Maaraa in buufatan*.

⁹Maaraadhaa ka'anii Eliim iddoo burqituun bishaanii kudha lamaa fi mukkeetiin meexxii torbaatamni jiran dhufanii achi in buufatan*.

¹⁰Eliimii ka'anii qarqara galaana diimaa in buufatan;

¹¹qarqara galaana diimaatii ka'anii Siin lafa onaa keessa in buufatan*.

¹²Siin lafa onaadhaa ka'anii Dofqaa in buufatan;

¹³Dofqaadhaa ka'anii Aluushin in buufatan.

¹⁴Aluushii ka'anii Refiidiimin in buufatan; iddoo sanaa jarri bishaan dhugan hin arganne*.[115]

¹⁵Refiidiimii ka'anii Siinaa lafa onaa in buufatan*.

¹⁶Siinaa lafa onaatii ka'anii Kibrot-Hataawaa in buufatan.

¹⁷Kibrot-Hataawaatii ka'anii Haseroot in buufatan.

¹⁸Haserootii ka'anii Riitmaa in buufatan*.

¹⁹Riitmaadhaa ka'anii Rimoon-Faares in buufatan.

²⁰Rimoon-Faaresii ka'anii Liibnaa in buufatan.

²¹Liibnaadhaa ka'anii Riisaa in buufatan.

²²Riisaadhaa ka'anii Qehelaataa in buufatan.

²³Qehelaataadhaa ka'anii tulluu Shaafer bukkee in buufatan.

²⁴Tulluu Shaaferii ka'anii Haraadaa in buufatan.

²⁵Haraadaadhaa ka'anii Maqhelot in buufatan.

²⁶Maqhelotii ka'anii Taahaat in buufatan.

²⁷Taahaatii ka'anii Taaraa in buufatan.

²⁸Taaraadhaa ka'anii Miitqaa in buufatan.

²⁹Miitqaadhaa ka'anii Haashmonaa in buufatan.

³⁰Haashmonaadhaa ka'anii Moseroot in buufatan.

³¹Moserootii ka'anii Beneyaa'aakaan in buufatan.

³²Beneyaa'aakaanii ka'anii Hoor-Haagidgaad in buufatan.

³³Hoor-Haagidgaadii ka'anii Yoxbaataa in buufatan*.

³⁴Yoxbaataadhaa ka'anii Abronaa in buufatan.

³⁵Abronaadhaa ka'anii Eziyon-Geberii in buufatan.

³⁶Eziyon-Geberiidhaa ka'anii Siin lafa onaa keessa Qaadesh in buufatan.[116]

³⁷Qaadeshii ka'anii qarqara biyya Edoom tulluu Hoor bukkee in buufatan.

³⁸Israa'eloonni biyya Gibxii ba'anii waggaa afurtammaffaatti, waggichattii ji'a shanaffaatti, ji'ichattiis guyyaa tokkoffaatti Aaron lubichi ajaja Waaqayyootiin tulluu Hooritti ol ba'ee achitti in du'e.

³⁹Aaron tulluu Hoor gubbaatti yommuu du'e nama waggaa dhibbaa fi digdamii sadii ture*.

⁴⁰Mootiin Araad Kana'aantichi inni biyya Kana'aan keessaa gara mirgaa jiraate dhufaatii Israa'elootaa in dhaga'e*.

⁴¹Israa'eloonni tulluu Hoorii ka'anii Xalmonaa in buufatan.

⁴²Xalmonaadhaa ka'anii Phuunon in buufatan.

⁴³Phuunonii ka'anii Oboot in buufatan*.

⁴⁴Obootii ka'anii daarii biyya Mo'aab keessa Iyye-Abaariim in buufatan.

⁴⁵Iyyemii ka'anii Diibon-Gaadi in buufatan.

⁴⁶Diibon-Gaadii ka'anii Almoon-Diiblaataayim in buufatan.

⁴⁷Almoon-Diiblaataayimii ka'anii fuullee tulluu Neboo, tulloota Abariim irra in buufatan.

⁴⁸Tulloota Abariimii ka'anii fuullee Yerikoo laga Yordaanos dachaa Mo'aab keessa in buufatan*.

⁴⁹Dachaawwan Mo'aab keessaa immoo qarqara Yordaanos irraa Bet-Yeshiimootii hamma Abeel Shiixiimitti in buufatan.[117]

⁵⁰Waaqayyo, fuullee Yerikoo, bukkee laga Yordaanos dachaawwan Mo'aab keessatti Museetti in dubbate;

⁵¹inni Museedhaan, ?Ati Israa'elootaan ?Waaqayyo akkana jedha:- Isin Yordaanosin ceetanii gara biyya Kana'aanitti yommuu darbitan,

⁵²warra biyyicha keessa jiraatan hundumaa of duraa ari'aa baasaa! Dhagaa isaanii warra bifni itti baafaman hundumaa, waaqayyolii isaan wanta baqfamaa irraa tolfatan hundumaas balleessaa! Iddoo sagadaa isaanii warra ol ka'oo hundumaa balleessaa!

⁵³Ani biyyicha akka qabattaniif isiniif kenneera, qabadhaatii isa keessa taa'aa!

⁵⁴Biyyichas akka maatii maatii keessaniitti hirmadhaa! Isa maatii baay'ee qabuuf akka baay'ina maatii isaatti, isa maatii muraasa qabuuf immoo akkuma maatii isaatti kennaa! Nama tokkoof mukti yommuu buufamu lafuma mukichi baaseef haa fudhatu! Akka akka gosa abboota keessaniitti dhaala keessan hirmadhaa*!

⁵⁵Isin warra biyyicha keessa jiraatan of duraa ooftanii hin baaftan yoo ta'e garuu, warri isin hambiftan sun ija keessanitti qoraattii, cinaacha keessanitti quuqaa in ta'u; biyyicha isin keessa jiraachuuf jettan sana keessatti isin in rakkisu*.

⁵⁶Anis wantan isaan irratti hojjechuuf jedhe isin irratti nan hojjedha? jedhi!? jedhe.[118]