Seera Uumamaa 12:1-20 GAZB1997 - Bible AI

¹Waaqayyo gaaf tokko Abraamiin, ?Biyya kee keessaa, lammii kee keessaa, maatii abbaa kee keessaas ba'iitii gara biyya ani si argisiisuu dhaqi*!

²?Ani saba guddaa sin godha, sin eebbisa, maqaa kee nan guddisa, eebbas in taata*?.

³Warra si eebbisan nan eebbisa, warra si salphisan nan abaara, qomoon biyya lafaa irraa hundinuu sababii keetiif in eebbifamu? jedhe*.[63]

⁴Kana irratti Abraam akkuma Waaqayyo isatti dubbatetti ka'ee in adeeme; Looxis isaa wajjin dhaqe; Abraam biyya Kaaraanii yommuu ba'e nama waggaa torbaatamii shanii ture.

⁵Abraam Saaraayin haadha manaa isaa, Looxin ilma obboleessa isaa, qabeenya Looxii wajjin qabanii fi hojjetoota biyya Kaaraanitti kan isaanii godhatan hundumaa fudhatee ba'e; isaanis biyya Kana'aan dhaquudhaaf ka'anii, achi in ga'an.

⁶Warri Kana'aan yommus biyya sana keessa turan; Abraam immoo biyya sana keessa darbee hamma iddoo ?Sheekem? jedhamutti, achi keessaas hamma qilxuu Mooreetti in adeeme*.

⁷Waaqayyo yommus Abraamitti mul'atee, ?Ani biyya kana sanyii keetiif nan kenna? jedhe; Abraamis iddoo Waaqayyo isatti mul'ate sanatti iddoo aarsaa Waaqayyoof in ijaare*.

⁸Achii immoo ka'ee gara biyya tulluun itti baay'atu isa Bet'el irraa gara ba'a-biiftuutti argamu dhaqe; godoo isaas Bet'elin gara lixa-biiftuutti, Aayin gara ba'a-biiftuutti hambisee gidduu dhaabbate; achittis iddoo itti Waaqayyoof aarsaa dhi'eessu ijaaree, maqaa Waaqayyoo waammate*.

⁹Achiis immoo buqqifatee irraa jalaan gara biyya gara mirgaatti in qajeele.[64]

¹⁰Biyyicha inni itti gale sanatti beelli jabaan waan bu'eef, Abraam biyya Gibxii keessa takka taa'uudhaaf gad in bu'e.

¹¹Biyya Gibxiitti lixuuf yeroo jedhanitti, inni Saaraayi haadha manaa isaatiin, ?Ati dubartii miidhagduu ta'uu kee ani beeka;

¹²warri Gibxii yommuu si argan, ?Kun haadha manaa isaa ti? jedhanii ana in ajjeesu, si immoo fayyaatti in hambifatu.

¹³Egaa waa'ee keetiif anatti akka tolutti, sababii keetiif ani immoo akkan jiraadhutti, ?Ani obboleettii isaa ti? jedhi!? jedhe.

¹⁴Abraam biyya Gibxiitti yommuu lixe, warri Gibxii dubartittiin baay'ee miidhagduu akka taate argan.

¹⁵Gurguddoonni mootii Gibxii (Fara'oon)[65] yommuu ishee argan, isatti ishee jajan; yommus isheen mana mootichaatti in geeffamte.

¹⁶Mootichis isheef jedhee Abraamitti akka tolu godhe, hojjetoota dhiiraa fi dubartii, bushaayee, saawwan, harroota kormaa fi dhaltuu, gaalotas kenneef.

¹⁷Waaqayyo garuu waa'ee dubbii Saaraayi haadha manaa Abraam irratti mootichaa fi warra mana isaa keessa jiran dha'icha guddaadhaan dha'e.

¹⁸Mootichi yommus Abraamin waamee, ?Waan ati ana irratti hojjette kun maali? Isheen haadha manaa kee akka taate maaliif anatti himuu didde?

¹⁹Anoo kanaafan akka isheen haadha manaa koo taatuuf ishee fuudhe, ati maaliif ?Isheen obboleettii koo ti? jette ree? Ammas, haati manaa kee kunoo tii, fudhadhuutii adeemi!? jedhe.

²⁰Mootichi waa'ee Abraamiif namoota in ajaje; isaanis isa, haadha manaa isaa, waan inni qabu hundumaas geggeessanii karaa irra buusan*.[66]