Yoonaas Raajichaa 2:1-11 GAZB1997 - Bible AI

¹Waaqayyo yeroo sanatti, qurxummiin guddaan tokko achitti argamee, Yoonaasin akka liqimsu godhe; akkasitti Yoonaas garaa qurxummichaa keessa guyyaa sadii fi halkan sadii ture*.[4]

²Yoonaas immoo garaa qurxummichaa keessaa Waaqayyo isaa goofticha in kadhate;

³?Yaa Waaqayyo, ani rakkina koo keessatti si nan waammadhe, ati yommus ana jalaa in owwaatte; garaa iddoo lafa jalaa keessaa sitti nan iyyadhe, ati immoo sagalee koo anaaf in dhageesse*.

⁴Ati tuujjuba keessatti, garaa galaanaa keessatti na darbatte; bishaan humnaan lola'us ana marsee ture, dha'aan kee fi tuulamee darbatamuun bishaan keetii hundinuu ana irra in yaa'an*.

⁵Yommus, ?Anoo fuula kee duraa gatameera, deebi'ee mana qulqullummaa kee nan arga laataa?? jedhee nan yaade*.[5]

⁶?Bishaanonni mataa koo irra yaa'anii, lubbuu koof in sodaachisan; tuujjubni na marsee, margi bishaan keessaas mataatti na marme*.

⁷Yommus ani gara hundee tullootaatti, gara biyya danqaraan isaa bara baraan ana irratti cufameetti gad nan bu'e; ati garuu yaa Waaqayyo gooftaa ko, boolla gad fagoo sana keessaa fayyaatti ol na baafte*.

⁸Yeroo lubbuun koo na keessatti gaggabdetti, yaa Waaqayyo ko, ani sin yaadadhe; kadhanni koos mana kee isa qulqullaa'aa keessatti gara kee anaaf in dhufe*.[6]

⁹?Warri waaqayyolii tolfaman warra waa'ee hin baafneef safuu buufatan, Waaqayyoon isa gaarummaa isaanitti argisiisu in dhiisu*.

¹⁰Ani garuu sagalee galataatiin, aarsaa siif nan dhi'eessa; wanta ani wareeges nan baasa; fayyisuun kan Waaqayyoo ti!? jedhe*.

¹¹Ergasii Waaqayyo qurxummichatti in dubbate, inni immoo gara lafa gogaatti baasee Yoonaasin ol deebise.[7]