1Ona tali mai ai lea o Elifasa le Timanu, ua faapea mai,
2E ono ea i le tagata poto ona tali atu ma le poto e le aoga, ma faatumuina lona manava i le matagi mai sasae?
3E aoai atu ea o ia i upu e le aoga, ma lauga e le tupu ai se lelei?
4A o oe, ua e faaleaogaina le mata‘u, ma ua e faaleaogaina le tatalo i luma o le Atua.
5Auā ua faailoa e lou lava gutu lau amioletonu, ma ua e filifilia le laulaufaiva o e fai togafiti.
6Ua faasalaina oe e lou lava gutu, a e le o a‘u; ua molimau foi ou laugutu ia te oe.
7O oe ea le uluai tagata na fanau mai? Pe na fanaua ea oe e muamua i mauga?
8Ua e faalogologo ea i le pulega a le Atua? Ua e taofia ea le poto mo oe lava?
9Se a se mea ua e iloa, e le iloa foi e i matou? Se a se mea ua e poto ai, e le o ia te i matou foi?
10O loo ia te i matou ē ulusinā atoa ma toeaina, e sili ona matutua i lou tamā.
11Ua faatauvaa ea ia te oe o faamafanafanaga mai le Atua, atoa ma upu mālie ua fai atu ia te oe?
12Se a le mea ua ta‘ita‘ieseina ai oe e lou loto? Pe se a foi le mea ua e mata faasiasia ai?
13Auā ua e liliu lou loto e tetee i le Atua, ma ua e faapunaia upu ai lou gutu.
14Se a ea le tagata, ia mamā ai o ia, ma ia amiotonu lē ua fanau mai le fafine?
15Faauta, ua le faatuatua o ia i lona au paia; ua le mamā foi le lagi i lana silafaga.
16E matuā sili ai ona inosia ma leaga le tagata, o lē inu i le amio leaga e pei o le vai.
17Ou te faailoa atu ia te oe, ia e faalogologo mai ia te au; ou te faamatalaina atu foi le mea ua ou vaaia;
18o le mea na faailoa mai e o popoto, sa iloa ai i latou tamā, mona ua latou le natia.
19Sa tuuina mai le lalolagi ia te i latou na o i latou lava; sa le ui ane foi se tagata ese ia te i latou.
20Ua puapuagatia i ona aso uma le tagata amio leaga; ua natia foi i le tagata saua le faitau o ona tausaga.
21Ua i ona taliga le leo e mata‘u ai; e oo atu ia te ia le na te faaumatia a o manuia o ia.
22Ua le manatu o ia e toe foi mai o ia ai le pouliuli; ua lamatia foi o ia e le pelu.
23Ua fealualuai o ia e saili i mea e ‘ai, ua faapea ane, Po o ifea o i ai? Ua iloa o ia ua latalata mai lava ia te ia le aso o le pouliuli.
24Ua faamatautia o ia e le puapuaga ma le tiga; la te manumalo ia te ia, e pei o le tupu ua sauni i le taua.
25Auā ua faaloaloa atu e ia lona lima i le Atua, ua faamalosia o ia e ia e tetee atu i Le e ona le malosi uma lava.
26E osofai o ia ia te ia ma le ua maaa, ma tua o ona talita ua putuputu.
27Auā e puputa lava ona mata, ma matuā puta lava o ia.
28O le mea lea e nofo ai o ia i aai ua faaumatia, o fale foi ua le āina, e lata ona avea ma faupuegāmaa.
29E le mauoa o ia, e le tumau foi lona oloa, e le faateleina lava e ia a latou mea i le nuu.
30E le alu ese o ia i le pouliuli; e faamamagoina ona tatupu i le afi mumū, e avea foi o ia e le mānava o lona fofoga.
31O le ua faaseseina, aua le faatuatua o ia i le mea faatauvaa; auā e fai mona taui le mea faatauvaa.
32Na te le aulia le atoatoa o ona aso, e le lauolaola foi ona la.
33Na te saaluuina ona fua moto, e pei o le vine, ma lafoa ona fuga, e pei o le olive.
34Auā e autagatā le aiga o le tagata faalematau; e susunuina foi i le afi fale ie o e tali taui.
35Ua totō i latou i amio leaga, ua fananau foi e i latou le agasala, ua sauniuni fo e o latou loto mea faa‘ole‘ole.