1O tupu nei o le nuu na fasia e le fanauga a Isaraelu, ua fai foi mo latou o latou laueleele i le la itu o Ioritana, i le mea e alu ae ai le la, e afua i le alia o Arinona, e oo atu i le mauga o Heremone, ma le eleele laugatasi uma i sasae.
2O Sekono le tupu o sa Amorī, sa nofo i Hesepona, sa pule o ia e afua mai i Aroeru, o i le auvai o le alia o Arinona, ma totonu foi o le alia, ma le tasi itu o Kiliata, e oo atu i le alia o Iapoka, o le tuaoi lea o le fanauga a Amoni.
3O le eleele laugatasi foi e oo atu i le vai o Kinereta i sasae, e oo atu foi i le sami o le eleele laugatasi, o le sami Oona lea i sasae, o le ala i Petesemota; e afua mai foi i le itu i toga i lalo o Asetota-peseka;
4ma le tuaoi o Oko le tupu o Vasana, o le na toe o tagata maualuluga, sa nofo ia i Aserota ma Eterei;
5na pule ia i le mauga o Heremone, ma Saleka, ma Vasana uma e oo atu i le tuaoi o Kisuri, ma Maaka, ma le tasi itu o Kiliata, o le tuaoi o Sekono le tupu o Hesepona.
6Na fasia i latou e Mose le auauna a Ieova, ma le fanauga a Isaraelu; na avatu foi le nuu e Mose le auauna a Ieova e fai mo sa Reupenā, ma sa Katō, ma le tasi vaega o le itu aiga o Manase.
7O tupu ia o le nuu na fasia e Iosua ma le fanauga a Isaraelu i le itu mai o Ioritana i sisifo, e afua mai i Paalakato i le vanu o Lepanona, e oo atu i le mauga o Kalaka, e alu ae i Seira; na avatu e Iosua i itu aiga o Isaraelu e fai mo latou e tusa ma le vaevaeina o i latou;
8o i le atu mauga, ma le nuu maulalo, ma le eleele laugatasi, ma le nuu i le laulata, ma le vao, ma le itu i toga; o sa Hetī, o sa Amorī, ma sa Kananā, o sa Perisē, o sa Hivī, ma sa Iepusē.
9O le tupu o Ieriko le tasi; o le tupu o Ai, e feagai ma Peteli, le tasi;
10o le tupu o Ierusalema le tasi; o le tupu o Heperona le tasi;
11o le tupu o Iaremuta le tasi; o le tupu o Lakisa le tasi;
12o le tupu o Ekelona le tasi; o le tupu o Kesera le tasi;
13o le tupu o Tiperi le tasi; o le tupu o Ketere le tasi;
14o le tupu o Horema le tasi; o le tupu o Arata le tasi;
15o le tupu o Lipena le tasi; o le tupu o Atulame le tasi;
16o le tupu o Maketa le tasi; o le tupu o Peteli le tasi;
17o le tupu o Tapua le tasi; o le tupu o Eferu le tasi;
18o le tupu o Afeka le tasi; o le tupu o Sarona le tasi;
19o le tupu o Matono le tasi; o le tupu o Hasora le tasi;
20o le tupu o Semaronamerona le tasi; o le tupu o Akasafa le tasi;
21o le tupu o Tanaka le tasi; o le tupu o Mekito le tasi;
22o le tupu o Katesa le tasi; o le tupu o Iokeneama i Karamelu le tasi;
23o le tupu o Toro i le mea maualuga o Toro le tasi; o le tupu o nuu i Kilikala le tasi;
24o le tupu o Tiresa le tasi; o tupu atoa uma e toatolugafulu ma le toatasi.