1Na ou fiafia ina ua latou fai mai ia te au, Tatou te o i le fale o Ieova.
2Ierusalema e, e tutū o matou vae i ou faitotoa.
3Ua atiina ae Ierusalema pei o le aai ua fesootai faatasi.
4E o ae ai o itu aiga, o itu aiga lava o Ioa, o le tulafono lea ia Isaraelu, ina ia vivii atu ai i le suafa o Ieova.
5Auā ua tu ai nofoālii e faamasino ai, o nofoālii o le aiga o Tavita.
6Aioi atu outou ina ia manuia Ierusalema; e manuia i latou o e alolofa ia te oe.
7Ia i ai le manuia i totonu o ou pa, o le manuia i totonu o ou maota.
8Ona o o‘u uso ma a‘u aumea mamae, ou te faapea atu ai lava, Ia ia te oe le manuia.
9Ona o le fale o Ieova lo tatou Atua, ou te saili ai le manuia mo oe.