1Ana le seanoa Ieova na ia te i tatou, ia faapea atu lava Isaraelu;
2ana le seanoa Ieova na ia te i tatou, ina ua laga mai tagata ia te i tatou;
3po ua latou foloolaina i tatou, ina ua tupu tele lo latou ita mai ia te i tatou;
4po ua tatou malelemo i le vai; po ua lofia i tatou i le alia;
5po ua tafe mai le vai faamaualuga i o tatou luga.
6Ia faafetaia Ieova, o le na le tuuina atu i tatou ina ia saeia i o latou nifo.
7Ua sosola i tatou e pei o le manu nai le matāsele a e fāi manu; ua motu le matāsele, i le ua sosola i tatou.
8O lo tatou fesoasoani o i le suafa o Ieova lea, o le na faia le lagi atoa ma le lalolagi.