1Afai e le atiina ae e Ieova le fale, e galulue fua i latou o e atiina ae; afai e le leoleo e Ieova le aai, e mataala fua o le na te leoleoina.
2E le aoga ia te outou ona tulai i le taeao lava, ma faatuai ona mānava, ma aai le mea e ‘ai o le tiga, e faapea ona avatu e ia le moe i lana pele.
3Faauta, o le fanau, o le tofi lea mai ia Ieova; o e ua fanau mai, o le taui lea mai ia te ia.
4E pei o u fanafana i le lima o le toa, e faapea lava atalii o taulelea.
5Amuia le tagata ua tumu ai lana utu; e le mamā i latou pe a latou tautala i le faitotoa ma e ita mai.