1Ua tele lo latou faasaua mai ia te au talu lo‘u taulealea, ia faapea ane lava Isaraelu;
2ua tele lo latou faasaua mai ia te au talu lo‘u taulealea; a ua latou le manumalo mai ia te a‘u.
3O e suatia le eleele ua latou suatia lo‘u tua, ua latou faauumi i a latou suataga.
4E amiotonu Ieova, ua na sala i maea a e amio leaga.
5E mamā ma liutuaina i latou uma lava o e ‘ino‘ino i Siona.
6E avea i latou pei o le mutia i luga o fale, e magumagu a o le velea.
7E le tumu ai le lima o lē selesele, po o le fatafata o le na te fusi saito.
8E le fai atu foi o e ui ane ai, Ia manuia outou mai ia Ieova; matou te faamanuia ia te outou i le suafa o Ieova.