1Ieova e, ua ou valaau atu ia te oe ai mea loloto.
2Le Alii e, ia e faafofoga mai i lo‘u leo; ia liliu mai ou fofoga i le leo o la‘u aioi atu.
3Ioa e, afai e te mataulia le amio leaga, le Alii e, o ai se na te mafaia ona tulai?
4A o ia te oe le faamagaloina o sala, ina ia matautia oe.
5Ou te faatali atu ia Ieova, o loo faatali atu lava lo‘u agaga; ou te faamoemoe foi i lana afioga.
6O loo faatalitali atu lo‘u agaga i le Alii e sili i e o leoleo ona faatalitali i le taeao; e sili lava i e o leoleo ona faatalitali i le taeao.
7Ia faamoemoe Isaraelu ia Ieova; auā o ia Ieova le alofa, o ia te ia foi le faaolataga tele.
8O ia lava na te faaolaina Isaraelu ai a latou amio leaga uma lava.