1Ua fai ifo le tagata valea i lona loto, E leai se Atua. Ua leaga lava i latou; ua inosia a latou amioga; e leai se tasi ua amio lelei.
2O loo silasila mai Ieova mai le lagi i le fanau a tagata, ina ia silafia pe i ai se tasi ua poto, se ua saili i le Atua.
3Ua latou ‘alo‘alo ese uma lava, ua leaga faatasi i latou; e leai se tasi ua amio lelei, e leai lava se tasi.
4E le o iloa ea e i latou uma lava o e fai amio leaga? O loo ‘aina e i latou lo‘u nuu, e pei ona latou aai i mea e ‘ai; ua latou le valaau ia Ieova.
5Ua matatau tele i latou i lea mea; auā o i le tupulaga o e amiotonu le Atua.
6Ua outou faamaina le filifiliga a le ua puapuagaina; auā o lona malu o Ieova lea.
7E! Fia iloa se na te aumaia mai Siona le faaolataga o Isaraelu. Pe a faafoisia mai e Ieova le tafeaga a lona nuu, ona olioli ai lea o Iakopo, e fiafia ai Isaraelu.