1Ia outou vivii atu ia Ioa. Lo‘u agaga e, ia e vivii atu ia Ieova.
2Ou te vivii atu ia Ieova a o ou ola; ou te fai pesega i lo‘u Atua a o ou tumau i le ola nei.
3Aua tou te faatuatua i alii, po o le fanau a tagata, e le o i ai se olataga.
4E alu ese lona agaga, e foi atu i le eleele na i ai o ia; e faaumatia i lea lava aso ona manatunatu.
5Amuia le tagata o i ai le Atua o Iakopo e fai mona fesoasoani; o i ai lona faamoemoe ia Ieova lona Atua;
6o le na faia le lagi atoa ma le lalolagi, o le sami ma mea uma o i ai; o le na te tausia le faamaoni e faavavau.
7O le na te faia le faamasinoga mo e o sauaina; na te avatua le mea e ‘ai i e o fia aai; e tatala e Ieova i e ua noanoatia.
8E faafepulafia e Ieova e ua tauaso; e faatutusa‘oina e Ieova e ua faano‘uno‘u; e alofa Ieova i e amiotonu.
9O Ieova na te tausia tagata ese; e fai ma lagolago mo le ua aumatuā ma le fafine ua oti lana tane; a o le ala o e ua amio leaga e faapiopioina e ia.
10E pule Ieova e faavavau lava; Siona e, e pule lou Atua e āu tupulaga. Ia outou vivii atu ia Ioa.