1Ieova e, ua matuā faatoateleina e ua saua mai ia te au! E toatele e ua laga mai ia te au.
2E toatele o e fai ane ia te au, E le faaolaina lava o ia e le Atua. Selā.
3A o oe, Ieova e, ua fai oe mo‘u talita; o lo‘u mamalu foi, ma lē faaeaina lo‘u ulu.
4Na ou valaau ia Ieova i lo‘u leo; ua faafofoga mai foi o ia ia te au mai lona mauga paia. Selā.
5Na ou taoto lava a‘u, ma ou moe; na ou ala, auā ua lagolagoina mai Ieova ia te au.
6Ou te le fefe i manomano o tagata, o e siosio mai ia te au.
7Ieova e, ia e tulai mai; lo‘u Atua e, ia e faaola mai ia te au; auā ua e taia auvae o i latou uma o e ita mai ia te au; ua e tu‘imomomoina nifo o e amio leaga.
8O loo ia Ieova le faaolataga; o loo i luga o ou tagata lou manuia. Selā.