1Le Atua e, ia e faaola mai ia te au ona o lou suafa; ia e faia le finauga mo a‘u i lo‘u malosi.
2Le Atua e, ia e faafofoga mai i la‘u tatalo; ia liliu mai ou fofoga i upu a lo‘u gutu.
3Auā ua laga mai ia te au tagata ese; o e saua foi ua sailiili e fasioti ia te au; latou te le manatua le Atua. Selā.
4Faauta, o le Atua o lo‘u lea fesoasoani; o loo i ai le Alii i e ua faamalosi mai ia te au.
5Na te faafoi atu le leaga i e ua ita mai ia te au; ia e faaumatia i latou i lou faamaoni.
6Ou te avatu taulaga ia te oe e fai fua i lo‘u loto; Ieova e, ou te vivii atu i lou suafa, auā e lelei.
7Auā na ia laveaiina mai a‘u i puapuaga uma; ua iloa foi e o‘u mata le taui o e ita mai ia te au.