1Le Atua e, ua ia te oe le viiga e faia ma le faalologo i Siona; e avatua lava ia te oe le mea na tauto ai.
2Le faafofoga tatalo e, e o atu ia te oe tagata uma lava.
3Ua manumalo mai ia te au o amio leaga; o a matou solitulafono e te togiolaina lava e oe.
4Amuia le ua e filifilia, ma e faalatalataina o ia ia te oe, e nofo o ia i ou lotoā; e maoona i matou i mea lelei o i lou fale, o lou lava malumalu paia.
5Le Atua o lo matou olataga e, e te tali mai ia te i matou ma le tonu i mea matautia; o oe le faatuatuaga o tulu‘iga uma lava o le lalolagi, atoa ma e o mamao i le vasa.
6O loo faatumauina mauga i lona lava malosi; o loo fusia o ia i le mana;
7o le taalili o le sami ua faalologo ia te ia, o le taalili foi o ona peau, ma le vāvāō o nuu.
8Ua matatau foi i ou faailoga o e nonofo i mea mamao; o mea e aliali i le taeao ma le afiafi, o oe ua alalaga fiafia ai ia mea.
9Ua e asiasi i le laueleele, ma e faasūsūina lava; ua e faalafulemuteleina ai; o le vaitafe o le Atua ua tumu i le vai; ua e saunia a latou saito ina ua faapea ona e sauni i ai.
10Ua e faasūsūteleina ona atu pue; e faatafe ifo le ua i ona utu; ua e faamalulu ai i le uaga; e te faaolaolaina foi ona moemoe.
11Ua e faaee i le tausaga le palealii o lou agalelei; o ou ala na tautulu ai mea lololo.
12Ua tautulu ai i le vao i mea e tataa ai manu; o mauga foi ua fusia ia i le fusi i le fiafia.
13O mea e tataa ai manu ua liloia i lafu mamoe; ua ufitia foi vanu i le saito; ua latou alalaga fiafia, ua pepese lava.