1Ua iloa le Atua i Iuta; ua silisili lona suafa i Isaraelu.
2Ua i Salema foi lona fale apitaga; ua i Siona foi lona afioaga.
3Na ia gauia i lea mea o u fanafana mu, o le talita, le pelu, ma le taua. Selā.
4E pupula mai oe, e silisili, e sili i mauga o i ai mea e saeia.
5O e loto tetele ua vetea a latou mea; ua latou momoe i o latou moe; e leai foi so latou o e malolosi ua maua o latou lima.
6Le Atua o Iakopo e, o le aoaiga mai ia te oe ua moe gagase ai le kariota atoa ma le solofanua.
7O oe e matautia lava oe; o ai foi se tu atu i ou luma i ona po e te toasa mai ai?
8Ua lagona atu mai ia te oe mai le lagi le faamasinoga; ua matatau ai le lalolagi ma fifilemu,
9ina ua tulai le Atua e faamasino ai, e faaola ai i e puapuagatia uma lava o i le lalolagi. Selā.
10Auā o le ita tele o tagata e viia ai oe; e te taofia foi le toe ita.
11Ia outou tauto atu ia Ieova lo outou Atua, ma ia avatua ana mea; o i latou uma o e vagavagai ia te ia, ia latou avatu mea alofa i le ua matautia.
12E faamaulaloina e ia o loto o alii; e matautia o ia e tupu o le lalolagi.