1O se ka wa ipelafatsa ka ga ka moso, gonne ga o itse se letsatsi le tlaa se ntshang.
2A motho o sele a go bake, e seng molomo wa gago; motho wa moeng, e seng dipounama tsa gago.
3Lentswe le bokete le mošawa o boima; mme kgakatsego ya lesilo e bokete bogolo go tsone tsoo pedi.
4Kgakalo e bolalome, le bogale ke phophomo fela; mme e mang yo o nonofileng go ema fa pele ga lefufa?
5Kgalemo e e bonatshegang e molemo bogolo go lorato lo lo subegileng.
6Ditlhabo tse di ntshitsweng ke tsala di boikanngo; mme dikatlo tsa mmaba di dintsi bobe.
7Motho yo o kgotsheng o tle a gatake lomepa lwa dinotshe ka dinao, mme mo mothong yo o bolawang ke tlala sengwe le sengwe se se botlhoko se monate fela.
8Jaaka nonyane e e timelwang ke setlhaga sa yone, motho yo o timelwang ke felo ga gagwe o ntse jalo.
9Setlolo le dinkgisa monate, di itumedisa pelo; monate wa tsala ya motho o o tswang kgakololong e e leng yone, o dira fela jalo.
10E e leng tsala ya gago, le tsala ya ga rraago, o se ka wa di latlha, o se ye kwa ntlong ya morwa rraago mo motlheng wa tatlhego ya gago; oo rra motho yo o fa gaufi o gaisa morwa rra motho yo o kwa kgakala.
11Morwaaka, o tlhalefe, o ipedise pelo ya me, gore ke tle ke fetole ene yo o nkgobang.
12Motho yo o bonokopela o bona jone bosula, mme a iphitlhe; mme ba ba sa tlhalefang ba fete fela ba utlwe botlhoko ka gone.
13Tsaya seaparo sa yo o leng moemedi wa moeng; mme o tseye ene peelo yo o leng moemedi wa mosadi yo o leng o sele.
14Yo o phakelelang go baka tsala ya gagwe ka lentswe le legolo, go tlaa kaiwa gore ke phutso mo go ene.
15Go le go rothela ruri ka letsatsi la pula e tona, le mosadi yo o omanang go tshwana fela.
16Yo o ratang a ka bo a kganela mosadi, o kganela phefo fela, mme seatla sa gagwe se segolo se rakana le lookwane.
17Tshipi e lootsa tshipi; motho o lootsa jalo sefatlhogo sa tsala ya gagwe.
18Motho yo o bolokang setlhare sa mofeige o tlaa ja loungo lwa sone; le yo o direlang mong wa gagwe o tlaa tlotlwa.
19Jaaka mo metsing sefatlhogo se tshwantsha sefatlhogo, pelo ya motho e ntse jalo mo mothong yo mongwe.
20Bobipo le Bosenyegelo ga di ke di kgora gope, le matlho a motho ga a ke a kgora gope.
21Pitsa e e tlhapolosang ke ya selefera, le leiso la leubelo ke la gouta, le motho o lekwa ke se o bakwang ka ga sone.
22Le fa o tlhobola lesilo ka motshe le mabele a a setlwang mo kikeng, le fa go ntse jalo boeleele jwa lone ga bo ketla bo le tlogela.
23O tlhoafalele go itse matsomane a gago ka fa a ntseng ka gone; o bo o tlhokomele matlhape a gago thata;
24gonne dikhumo ga di nne ka bosakhutleng; le e leng serwalo sa bogosi a se tle se nne go ya tshikatshikeng tsotlhe?
25Bojang jwa tshwabi bo a rorwa, mme loreme lo setoge, e bile merogo ya kwa dithabeng e tle e phuthelwe gae.
26Dikwanyana di ruetswe go nna diaparo tsa gago, le dipodi ke tlhwatlhwa ya lotlhagare;
27mme go tlaa nna maši a dipodi a a lekanyeng go jewa ke wena, le ke ba ntlo ya gago, le go nna kotlo ya barweetsana ba gago.