1Ke tlaa tsholeletsa matlho a me kwa dithabeng; thuso ya me e tlaa tswa kae?
2Thuso ya me e tswa kwa go Jehofa, yo o dirileng legodimo le lefatshe.
3Ga a ketla a leseletsa lonao lwa gago go tshikinyega; yo o go dibelang ga a ketla a otsela.
4Bona, yo o dibelang Iseraele ga a ketla a otsela, le fa e le go robala.
5Jehofa ke modibedi wa gago; Jehofa ke moriti wa gago ka fa ntlheng ya letsogo la gago le le siameng.
6Letsatsi ga le ketla le go tlhapela motshegare, le fa e le ngwedi bosigo.
7Jehofa o tlaa go dibela mo bosuleng; o tlaa dibela mowa wa gago.
8Jehofa o tlaa dibela go tswa ga gago le go tsena ga gago, go tloga fano gompieno le go ya bosakhutleng.