1 BITA 5:1-14 TON1884 - Bible AI

¹1 Oku ne eginaki ki he mātua he tauhi ae faga sibi, 5 ke talagofua ae talavou, 8 ke fakabotoboto kotoabe, moe leo, mo tuu mau i he tui: 9 ke teke‘i ae fili fakabo koe tevolo. KO au koe motua, bea koe fakamooni ki he gaahi mamahi a Kalaisi, bea teu kau foki i he nāunāu e fakaha, oku ou eginaki atu ki he kau mātua oku iate kimoutolu:

²Fafaga ae faga sibi ae Otua oku iate kimoutolu, o leohi ia, ikai i he fakabābākū, ka i he loto fie fai be; ikai koeuhi koe koloa uli, kae i he loto manavakavakava;

³Bea ikai hage koe kau bule ki he nofoaga, ka koe faifaitakiaga ki he faga sibi.

⁴Bea ka ha mai ae Tauhi lahi, e ma‘u ai ekimoutolu ae bale oe nāunāu e ikai mae.

⁵Bea ko kimoutolu foki, koe kau talavou, fakavaivai‘i akimoutolu ki he mātua. Io, ke fefakavaivaiaki akimoutolu kotoabe kiate kimoutolu, bea kofu aki ae agavaivai: he oku teke‘i e he Otua ae fielahi, ka oku ne foaki ae aloofa ki he agavaivai.

⁶Koia ke fakavaivai akimoutolu i he lalo nima mafimafi oe Otua, ka ne hakeaki‘i akimoutolu i he aho totonu:

⁷O tuku hoo mou tokaga kotoabe kiate ia; he oku ne kau kiate kimoutolu.

⁸Leo, bea faa vakai; koeuhi ko ho mou fili koe tevolo, oku alu fano, o hage ha laione gugulu, o ne kumi be kohai te ne faa buku hake:

⁹Aia mou teke‘i atu o malohi i he tui, o ilo koe gaahi mamahi behe oku kataki e ho mou kaiga oku i mamani.

¹⁰Ka koe Otua oe aloofa kotoabe, kuo ne uiui‘i akitautolu ki hono nāunāu taegata ia Kalaisi Jisu, oka hili hoo mou kataki jii be, ke fakahaohaoa, mo faka-tuu mau, mo fakamalohi, mo fokotuu mau akimoutolu.

¹¹Ke iate ia ae ogoogo lelei moe bule o taegata bea taegata. Emeni.

¹²Kuou tohi jii kiate kimoutolu ia Silivenusi, aia (oku ou behe) koe kaiga agatonu, ke eginaki mo fakaha koe aloofa mooni eni ae Otua, aia oku mou tuu ai.

¹³Koe jiaji oku i Babilone, kuo fili fakataha mo kimoutolu, oku ofa atu kiate kimoutolu; bea oku behe mo Maake ko hoku foha.

¹⁴Mou fetoutou uma aki ae fekita oe ofa. Ke iate kimoutolu kotoabe oku ai Kalaisi Jisu ae melino. Emeni.