1 KOE GAAHI TU‘I 13:1-34 TON1884 - Bible AI

¹1 Koe mamate ae nima o Jeloboami, bea mo honi toe fakamoui koe mea i he lotu ae balofita. 7 Koe alu ae balofita, moe kākā‘i ia e he motua balofita e toko taha. 20 Koe valoki ae uluaki balofita e he Otua, bea oku tamate‘i ia e ha laione. 31 Ka oku fakababau be a ene kikite e he motua balofita, ka oku taetuitala a Jeloboami. BEA vakai, nae ha‘u ha tagata oe Otua mei Juta koe mea i he folofola a Jihova, o ne hoko atu ki Beteli bea nae tuu a Jeloboami i he vee feilaulauaga ke atu ae mea namu kakala.

²Bea naa ne ui ki he feilaulauaga i he folofola a Jihova, o behe, E feilaulauaga, e feilaulauaga! oku behe e Jihova; Vakai e fanau‘i ha tamajii ki he fale e Tevita, ko Josaia a hono higoa; bea te ne o hake iate koe ae kau taulaeiki oe gaahi botu maoluga akinautolu oku tutu mea namu kakala iate koe, bea e tutu iate koe ae gaahi hui oe tagata.

³Bea naa ne tuku ae fakailoga i he aho be koia, o ne behe, Ko hono fakailoga eni kuo folofola aki e Jihova; Vakai, e mahaehae ae feilaulauaga, bea e liligi atu ae efuefu aia oku i ai.

⁴Bea i he ene fanogo ae tu‘i ko Jeloboami ki he lea ae tagata oe Otua, aia naa ne kalaga aki ki he feilaulauaga i Beteli, naa ne mafao atu hono nima mei he feilaulauaga, o ne behe, Buke ia. Bea ko hono nima, aia naa ne mafao atu kiate ia, nae mate ia, bea nae ikai ai te ne faa too mai ia kiate ia.

⁵Nae mahaehae foki ae feilaulauaga, bea nae liligi ae efuefu mei he feilaulauaga, o fakatatau moe fakailoga aia nae tuku e he tagata oe Otua i he folofola a Jihova.

⁶Bea nae beheage e he tu‘i ki he tagata oe Otua, Fakakolekole eni ki he fofoga o Jihova ko ho Otua, bea ke kole koeuhi ko au, ke toe fakamoui a hoku nima. Bea nae kole e he tagata oe Otua i he ao o Jihova, bea nae toe fakamoui ae nima oe tu‘i kiate ia, o hage ko ene teeki liliu.

⁷Bea nae behe e he tu‘i ki he tagata oe Otua, Ke ta o mo au ki abi, bea ke fakamālōlō ai, bea teu foaki ha totogi kiate koe.

⁸Bea nae bene e he tagata oe Otua ki he tu‘i, Kabau te ke omi kiate au hono vaeua o ho fale, ka e ikai teu alu mo koe, bea e ikai teu kai ha ma be inu ha vai i he botu ni;

⁹He nae fekau‘i au e he folofola a Jihova, o behe, Oua naa kai ha ma, be inu ha vai, be te ke toe liliu mai i he hala naa ke alu ai.

¹⁰Koia naa ne alu ai i he hala kehe, o ikai te ne liliu atu i he hala naa ne ha‘u ai ki Beteli.

¹¹Ka koeni, nae ai ha motua balofita nae nofo i Beteli; bea nae aluage a hono gaahi foha o tala kiate ia ae gaahi gaue nae fai e he tagata oe Otua i he aho koia i Beteli: koe gaahi lea naa ne lea aki ki he tu‘i, naa nau fakaha ia foki ki he e nau tamai.

¹²Bea nae behe e he e nau tamai kiate kinautolu, Naa ne alu i he hala fe? He kuo mamata e hono gaahi foha ki he hala nae alu ai ae tagata oe Otua, aia nae ha‘u mei Juta.

¹³Bea naa ne behe ki hono gaahi foha, Ai ae hekaaga ki he asi. Bea naa nau ai ae hekaaga ki he asi, bea naa ne heka ki ai,

¹⁴Bea ne muimui ia ki he tagata oe Otua, bea naa ne ma‘u atu ia lolotoga ene nofo i he lolo oke: bea naa ne behe kiate ia, Ko koe ia ae tagata oe Otua aia nae ha‘u mei Juta? Bea naa ne behe mai, Ko au.

¹⁵Bea naa ne toki behe kiate ia, Ke ta o mo au ki abi, bea ke kai ha meakai.

¹⁶Bea naa ne behe, E ikai teu faa foki atu mo koe, be alu mo koe: bea e ikai teu kai ha meakai be inu ha vai mo koe i he botu ni:

¹⁷He nae tala mai i he folofola a Jihova, E ikai te ke kai ha ma be inu ha vai i ai, be te ke toe liliu atu ke alu i he hala naa ke omi ai.

¹⁸Bea nae behe eia kiate ia, Koe balofita foki au o hage ko koe; bea nae lea mai ha agelo kiate au i he fekau a Jihova, o behe, Toe omi ia mo koe ki ho fale, koeuhi ke ne kai ha meakai mo inu ha vai. Ka naa ne loi kiate ia.

¹⁹Koia naa ne foki atu mo ia, mo ne kai ae meakai i hono fale, mo ne inu vai.

²⁰Bea nae hoko o behe, lolotoga e na nofo i he keinagaaga, nae hoko mai ae folofola a Jihova ki he balofita nae fakafoki mai ia:

²¹Bea naa ne ui ki ne tagata oe Otua aia nae ha‘u mei Juta, o behe, Oku behe e Jihova, Koeuhi kuo ke talagataa ki he folofola a Jihova, bea kuo ikai te ke fai ae fekau aia nae fekau kiate koe e Jihova ko ho Otua,

²²Ka kuo ke toe foki ki mui, bea kuo ke kai ae meakai mo inu ae vai i he botu, aia nae behe ai kiate koe, Oua naa ke kai ha meakai, be inu ha vai; e ikai hoko ho agaaga ki he fonua loto o hoo gaahi tamai.

²³Bea nae hoko o behe, hili a ene kai ae meakai bea hili mo ene inu, naa ne ai ae hekaaga ki he asi, ma ae balofita naa ne fakafoki mai.

²⁴Bea i he ene alu, nae fetaulaki mai kiate ia ha laione i he hala, o ne tamate‘i ia: bea nae to hifo a hono agaaga i he hala, bea nae tuu ofi ki ai ae asi, bea nae tuu foki ae laione o ofi atu ki he agaaga.

²⁵Bea vakai, nae alu atu ai ha kau tagata, o nau mamata ki he agaaga nae li i he hala, bea moe laione nae tuu ofi atu ki he agaaga: bea naa nau omi o tala ia i he kolo aia nae nofo ai ae motua balofita.

²⁶Bea i he ene fanogo ki ai ae balofita aia nae fakafoki mai ia mei he hala, nae behe eia, Koe tagata oe Otua ia, aia nae talagataa ki he folofola a Jihova: koia kuo tukuage ai ia ki he laione, aia kuo maumau‘i ia, mo tamate‘i ia, o hage koe folofola a Jihova, aia naa ne folofola aki kiate ia.

²⁷Bea nae lea ia ki hono gaahi foha, o behe, Ai ae hekaaga ki he asi maaku. Bea naa nau ai ae hekaaga.

²⁸Bea naa ne alu o ilo a hono agaaga kuo li i he hala, bea tutuu ae asi moe laione o vaofi moe agaaga: nae ikai keina e he laione ae agaaga, be te ne haehae ae asi.

²⁹Bea nae too hake e he balofita ae agaaga oe tagata oe Otua, o ne fakaheka ia ki he asi, o ne toe omi ia: bea nae ha‘u ae motua balofita ki he kolo, ke ne tegihia ia bea ke fai hono butu.

³⁰Bea naa ne tuku hono jino ki hono faitoka oona; bea naa nau tegihia ia, o behe, Oiaue! a hoku kaiga!

³¹Bea nae hoko o behe, hili a ene tanu ia, naa ne lea ki hono gaahi foha, o behe, O kau ka mate au, te mou toki tanu au i he fonua loto aia kuo tanu ai ae tagata oe Otua; tuku fakataha a hoku gaahi hui mo hono gaahi hui:

³²Koeuhi koe lea naa ne kalaga aki i he folofola a Jihova ki he feilaulauaga i Beteli, bea ki he gaahi fale kotoabe i he gaahi botu maoluga, aia oku i he gaahi kolo o Samelia, e hoko mooni ia o fai.

³³Kae hili ae mea ni nae ikai tafoki a Jeloboami mei hono hala kovi, ka naa ne toe fakanofo ae kau taulaeiki mei he kau tua oe kakai, ki he gaahi botu maoluga: koia fulibe nae loto ki ai, naa ne fakanofo ia o ne hoko ki he faahiga taulaeiki oe gaahi botu maoluga.

³⁴Bea nae hoko ae mea ni koe agahala ki he fale o Jeloboami, ke motuhi ai ia, bea ke fakaauha ia mei he fuga o mamani.