1 KOE GAAHI TU‘I 5:1-18 TON1884 - Bible AI

¹1 Oku fekau‘i ae niihi e Helami he fetaba lelei kia Solomone, bea oku tala ai kiate ia a ene tokaga ke laga ae fale lotu, mo ene holi ke ne omi ha akau ki ai. 7 Oku fakafetai e Helami ki he Otua koeuhi ko Solomone, bea oku ne kole meiate ia ae meakai be ma a ene kakai, kae atu ai ae gaahi taaga akau. 13 Koe lau hono toko lahi oe kau tufuga moe kau gaue a Solomone. BEA nae fekau atu e Helami koe tu‘i o Taia a ene kau tamaioeiki kia Solomone; he naa ne fanogo ki he e nau fakanofo ia koe tu‘i ke fetogi a ene tamai: he nae ofa mau be a Helami kia Tevita.

²Bea nae fekau atu e Solomone kia Helami, o behe,

³Oku ke ilo nae ikai taa laga e Tevita ko eku tamai ha fale ki he huafa o Jihova ko hono Otua, koeuhi koe gaahi tau naa ne taomia ai mei he botu kotoabe, kae oua ke tuku akinautolu e Jihova ki hono lalo aofiva‘e.

⁴Ka koeni kuo foaki kiate au e Jihova ko hoku Otua ae melino i he botu kotoabe, koia oku ikai ai ha fili be ha mea tuutamaki e fai.

⁵Bea vakai, oku ou behe ke laga ha fale ki he huafa o Jihova ko hoku Otua, o hage koe folofola a Jihova kia Tevita ko eku tamai, o behe, Ko ho alo, aia teu fakanofo ki ho nofoa fakatu‘i ke fetogi koe, e laga eia ha fale ki hoku huafa.

⁶Bea koia foki ke ke fekau ke nau taaga mai ae gaahi akau koe sita mei Lebanoni; bea e kau taha a eku kau tamaioeiki mo hoo kau tamaioeiki: bea teu foaki kiate koe ae totogi koeuhi ko hoo kau tamaioeiki o fakatatau ki ha mea te ke tala ekoe: he oku ke ilo oku ikai iate kimautolu ha kakai oku boto i he fai oe taaga o hage koe kakai o Saitoni.

⁷Bea nae hoko o behe, i he ene fanogo e Helami ki he gaahi lea a Solomone, naa ne fiefia aubito ai, o ne behe, Fakafetai kia Jihova he aho ni, aia kuo ne foaki kia Tevita ha alo boto ke bule ki he kakai lahi ni.

⁸Bea nae ave ae fekau a Helami kia Solomone, o ne behe, Kuou fanogo ki he gaahi mea aia naa ke fekau ai kiate au: teu fai ae mea kotoabe oku ke holi ki ai koeuhi koe taaga sita, bea koeuhi koe ta ae akau koe baini.

⁹E o hifo ia e he eku kau tamaioeiki mei Lebanoni ki tahi: bea teu fetuku ia i tahi o taulani ki ha botu te ke fakaha mai, bea teu fekau ke tuku ia i ai, bea te ke ma‘u ia: bea te ke fai ki hoku loto, i hoo tuku mai ae meakai ki hoku kauga nofoaga.

¹⁰Koia nae tuku ai e Helami kia Solomone ae gaahi akau sita moe gaahi akau baini o hage koia kotoabe naa ne holi ki ai.

¹¹Bea nae atu e Solomone kia Helami ae fuaaga uite e ua mano koe meakai ki hono kauga nofoaga, moe fuaaga lolo lelei e uofulu: nae behe ae mea nae foaki e Solomone kia Helami i he ta‘u taki taha.

¹²Bea nae foaki e Jihova ae boto kia Solomone, o tatau mo ene talaofa kiate ia: bea nae nofo melino be a Helami, mo Solomone; bea nae fefuakava aki akinaua ni.

¹³Bea nae bule e Solomone ke fili mai ha kau tagata mei Isileli katoa; bea nae fili mai ae kau tagata e toko tolu mano.

¹⁴Bea naa ne fekau atu akinautolu ki Lebanoni, koe toko taha mano i he mahina e taha o fai fakahokohoko: koe mahina e taha naa nau i Lebanoni, bea koe mahina e ua naa nau i ho nau abi: bea nae bule‘i ae kau tagata e Atonilami.

¹⁵Bea nae ia Solomone ae kakai e toko fitu mano ke fetuku mea, moe toko valu mano ke fai taaga i he gaahi mouga;

¹⁶Ka nae ikai lau ai ae gaahi eiki a Solomone aia nae eginaki‘i ae gaue, koe toko tolu afe moe toko tolugeau, akinautolu nae bule ki he kakai nae fai ae gaue.

¹⁷Bea nae fekau e he tu‘i, bea naa nau omi ae gaahi maka lalahi, moe maka mahuiga, moe maka nae ta, koeuhi ke fakatoka ae tuuga oe fale.

¹⁸Bea nae ta ia e he kau tufuga a Solomone bea moe kau tufuga a Helami, bea moe kakai Kibila: nae behe e nau teuteu ae taaga akau moe gaahi maka ke laga aki ae fale.