1 KOE TOHI FAKAMATALA MEA HOKOHOKO 11:1-47 TON1884 - Bible AI

¹1 Koe fakanofo a Tevita koe tu‘i i Hebeloni. 4 Koe mea i he fai malohi a Joabe oku ne kaba ae kolo malohi o Saione mei he kakai Jebusi. 10 Koe higoa oe kau tagata to‘a aia nae kau mo Tevita. HILI ia nae fakataha a Isileli kotoa kia Tevita ki Hebeloni, mo nau behe, Vakai, ko ho hui oou akimautolu mo ho kakano oou.

²Kae umaa foki ae gaahi aho kuo hiliage, io lolotoga ae kei tu‘i a Saula, ko koe ia nae taki atu mo toe omi a Isileli: bea nae behe kiate koe e Jihova ko ho Otua, Te ke fafaga ekoe a hoku kakai Isileli, bea te ke bule ekoe ki hoku kakai Isileli.

³Koia nae fakataha ai ae kau matua kotoabe o Isileli ki he tu‘i ki Hebeloni; bea nae fai e Tevita ha fuakava mo kinautolu i he ao o Jihova i Hebeloni; bea naa nau bani a Tevita aki ae lolo ke ne tu‘i ki Isileli, o fakatatau moe folofola a Jihova ia Samuela.

⁴Bea nae alu a Tevita mo Isileli kotoabe ki Jelusalema, aia oku ui ko Jebusi; koe botu nae nofo ai ae kakai Jebusi, koe kakai oe fonua.

⁵Bea nae behe e he kakai o Jebusi kia Tevita, E ikai te ke hoko mai ki heni. Ka ne ogo ia nae kabaji e Tevita ae kolo tau o Saione, aia oku ui koe kolo o Tevita.

⁶Bea nae behe e Tevita, Koia e tomua teia ae kakai Jebusi, e hoko ia koe tuu ki mua moe eiki bule. Bea behe, nae tomua hoko hake a Joabe koe tama o Seluia, bea nae hoko ai ia koe eiki bule.

⁷Bea nae nofo a Tevita ki he kolo tau; bea koia nae ui ai ia koe kolo o Tevita.

⁸Bea naa ne laga hake ae kolo o takatakai hake, io mei Milo o takai hake: bea nae toe laga foou e Joabe a hono toe oe kolo.

⁹Nae behe ae fakaaau a Tevita ke lahi mo lahi hake aubito: he nae kau kiate ia a Jihova oe gaahi kau tau.

¹⁰Ko kinautolu eni foki ae kau tuu ki mua i he kau tagata malohi lahi aia nae ma‘u e Tevita, akinautolu nae kau malohi moia i hono buleaga, bea mo Isileli katoa, koeuhi ke ne hoko koe tu‘i, o fakatatau moe folofola a Jihova aia nae kau ki Isileli.

¹¹Bea koeni a hono lau hake oe kau tagata malohi lahi nae ma‘u e Tevita: ko Jasobiami koe tagata Akimoni, koe tuu ki mua i he gaahi eiki tau: naa ne hiki hake ia a hono tao ke tau‘i ae toko tolugeau nae tamate eia i he aho be taha.

¹²Bea nae hoko moia a Eliesa koe foha o Toto, koe tagata Ahoi, aia koe taha ia i he toko tolu nae malohi lahi.

¹³Nae ia Tevita ia i Basi‐tamemi, bea nae fakataha i ai ae kakai Filisitia ki he tau, bea nae i ai ae botu goue nae fonu i he baale; bea nae feholaki ae kakai mei he ao oe kau Filistia.

¹⁴Bea naa nau malumu i he lotolotoga oe botu fonua koia, mo nau fakahaofi ia, mo tamate‘i ae kakai Filisitia; bea nae fakamoui akinautolu e Jihova i he fakamoui lahi.

¹⁵Bea koeni, nae alu hifo ki he maka kia Tevita i he ana‘i maka ko Atulami ae toko tolu oe gaahi eiki tau e toko tolugofulu; ka nae nofo ae kau tau oe kakai Filisitia ki he botu talalo o Lifemi.

¹⁶Bea koe kuoga ia nae nofo ai a Tevita ki he kolo malohi, bea koe kolo tau oe kakai Filisitia nae i Betelihema i he gaahi aho koia.

¹⁷Bea nae holi feiga be a Tevita, o ne behe, Taumaiā ke omi e ha toko taha kiate au haaku inu mei he vai oe vaikeli i Betelihema, aia oku i he veemataba!

¹⁸Bea nae aji atu e he toko tolu koia i he kau tau oe kakai Filisitia, mo nau utu hake ae vai mei he vaikeli o Betelihema, aia nae i he veemataba, bea naa nau too o omi ia kia Tevita: ka nae ikai jii inu ia e Tevita, ka naa ne liligi atu ia kia Jihova,

¹⁹Bea ne behe eia, Ke taofi au e hoku Otua, ke oua naaku fai ha mea behe: he teu inu koa ae toto oe kau tagata ni, akinautolu kuo fakatuutamaki e nau moui? he koe nau moui be nae omi ai ia. Koia nae ikai jii te ne inu mei ai. Koe gaahi mea eni nae fai ekinautolu ni koe toko tolu nae malohi lahi hake.

²⁰Bea ko Abisai koe tokoua o Joabe, nae eiki hake ia i he toko tolu: he naa ne hiki hake a hono tao ke tau‘i ae toko tolugeau, mo ne tamate‘i akinautolu, bea nae lau hono higoa moe toko tolu.

²¹I he toko tolu, nae ogoogo hake ia i he toko ua; he ko ho na eiki ia: ka ne ogo ia nae ikai ke hoko hake ia ki he uluaki toko tolu.

²²Ko Benaia koe foha a Jihoiata, koe foha oe tagata to‘a mei Kabisieli, aia nae ogoogo a ene gaahi mea ne fai; naa ne tamate‘i eia ae ogo tagata Moabe nae aga fakalaione: bea naa ne alu hifo ki ha luo o ne tamate ai ha laione i he aho nae to ai ae uha hinehina.

²³Bea naa ne tamate‘i ha tagata Ijibite, koe tagata nae fuu jino aubito, koe haga e hogofulu a hono maoluga; bea nae too e he tagata Ijibite i hono nima ha tao nae hage koe akau oe tagata lalaga tubenu; bea naa ne alu hifo kiate ia moe tokotoko be mo ne hamuji mai ae tao mei he nima oe tagata Ijibite, o ne tamate‘i ia aki a ene tao aana.

²⁴Koe gaahi mea eni nae fai e Benaia koe foha o Jihoiata, bea nae lau hono higoa fakataha moe toko tolu malohi.

²⁵Vakai, nae ogoogo ia i he toko tolugofulu, ka nae ikai hoko hake ia ki he uluaki toko tolu: bea nae tuku ia e Tevita ke bule ki hono kau tagata leo.

²⁶Bea koeni foki ae kau tagata to‘a oe gaahi kau tau: ko Asaeli koe tokoua o Joabe, mo Elihanani koe foha o Toto o Betelihema,

²⁷Mo Samoti koe tagata Heloti, mo Helesi koe tagata Beloni,

²⁸Mo Ila koe foha o Ikesi koe tagata Tikoa, mo Abiesa koe tagata Anatoti,

²⁹Mo Sibikei koe tagata Husa, mo Ilai koe tagata Ahoi,

³⁰Mo Mehelei koe tagata Nitofa, mo Heleti koe foha o Beana koe tagata Nitofa,

³¹Mo Itei koe foha o Libei mei Kibea, i he fānau a Benijimani, mo Benaia koe tagata Beloni,

³²Mo Hulei mei he gaahi vaitafe jii o Keasi, mo Abieli koe tagata Alaba,

³³Mo Asimaveti koe tagata Bahulimi, mo Eliaba koe tagata Saeliboni.

³⁴Koe gaahi foha o Hasemi koe tagata Kiso, mo Jonatane koe foha o Sake koe tagata Halali,

³⁵Mo Ahiami koe foha o Sakali koe tagata Halali, mo Elifali koe foha o Uli,

³⁶Mo Hefeli koe tagata Mikela, mo Ahija koe tagata Beloni,

³⁷Mo Hesailo koe tagata Kameli mo Nahali koe foha o Esibei,

³⁸Mo Joeli koe tokoua o Natani, mo Miba koe foha o Hakili,

³⁹Mo Seleki koe tagata Amoni, mo Nahela koe tagata Biheloti, koe tagata nae too mahafu tau kia Joabe koe tama a Seluia,

⁴⁰Mo Ila koe tagata Itila, mo Kalebi koe tagata Itila,

⁴¹Mo Ulia koe tagata Heti, mo Sabita koe foha o Alai,

⁴²Mo Atini koe foha o Sisa koe tagata Lubeni, koe eiki tau i he kakai Lubeni, moe toko tolugofulu nae kau moia,

⁴³Mo Hanani koe foha o Meaka, mo Josafate koe tagata Mitini,

⁴⁴Mo Usia koe tagata Asiteloti, mo Sama mo Jieli koe ogo foha o Hotani koe tagata Aloeli,

⁴⁵Mo Jitieli koe foha o Simili, mo Joa ko hono tokoua, koe tagata Tisi,

⁴⁶Mo Ilieli koe tagata Mehevi, mo Jilibei, mo Josavia, koe ogo foha o Elineami, mo Itima koe tagata Moabe,

⁴⁷Mo Ilieli, mo Obeti, mo Jesieli koe tagata Mesobaia.