1 KOE TOHI FAKAMATALA MEA HOKOHOKO 13:1-14 TON1884 - Bible AI

¹1 Oku omi e Tevita ae buha oe fuakava mei Keja‐jialimi. 9 Koe mate fakafokifa a Usa bea moe tuku ai ae buha oe fuakava i he fale o Obeti‐itomi. BEA nae faa fakakaukau a Tevita fakataha moe gaahi eiki tau nae bule ki he gaahi toko afe moe gaahi toko teau, bea moe kau takimua kotoabe.

²Bea nae behe e Tevita ki he fakataha katoa o Isileli, Kabau oku lelei kiate kimoutolu, bea oku finagalo ki ai a Jihova ko ho tau Otua, tuku ke tau fekau atu ki ho tau kaiga i he botu kotoabe, akinautolu oku toe i he botu fonua kotoabe o Isileli, bea ki he kau taulaeiki moe kau Livai fakataha mo kinautolu, i he gaahi kolo mo ho nau gaahi botu ofi, koeuhi ke nau fakataha mai kiate kitautolu;

³Bea ke tau toe omi kiate kitautolu ae buha oe fuakava o ho tau Otua kiate kitautolu: he nae ikai te tau fakafehui ki ai i he gaahi aho o Saula.

⁴Bea nae behe e he fakataha kotoabe te nau fai ia: he nae matamata totonu ae mea ni ki he kakai kotoabe.

⁵Koia nae fakataha ai e Tevita ae kakai kotoabe, mei Sihoa i Ijibite o a‘u atu ki he huaga ki Hamati, koeuhi ke omi ae buha oe fuakava oe Otua mei Keja‐jialimi.

⁶Bea nae alu hake a Tevita, bea mo Isileli katoa, ki Beala, (aia ko Keja‐jialimi,) aia oku i Juta, ke o hake mei ai ae buha oe fuakava oe Otua ko Jihova, aia oku afio i he vahaa oe ogo jelubi, bea oku ui aki ia a hono huafa.

⁷Bea naa nau fakaheka ae buha oe fuakava oe Otua ki he saliote foou mei he fale o Abinatabi: bea nae agi ki he saliote e Usa mo Ahio.

⁸Bea nae ta mea faiva e Tevita bea mo Isileli katoa i he ao oe Otua aki e nau malohi kotoa, bea i he hiva, moe ta ae haabe, moe gaahi utete, moe gaahi kihi‘i lali, moe ukamea tatagi, bea moe gaahi mealea.

⁹Bea i he e nau hokoage ki he fale hahaaga uite o Kitoni, nae ala atu e Usa a hono nima ke buke ki he buha; he naa gau‘eu‘e ia i he alu ae faga bulu.

¹⁰Bea nae fakatubu ae houhau o Jihova kia Usa, bea naa ne ta‘i ia, koe mea i he ene ala a hono nima ki he buha: bea naa ne mate ai i he ao oe Otua.

¹¹Bea nae mamahi a Tevita, koeuhi koe teia a Usa e Jihova: bea koia kuo ui ai ae botu koia ko Belesi‐usa, o a‘u mai ki he aho ni.

¹²Bea nae manavahe a Tevita ki he Otua i he aho koia, o ne behe, E fefe a eku omi kiate au ae buha oe fuakava oe Otua?

¹³Koia nae ikai omi ai e Tevita ae buha oe fuakava kiate ia ki he kolo o Tevita, ka naa ne afe atu moia ki he fale o Obeti‐itomi koe tagata Kati.

¹⁴Bea nae nofo ai be ae buha oe fuakava oe Otua i he abi o Obeti‐itomi i hono fale i he mahina e tolu. Bea nae fakamonuia e Jihova ae fale o Obeti‐itomi, bea moe mea kotoabe naa ne ma‘u.