1 KOE TOHI FAKAMATALA MEA HOKOHOKO 18:1-17 TON1884 - Bible AI

¹1 Oku ikuna e Tevita ae kakai Filisitia moe kakai Moabe. 3 Oku ne teia ae kakai Silia. 9 Koe omi ae gaahi meaofa mei a Tou koe tu‘i o Hamati. 11 Oku fakatabu‘i ia kia Jihova. 13 Oku ne tuku ae kau tau ke nofo ki Itomi. 14 Koe houeiki bule nae ia Tevita. BEA hili eni nae hoko o behe, nae teia e Tevita ae kakai Filisitia, mo ne ikuna akinautolu, mo ne kabaji a Kati mo hono gaahi kolo mei he nima oe kakai Filisitia.

²Bea naa ne teia a Moabe; bea nae hoko ae kakai Moabe koe kau hoboate kia Tevita, bea naa nau omi ae gaahi koloa.

³Bea nae teia e Tevita a Hetatesa koe tu‘i o Soba o a‘u ki Hamati, lolotoga a ene alu ke fakamalohi hono buleaga i he vee vaitafe ko Iufaletesi.

⁴Bea nae too mai e Tevita meiate ia ae gaahi jaliote e afe, moe kakai heka hose e toko fitu afe, moe kakai haele e toko ua mano: bea nae tuuji foki e Tevita ae uouo oe va‘e oe faga hose kotoabe oe gaahi jaliote, ka naa ne tuku ha hose ki he jaliote e teau.

⁵Bea i he kuoga nae ha‘u ai ae kakai Silia mei Tamasikusi, ke tokoni kia Hetatesa koe tu‘i o Soba, nae tamate‘i e Tevita oe kakai Silia ae kau tagata e toko ua mano moe ua afe.

⁶Hili ia nae tuku e Tevita ha kau tau ki Silia‐tamasikusi: bea nae hoko ae kakai Silia koe kau hoboate kia Tevita, bea naa nau omi koloa. Nae behe ae fakamoui a Tevita e Jihova i he botu kotoabe naa ne alu ki ai.

⁷Bea nae too mai e Tevita ae gaahi jifa koula nae kofu aki e he kakai o Hetatesa, o ne omi ia ki Jelusalema.

⁸Bea mei Tibati foki, bea mei Kuni, koe ogo kolo o Hetatesa, nae omi e Tevita ae balasa lahi aubito, aia nae gaohi aki e Solomone ae fuu aiaga vai lahi, moe gaahi bou, moe gaahi ibu balasa.

⁹Bea koeni, i he ene fanogo e Tou koe tu‘i o Hamati ki he teia e Tevita ae kau tau kotoabe o Hetatesa koe tu‘i o Soba;

¹⁰Naa ne fekau a Hatolami ko hono foha ke alu kia Tevita, he aahi fakakaiga kiate ia, mo ne lea lelei kiate ia, koeuhi ko ene tau‘i a Hetatesa, mo ne teia ia; (he nae faa tau a Hetatesa mo Tou;) bea nae oage moia ae gaahi ibu koula moe siliva moe balasa.

¹¹Nae fakatabu‘i foki ia e Tevita kia Jihova, aia moe siliva moe koula naa ne omi mei he gaahi buleaga koia; mei Itomi, bea mo Moabe, bea mei he fānau a Amoni, bea mei he kakai Filisitia, bea mei Amaleki.

¹²Bea nae tamate‘i e Abisai foki koe tama a Seluia ae kau Itomi e toko taha mano moe toko valu afe i he botu talalo oe masima.

¹³Bea naa ne fakanofo ae gaahi kau tau i Itomi; bea nae hoko o tamaioeiki kia Tevita ae kakai Itomi kotoabe. Nae behe ae fakamoui a Tevita e Jihova i he botu kotoabe naa ne alu ki ai.

¹⁴Koia, nae bule a Tevita ki Isileli katoa, mo ne fai ae fakamāu moe bule totonu i he lotolotoga o ene kakai kotoabe.

¹⁵Bea nae bule a Joabe koe tama a Seluia ki he kau tau; bea ko Jihosafate koe foha o Ahilute koe tagata tohi mea fakabuleaga ia.

¹⁶Bea ko Satoki koe foha o Ahitube, mo Abimeleki koe foha o Abiata, koe ogo taulaeiki akinaua; bea ko Savisa koe tagata tohi ia;

¹⁷Bea nae bule a Benaia koe foha o Jihoiata ki he kakai Keliti moe kakai Beleti; bea koe gaahi foha o Tevita nae tuu o ofi ki he tu‘i.