1 KOE TOHI FAKAMATALA MEA HOKOHOKO 20:1-8 TON1884 - Bible AI

¹1 Oku kabui ae kolo ko Laba aki ae tau a Joabe, bea oku vete ia e Tevita, bea oku fakamamahi a hono kakai. 4 Koe tamate‘i ae kau tagata lalahi e toko tolu i he tau e tolu nae fai ki he kakai Filisitia. BEA nae hoko o behe, i he ene hiliage ae ta‘u e taha, i he faahita‘u aia oku faa alu atu ai ae gaahi tu‘i ke fai ae tau, nae tataki atu e Joabe ae malohi oe kau tau, bea naa ne fakalala ae fonua oe fānau a Amoni, bea naa ne hoko atu o kabui a Laba aki ae tau. Ka nae nofo be a Tevita i Jelusalema. Bea nae kaba a Laba e Joabe, mo ne fakaauha ia.

²Bea nae too mai e Tevita ae tatā fakatu‘i mei he ulu o ho nau tu‘i, bea ko hono mamafa koe taleniti koula e taha, bea nae fonofono ki ai ae gaahi maka mahuiga; bea nae ai ia ki he fofoga o Tevita: bea naa ne fetuku foki mei he kolo ae koloa lahi aubito.

³Bea naa ne omi kituaa ae kakai nae nofo i ai, mo ne kiliji akinautolu aki ae kili, bea moe gaahi mea keli ukamea, bea moe gaahi toki. Nae fai behe e Tevita ki he gaahi kolo kotoabe oe fānau a Amoni. Bea nae foki mai a Tevita bea moe kakai kotoabe ki Jelusalema.

⁴Bea hili ae mea ni nae hoko o behe, nae fai ae tau i Kesa moe kakai Filisitia; bea koe kuoga ia nae tamate‘i a Sibei e Sibikei koe tagata Husa, koe taha i he fānau oe tagata jino lahi aubito: bea nae ikuna akinautolu.

⁵Bea nae toe fai ae tau moe kakai Filisitia: bea nae tamate‘i e Elihanani koe foha o Jaele o Laami koe tehina o Kolaia koe tagata Kati, aia nae tatau hono foi tao moe akau lalaga oe tagata lalaga tubenu.

⁶Bea nae toe fai foki ae tau i Kati, bea nae i ai ha tagata fuu lahi aubito, aia nae uofulu ma fa a hono kubu‘i nima mo hono kubu‘i va‘e, koe taki ono i he nima, moe taki ono i he va‘e: bea koe foha foki ia oe tagata jino lahi aubito.

⁷Ka i he ene bolebole tau ki Isileli nae tamate‘i ia e Jonatane koe foha o Simia koe tokoua o Tevita.

⁸Nae fanau‘i akinautolu ni ki he fuu tagata lahi aubito i Kati; bea naa nau to o mate i he nima o Tevita bea i he nima o ene kau tamaioeiki.