1 KOE TOHI FAKAMATALA MEA HOKOHOKO 23:1-32 TON1884 - Bible AI

¹1 Koe tuku e Tevita ae bule kia Solomone. 2 Koe fakamatala ki he gaue moe gaahi faahiga oe kau Livai. KOIA, i he ene hoko o motua lahi a Tevita bea kakato a hono gaahi aho, naa ne tuku a Solomone ko hono foha ke ne tu‘i ki Isileli.

²Bea naa ne tanaki fakataha ae houeiki kotoabe o Isileli, moe kau taulaeiki bea moe kau Livai.

³Ka koeni, nae lau hono toko lahi oe kau Livai mei he ta‘u e tolugofulu o fai hake: bea ko ho nau lau fakatefua, ae tagata taki taha, koe toko tolu mano moe toko valu afe.

⁴Bea nae oe toko ua mano moe toko fa afe ae tokaga ki he gaue ki he fale o Jihova; bea koe toko ono afe, koe kau bule moe kau fakamāu akinautolu.

⁵Bea koe kau leo mataba ae toko fa afe; bea koe toko fa afe nae hiva kia Jihova aki ae gaahi mea hiva aia nae gaohi ke fai aki ae fakafetai.

⁶Bea nae vahe fakalakaga akinautolu e Tevita, ki he gaahi foha o Livai, kia Kesomi, mo Kohate, bea mo Melali.

⁷Nae oe kau Kesomi, a Latani, bea mo Simi.

⁸Koe gaahi foha eni o Latani; ko ho nau tuu ki mua a Jieli, mo Sitami, mo Joeli, koe toko tolu.

⁹Koe gaahi foha o Simi; ko Silomiti, mo Asieli, mo Halani, koe toko tolu. Koe kau tuu ki mua akinautolu ni i he kau mātua o Latani.

¹⁰Bea koe gaahi foha eni o Simi ko Jehati, mo Sina, mo Jiusi, mo Belia. Koe toko fa ni koe gaahi foha o Simi

¹¹Bea nae tuu ki mua i ai a Jehati, bea hoko moia a Sisa: ka nae ikai ke toko lahi ae gaahi foha o Jiusi mo Belia; koia nae lau fakataha ai akinaua o fakatatau moe fale oe na tamai.

¹²Koe gaahi foha eni o Kohate: ko Amilami, mo Isa, mo Hebeloni, mo Usili, koe toko fa.

¹³Bea koe gaahi foha eni o Amilami: ko Elone mo Mosese: bea nae vahe‘i a Elone, koeuhi ke ne fakatabu‘i ae gaahi mea maonioni lahi, eia mo hono gaahi foha ke lauikuoga, ke tutu ae mea namu kakala i he ao o Jihova, bea ke tauhi kiate ia, bea ke fakafetai ki hono huafa o taegata.

¹⁴Bea koeuhi ko Mosese koe tagata ae Otua, nae lau a hono gaahi foha ki he faahiga o Livai.

¹⁵Koe gaahi foha eni o Mosese: ko Kesomi, mo Eliesa.

¹⁶I he gaahi foha o Kesomi, nae tuu ki mua a Sibueli.

¹⁷Bea koe gaahi foha eni o Eliesa: ko hono tuu ki mua a Lihabea. Bea nae ikai mo ha gaahi foha o Eliesa, ka nae toko lahi aubito ae gaahi foha o Lihabea.

¹⁸I he gaahi foha o Isa: ko hono tuu ki mua a Silomiti.

¹⁹I he gaahi foha o Hebeloni; koe uluaki a Jelia, ko hono toko ua a Amalia, ko hono toko tolu a Jaesieli, bea ko hono toko fa a Jikamiami.

²⁰I he gaahi foha o Usili: ko hono uluaki a Maika, bea ko hono tokoua a Jisia.

²¹Bea koe gaahi foha eni o Melali: ko Mali mo Musi. Koe gaahi foha o Mali; ko Elieser mo Kisi.

²²Bea nae bekia a Eliesa bea nae ikai hano foha ka koe gaahi ofefine be: bea nae ohi akinautolu e ho nau kaiga koe gaahi foha o Kisi.

²³Koe gaahi foha o Musi eni: ko Mali, mo Iteli, mo Jelimoti, koe toko tolu.

²⁴Ko kinautolu eni koe gaahi foha o Livai o fakatatau moe fale oe nau gaahi tamai; koe kau tuu ki mua i he e nau gaahi tamai, o hage koe lau hake akinautolu i ho nau lakaga, akinautolu nae fai ae gaue oe tauhi i he fale o Jihova, mei he ta‘u e uofulu oe nau motua o fai hake.

²⁵He nae behe e Tevita, Kuo foaki e Jihova koe Otua o Isileli, ae mālōlō ki hono kakai, koeuhi ke nau nofo i Jelusalema o taegata:

²⁶Bea ki he kau Livai foki; e ikai te nau kei fua ae fale fehikitaki, be koe gaahi ibu i ai oku fai aki a hono gaue.

²⁷He koe gaahi lea fakamuimui a Tevita nae lau ai ae kau Livai mei he uofulu ta‘u oe nau motua o fai hake:

²⁸He koe nau gaue anautolu ke tali fekau ki he gaahi foha o Elone, i he gaue oe fale o Jihova, i he gaahi loto a, bea i he gaahi botu fale, bea i he fakamaa ae gaahi mea tabu kotoabe, bea i he gaue oe tauhi ki he fale oe Otua;

²⁹I he tokonaki ae ma oe ao, moe mahoaa lelei ki he feilaulau meakai, bea moe foi ma manifi nae ikai fakalevani, bea moia nae fakabaku, bea moia nae tunu, bea i he faahiga mea fuofua kotoabe;

³⁰Bea ke nau tuu i he bogibogi kotoabe ke fakafetai mo hiva kia Jihova, bea ke behe foki i he efiafi;

³¹Bea ke o hake ae gaahi feilaulau tutu kia Jihova i he gaahi aho tabu, bea i he gaahi mahina foou, bea i he gaahi katoaga nae kotofa, o hage ko hono lau, bea fakatatau mo hono lakaga nae fekau‘i kiate kinautolu, o mau ai be i he ao o Jihova:

³²Bea koeuhi ke nau tokaga ki he tauhi oe fale fehikitaki oe fakataha, moe tokaga ki he botu tobutabu, moe tokaga ki he gaahi foha o Elone ko ho nau kaiga, i he gaue oe fale o Jihova.