1
2Ki he jiaji oe Otua aia oku i Kolinito, kiate kinautolu kuo faka-maonioni ia Kalaisi Jisu, kuo hoko koe maonioni, mo kinautolu kotoabe i he botu fulibe oku ui ki ha huafa o Jisu Kalaisi ko ho tau Eiki, oku o nautolu mo o tautolu fakatouoji:
3Ke iate kimoutolu ae ofa moe melino, mei he Otua koe tau Tamai, bea mei he Eiki ko Jisu Kalaisi.
4Oku ou fakafetai mau ai be ki hoku Otua koeuhi ko kimoutolu, koeuhi koe ofa ae Otua kuo foaki kiate kimoutolu ia Jisu Kalaisi;
5Koeuhi kuo ne fakakoloaia akimoutolu i he mea kotoabe, i he gaahi lea kotoabe, moe gaahi ilo kotoabe;
6O hage ko hono fakamooni oe fakaha o Kalaisi iate kimoutolu:
7Koia oku ikai ai te mou tomui i ha foaki; o tatali ki he fakaha a ho tau Eiki ko Jisu Kalaisi:
8Aia te ne fakatuu mau akimoutolu foki o a‘u ki he gataaga, koeuhi ke mou taehala i he aho o ho tau Eiki ko Jisu Kalaisi.
9Oku mooni ae Otua, aia nae ui akimoutolu ki he feohi mo hono Alo ko Jisu Kalaisi ko ho tau Eiki.
10Bea koeni, e kaiga, oku ou kole kiate kimoutolu, i he huafa o ho tau Eiki ko Jisu Kalaisi, ke lea taha be akimoutolu kotoabe, bea ke oua naa iate kimoutolu ae gaahi mavahevahe; ka mou maoboobo lelei o loto taha be, bea fakakaukau taha be.
11He kuo fakaha mai kiate au akimoutolu, e hoku kaiga, ekinautolu i he fale o Koloi, oku ai ae gaahi kikihi iate kimoutolu.
12Bea ko eku lea eni, oku mou taki taha behe, Oku o Baula au; bea, Oku o Abolosi au; bea, Oku o Kifasi au; bea, Oku o Kalaisi au.
13Kuo mavahevahe koa a Kalaisi? nae tutuki ki he akau a Baula koeuhi ko kimoutolu? be naa mou babitaiso i he higoa o Baula?
14Oku ou fakafetai ki he Otua, nae ikai teu babitaiso ha taha iate kimoutolu ka ko Kalisibo mo Keio;
15Telia naa behe e ha niihi kuou fai babitaiso i hoku higoa ooku.
16Bea naaku babitaiso foki ae fale o Setivena: bea oku ikai teu ilo be naaku babitaiso mo ha taha kehe.
17He nae ikai fekau au e Kalaisi ke babitaiso, ka ke malaga aki ae ogoogolelei: kae ikai i he boto oe lea, telia naa fakataeaoga‘i ae akau nae tutuki ki ai a Kalaisi.
18He koe malaga aki ae akau nae tutuki ia ki ai koe vale ia kiate kinautolu oku malaia: ka koe malohi ia oe Otua kiate kitautolu kuo fakamoui.
19He kuo tohi, Teu fakaauha ae boto oe kau boto, bea teu fakataeaoga ae ilo oe iloilo.
20Koefe ae boto? koefe ae tagata tohi? koefe ae fakakikihi o mamani? Ikai kuo fakamatavalea e he Otua ae boto o mamani?
21He koeuhi i he boto oe Otua nae ikai ilo ae Otua e mamani i hono boto, bea nae lelei ki he Otua i he vale oe malaga ke fakamoui akinautolu oku tui.
22He oku tagi e he kakai Jiu ki ha mea fakaofo, bea oku kumi e he kakai Kiliki ki he boto:
23Ka oku mau malaga aki a Kalaisi nae tutuki ki he akau, koe tūkiaaga ki he kakai Jiu, bea ki he kakai Kiliki koe vale;
24Ka koe malohi oe Otua moe boto oe Otua a Kalaisi, kiate kinautolu kuo ui, i he kakai Jiu moe kakai Kiliki.
25He ko ia oku vale i he Otua, oku boto lahi ia i he tagata; mo ia oku vaivai i he Otua, oku malohi lahi ia i he tagata.
26He oku mou mamata ki ho mou ui, e kaiga, koeuhi oku ikai ui ha toko lahi oe boto fakakakano, be koe toko lahi i he malohi, be koe toko lahi i he houeiki:
27Ka kuo fili e he Otua ae gaahi mea vale oe mamani, ke fakama ae boto; bea kuo fili e he Otua ae gaahi mea vaivai oe mamani, ke fakama ae malohi;
28Moe kau lāuvale oe mamani, moe mea kuo manuki, kuo fili e he Otua, bea moe gaahi mea kuo ikai, ke ne fakaoji aki ae gaahi mea oku ai:
29Ke oua naa vikiviki ha toko taha i hono ao.
30Ka koe mea iate ia oku mou ia Kalaisi Jisu, aia kuo hoko ai ia mei he Otua kiate kitautolu, koe boto, moe fakatonuhia, moe maonioni, moe huhui:
31Koeuhi, ke hage koia kuo tohi, Ko ia oku vikiviki, ke vikiviki ia i he Eiki.