1 KOLINITO 3:1-23 TON1884 - Bible AI

¹2 Oku tāu ae hua huhu moe fānau valevale 3 Koe fekeikei moe mavahevahe koe fakailoga ki he loto fakakakano. 7 Koe mea noabe aia oku tūtūi, mo ia oku fakaviviku. 9 Koe kauga gaue moe Otua ae kau faifekau. 11 Ko Kalaisi be a etuuga. 16 Koe gaahi fale tabu oe Otua. 17 bea totonu ke tauhi ke maonioni. 19 Koe boto a mamani koe vale ia ki he Otua. BEA nae ikai teu faa lea kiate kimoutolu, e kaiga, o hage ki he fakalaumalie, kae hage ki he fakakakano, io, o hage koe kau valevale ia Kalaisi.

²Naaku fafaga aki akimoutolu ae hua huhu, kae ikai aki ae kakano; he nae ikai te mou faa tali ia, bea kuo hoko eni, oku ikai foki te mou faa tali ia.

³He oku mou kei fakakakano: he oku iate kimoutolu ae femehekaaki, moe fakakikihi, moe mavahevahe, ikai oku mou fakakakano, bea felaka‘i o fakatatau ki he tagata?

⁴Koeuhi oku lolotoga ae behe e ha toko taha, Oku o Baula au; bea behe e ha toko taha, Oku o Abolosi au; ikai oku mou fakakakano be?

⁵Bea kohai ai a Baula, bea kohai ai a Abolosi, ka koe ogo tamaioeiki naa mou tui ai, io, o tāu mo ia nae foaki e he Eiki ki he tagata taki taha.

⁶Naaku to e au, bea fakaviviku e Abolosi; ka koe Otua naa ne foaki hono tubu.

⁷Koia oku ikai ko ha mea aia oku to, be ko ia oku fakaviviku; ka koe Otua oku ne foaki hono tubu.

⁸Koeni, ko ia oku to mo ia oku fakaviviku oku taha be: bea e taki taha ma‘u ene totogi aana o fakatatau ki he ene gaue.

⁹He koe kauga gaue akimautolu moe Otua: koe gaue ae Otua moe fale oe Otua akimoutolu.

¹⁰O fakatatau moe ofa ae Otua kuo foaki kiate au, kuou ai ae tuuga o gali moe tufuga boto, bea oku fokotuu ki ai e ha toko taha. Ka ke taki taha vakai be oku fefe‘i ene fokotuu ki ai.

¹¹He oku ikai ha taha te ne faa ai ha tuuga kehe, ka koia be kuo ai, aia ko Jisu Kalaisi.

¹²Bea kabau oku fokotuu e ha taha ki he tuuga ni, ha koula, be siliva, be ha gaahi maka koloa, be koe akau, be koe mohuku, be koe tefito‘i kaho;

¹³E fakaha ae gaue ae kakai kotoabe taki taha: koeuhi e fakailo ia i he aho, koeuhi e fakaha ia e he afi; bea e ahiahi‘i e he afi ae gaue ae kakai kotoabe be koeha hono aga.

¹⁴Kabau e tuu mau ae gaue aia kuo fokotuu e ha taha, te ne ma‘u ae totogi.

¹⁵Kabau e vela ae gaue a ha taha, e majiva ai ia: bea e fakamoui be ia; ka e hage ha hao mei he afi.

¹⁶Ikai oku mou ilo koe fale tabu oe Otua akimoutolu, bea oku nofoia akimoutolu e he Laumalie oe Otua?

¹⁷Kabau e maumau e ha taha ae fale tabu oe Otua, e maumau ia e he Otua; he koe fale tabu oe Otua oku maonioni, bea koe fale tabu koia akimoutolu.

¹⁸Oua naa kaka‘i ha taha eia. Kabau oku ai ha taha iate kimoutolu oku ogoogo koe boto ia i mamani, tuku ke lau ia koe vale koeuhi kae lau ia koe boto.

¹⁹He koe boto o mamani, koe vale ia ki he Otua. He kuo tohi, Oku ne moua ae boto i he e nau fie boto.

²⁰Bea behe foki, Oku ilo e he Eiki ae gaahi mahalo oe boto, koe vaiga ia.

²¹Koia ke oua naa vikiviki ha taha i he tagata. He oku amoutolu ae gaahi mea kotoabe;

²²Be ko Baula, be ko Abolosi, be ko Kifasi, be koe mamani, be koe moui, be koe mate, be koe gaahi mea i heni, be koe gaahi mea e ha‘u; oku amou-tulo kotoabe;

²³Bea oku a Kalaisi akimoutolu; bea oku oe Otua a Kalaisi.