1 KOLINITO 5:1-13 TON1884 - Bible AI

¹1 Koe tagata fai fakalielia 6 koe mea fakama lahi kiate kinautolu, kae ikai koe mea fakafiefia. 7 Koe fakatafe kitua ae mea fakatubu kuo motua. 10 Ke tau fakamamao mei he kakai oku fai agahala. OKU fakaogo lahi mai oku ai ae feauaki iate kimoutolu, bea koe feauaki behe oku ikai jii lau ki ai i he kakai Jenitaile, o behe ke ma‘u e ha taha ae unoho o ene tamai.

²Bea oku mou aga fakafiefielahi, kae ikai te mou mamahi mu‘a, koeuhi ko ia kuo ne fai ae mea ni, ke tukuage ia iate kimoutolu.

³He koe mooni, ko au oku ou mamao i he jino, ka oku ou i ai i he laumalie, kuou fakamāu‘i aia nae fai ae gaue ni, o hage kuou i ai,

⁴I hoo mou fakataha i he huafa o ho tau Eiki ko Jisu Kalaisi, mo hoku laumalie, moe malohi a ho tau Eiki ko Jisu Kalaisi.

⁵Ke tukuage ae toko taha behe kia Setani ke maumau ai ae jino, kae fakamoui ae laumalie i he aho oe Eiki ko Jisu.

⁶Ko hoo mou vikiviki oku ikai lelei. Ikai oku mou ilo koe mea fakatubu jii oku ne fakatubu‘i ae takaoga kotoa?

⁷Koia ke tafi kitua ae mea fakatubu motua, koeuhi i he ikai ha mea fakatubu iate kimoutolu, ke mou hoko koe takaoga foou. He ko Kalaisi ko ho tau feilaulau oe Lakaatu, kuo hifo aki maa tautolu.

⁸Koia ke tau fai ae katoaga, kae ikai i he mea fakatubu motua, be i he mea fakatubu oe fakafajifaji moe agahala; ka i he ma tae mea fakatubu oe agatonu moe mooni.

⁹Kuou tohi i he tohi kiate kimoutolu, ke oua naa mou fakataha moe kau feauaki:

¹⁰Ka oku ikai koe behe be, ki he kau feauaki oe mamani, be koe kau manumanu, be koe kau fakamalohi, be koe kau tauhi tamabua; he ka ne behe, ta te mou alu be i he mamani.

¹¹Ka kuou tohi eni kiate kimoutolu, ka ai ha taha oku ui koe kaiga, ka oku feauaki, be manumanu, be tauhi tamabua, be koe manuki, be koe kona, be koe fakamalohi; oua naa fakataha mo ha taha behe, bea oua naa kai mo ia.

¹²He kohai au keu fakamāu akinautolu oku ituaa? ikai oku mou fakamāu akinautolu oku i lotoa be?

¹³Ka ko kinautolu oku ituaa oku fakamāu‘i e he Otua. Koia ke tukuage iate kimoutolu ae tagata agahala koia.