1 KOLINITO 6:1-20 TON1884 - Bible AI

¹1 Ke oua naa fakamamahi e he kakai Kolinito ho nau kaiga, i he e nau fefakamāuaki fakamama: 6 kae umaa e nau fai ia ki he taetui. 9 E ikai lava‘i ae buleaga oe Otua e he taemaonioni. 15 Koe gaahi kubu o Kalaisi ho tau jino, 19 mo fale tabu oe Laumalie Maonioni. 16, 17 Koia ke oua naa fakauli‘i ia. OKU mou behe, oku gofua ia kiate kimoutolu, o kabau oku ai ha mea ki ha toko taha, ke fakamāu ia i he ao oe taeagatonu, kae ikai i he ao oe kiaga maonioni?

²Ikai oku mou ilo e fakamāu a mamani e he kakai maonioni? bea kabau e fakamāu a mamani ekimoutolu, oku taetāu akimoutolu ke fakamāu ae gaahi mea jii?

³Ikai oku mou ilo te tau fakamāu ae kau agelo? bea ikai e mu‘a hake lahi ki he gaahi mea oe moui ni?

⁴Bea kabau oku ai ha fakamāu ki he gaahi mea oe moui ni, bea oku mou fili ke fai ia ekinautolu oku māulalo hifo i he jiaji?

⁵Oku ou lea ko ho mou fakama. He oku behe koa, oku ikai aubito ha toko taha boto iate kimoutolu? oku ikai ha toko taha oku faa fai ke fakamāu ki hono gaahi kaiga?

⁶Ka oku fefakamāuaki ae kaiga moe kaiga, bea fai ia i he ao oe kau taetui?

⁷Bea koeni, oku ai ae kovi lahi iate kimoutolu, koeuhi oku mou fefaka-mauaki akimoutolu. Koeha mu‘a oku ikai ai te mou kataki ae kovi? koeha mu‘a oku ikai ai te mou kataki ho mou fakamalohi‘i?

⁸Ta koe mooni oku mou fai hala, bea fakamalohi, io, ki he kaiga foki.

⁹Ikai oku mou ilo, e ikai hoko e he tae fai totonu ki he buleaga oe Otua? Oua naa kākā‘i akimoutolu: koe kau feauaki, moe kau tauhi tamabua, moe kau tonofefine, moe kau moui fakafiemalie, moe kau fefai fakalieliaaki iate kinautolu,

¹⁰Moe kau kaihaa, moe manumanu, moe kau faa kona, moe kau lea kovi, moe kau fakamalohi, e ikai te nau lava‘i ae buleaga oe Otua.

¹¹Bea nae behe be ho mou niihi; ka kuo fufulu akimoutolu, ka kuo faka-tabu‘i akimoutolu, ka kuo fakatonuhia akimoutolu, i he huafa oe Eiki ko Jisu, bea i he Laumalie o ho tau Otua.

¹²Oku gofua ae mea kotoabe kiate au, ka oku ikai aoga ae mea kotoabe: oku gofua ae mea kotoabe kiate au, ka e ikai faiekina au e he mea e taha.

¹³Koe gaahi mea kai ki he fatu, moe fatu ki he gaahi mea kai: ka e fakaauha ia fakatouoji e he Otua. Ka oku ikai ki he feauaki ae jino, ka ki he Eiki; bea moe Eiki ki he jino.

¹⁴Bea kuo fokotuu hake e he Otua ae Eiki, bea te ne fokotuu hake akimoutolu foki i hono malohi oona.

¹⁵Ikai oku mou ilo, ko ho mou jino koe gaahi kubu ia o Kalaisi? bea teu ave eni ae gaahi kubu o Kalaisi, o gaohi ia koe gaahi kubu oe faa feauaki? Ikai aubito.

¹⁶Koeha? ikai oku mou ilo, ko ia kuo hoko ki he faa feauaki, oku jino taha? he oku behe eia, E hoko ae toko ua koe kakano be taha.

¹⁷Ka ko ia kuo hoko ki he Eiki, koe laumalie be taha.

¹⁸Buna mei he feauaki. Koe agahala fulibe oku fai e he tagata, oku itua i he jino, ka ko ia oku fai feauaki, oku fai agahala ia ki hono jino oona.

¹⁹Koeha? ikai oku mou ilo, ko ho mou jino koe fale tabu oe Laumalie Maonioni, oku iate kimoutolu, aia oku mou ma‘u mei he Otua, bea oku ikai amoutolu akimoutolu?

²⁰He kuo fakatau akimoutolu aki ae totogi: koia ke fakaogolelei ae Otua i ho mou jino, bea i ho mou laumalie, aia oku oe Otua.