1 KOLINITO 7:1-40 TON1884 - Bible AI

¹2 Oku lea a Baula ki he fakamāu, 4 oku fakaha ke taofi ki he feauaki. 10 bea ke oua naa mavae noabe ae gaahi unoho. 18, 20 Ke fiemalie ae tagata kotoabe i he gaue kuo ui ai ia e he Eiki. 25 Hono aoga oe nofo takabe. 35 Bea koeha ae mea te tau fakamau unoho ai, mo ia te tau taofi ai mei he fakamau unoho. BEA i he gaahi mea koia naa mou tohi ai kiate au: Oku lelei ki he tagata ke oua naa ala ki ha fefine.

²Ka koeuhi telia ae feauaki, ke ma‘u e he tagata taki taha hono unoho oona, bea ke ma‘u e he fefine taki taha hono unoho oona.

³Ke atu e he tagata aia oku totonu ki hono unoho: bea ke behe be e he fefine foki ki hono unoho.

⁴Oku ikai ke bule e he fefine ki hono jino oona, ka ko hono unoho: bea oku behe foki ae tagata, oku ikai ke bule ia ki hono jino oona, ka ko hono unoho.

⁵Oua naa mo fefaaoaki akimoua, ka i hoo mo felotoaki i he aho jii, koeuhi ke mo tukuage akimoua ki he aukai moe lotu; bea mo toe fakataha, telia naa tauvele‘i akimoua e Setani i hoo mo tae faa taofi.

⁶Oku ou fakaha aia oku gofua, ka oku ikai koe fekau.

⁷He oku amujiaage eau kuo tatau mo au ae tagata kotoabe. Ka oku ma‘u taki taha kotoabe ene mea foaki totonu mei he Otua, koe taha ki he aga ko eni, moe taha ki he aga ko ena.

⁸Bea oku ou tala atu ki he kau takabe moe kau fefine kuo mate ho nau unoho, oku lelei kiate kinautolu o kabau te nau nofo be o hage ko au.

⁹Bea kabau oku ikai te nau faa kataki, tuku ke nau mali: he oku lelei e nau mali i he e nau vela.

¹⁰Bea oku ou fekau ki he kakai unoho, ka oku ikai ko au be, ka koe Eiki, Oua naa alu ae fefine mei hono unoho.

¹¹Bea kabau e alu ia, ke nofo be taemali ia, bea ke fakalelei mo hono unoho: bea oua naa tukuage e he tagata hono unoho.

¹²Ka ko hono toe oku ou lea eau ki ai, ka oku ikai koe Eiki: Kabau oku ai ha kaiga tagata oku ma‘u ae unoho taetui, bea oku loto lelei ia ke na nonofo, ke oua naa ne liaki ia.

¹³Bea koe fefine oku ne ma‘u ae unoho oku ikai tui, bea kabau oku loto lelei ia ke na nonofo, bea oua naa alu ia mei ai.

¹⁴He oku fakatabu‘i ae tagata taetui e hono unoho, bea fakatabu‘i ae fefine taetui e hono unoho: ka ne ikai behe, e taemaa hoo mou fānau: ka ko eni oku nau maa.

¹⁵Bea kabau e alu ae taetui, tuku be ke alu. Oku ikai ha‘ijia ha kaiga tagata, be ha kaiga fefine, i he gaahi mea behe; ka kuo ui akitautolu e he Otua ki he aga fakamelino.

¹⁶He oku ke ilo fefe, e fefine, be te ke fakamoui ho unoho be ikai? bea oku ke ilo fefe‘i, e tagata, be te ke fakamoui ho unoho be ikai?

¹⁷Kae hage koe tufaki e he Otua ki he tagata taki taha, bea moe ui e he Eiki ae tagata kotoabe, ke alu ai be ia i ai. Bea oku behe be eku fekau ki he gaahi jiaji kotoabe.

¹⁸Oku ui ha taha, ka oku kamu ia? bea oua naa hoko koe taekamu. Oku ui ha taha oku taekamu? oua naa kamu ia.

¹⁹Oku ikai aoga ae kamu, bea oku ikai aoga ae taekamu, ka koe fai oe gaahi fekau ae Otua.

²⁰Ke taki taha nofo be i he aluaga koia aia nae ui ai ia.

²¹Kuo ui koe oku ke bobula? oua naa ke tokaga ki ai: bea kabau oku ke mafai ke ke tauataina, ke fai ia.

²²He ko ia kuo ui e he Eiki, ka koe bobula ia, koe tagata tauataina ia oe Eiki: bea oku behe be foki, ko ia kuo ui oku ataatā, koe bobula ia a Kalaisi.

²³Kuo fakatau akimoutolu aki ae totogi: oua naa mou tamaioeiki ki he tagata.

²⁴E kaiga, ke taki taha nofo ki he Otua, i he aluga koia nae ui ai ia.

²⁵Bea koeuhi koe kau tāuboou, oku ikai haaku fekau ki ai mei he Otua; ka oku ou fahaha atu hoku loto, o tāu moe taha kuo ne ma‘u ae aloofa mei he Eiki ke fai totonu.

²⁶Koia oku ou behe eau, koe mea i he mamahi ni e lelei, io, e lelei ke nofo behe ai be ae tagata.

²⁷Kuo nonoo koe ki ha unoho? oua naa fie veteki. Kuo ke ataatā koe mei he unoho? oua naa ke kumi ha unoho.

²⁸Bea kabau te ke mali, oku ikai te ke fai agahala ai; bea kabau e mali e ha tāuboou, oku ikai agahala ai ia. Ka te nau ma‘u ekinautolu ae mamahi i he jino: ka oku ou ofa kiate kimoutolu.

²⁹Ka oku ou fakaha eni, e kaiga, oku fuonounou ae kuoga: bea koia be, ke fai ekinautolu oku unoho, o hage oku ikai te nau unoho;

³⁰Bea ko kinautolu oku tagi, o hage oku ikai te nau tagi; mo kinautolu oku fiefia, o hage oku ikai te nau fiefia; mo kinautolu oku fakatau, o hage oku ikai te nau ma‘u;

³¹Mo kinautolu oku gaue aki ae mamani, ke oua naa gaohi kovi‘i ia: he koe teuga oe mamani oku alu ia o mole.

³²Bea ko hoku loto ke oua naa mou femouekina i he tokaga. Koe tagata taeunoho, oku tokaga ia ki he gaahi mea ae Eiki, be fefe ene fakafiemalie‘i ae Eiki:

³³Ka koe tagata oku unoho, oku tokaga ia ki he gaahi mea o mamani, be fefe ene fakafiemalie‘i hono unoho.

³⁴Oku fai kehekehe ae fefine unoho moe tāuboou: koe fefine taeunoho, oku tokaga ia ki he gaahi mea ae Eiki, koeuhi ke maonioni ia i he jino moe laumalie; ka ko ia oku unoho, oku tokaga ia ki he gaahi mea o mamani, be fefe ene fakafiemalie‘i hono unoho.

³⁵Bea oku ou lea aki eni ke aoga kiate kimoutolu; ka oku ikai ko eku lafo ae hele kiate kimoutolu, ka ko ia oku matamata lelei, bea koeuhi ke mou faa tokaga ki he Eiki i he taefe-tohoaki.

³⁶Bea kabau oku mahalo e ha taha oku ne fai taegali ki hono ofefine tauboou, kabau kuo lahi lelei ia, bea oku aoga ke behe, ke fai be aia oku ne loto ki ai, oku ikai agahala ia: tuku ke na mali.

³⁷Ka ko ia oku tuu mau hono loto, bea ikai hano aoga, ka oku ne faa bule‘i hono loto oona, bea kuo bau be hono loto ke ne taofi hono ofefine tauboou, oku fai lelei ia.

³⁸Bea ko ia oku ne foaki ia ke mali, oku fai lelei ia; ka ko ia oku ikai te ne foaki ia ke mali, oku fai lelei lahi hake.

³⁹Kuo nonoo ae fefine aki ae fono i he lolotoga oku moui hono unoho; bea kabau kuo mate hono unoho, oku ataatā ia ke mali kiate ia oku ne loto ki ai; kae i he Eiki be.

⁴⁰Ka ko hoku loto, e fiemalie lahi ia o kabau e nofo be: bea oku ou behe, oku iate au foki ae Laumalie oe Otua.