1 KOLINITO 8:1-13 TON1884 - Bible AI

¹1 Ke fakamamao mei he gaahi mea kai nae feilaulau aki ki he gaahi tamabua. 8, 9 Ke oua naa tau gaue kovi aki e tau tauataina ke tūkia ai ho tau kaiga lotu: 11 ka ke taofi aki ae ofa e tau ilo. BEA i he gaahi mea kuo feilaulau aki ki he gaahi tamabua, oku tau ilo, he oku tau ma‘u kotoabe ae ilo. Oku fakafuofuo lahi e he ilo, ka oku laga hake e he ofa.

²Bea kabau oku mahalo e ha tagata oku ne ilo ha mea, oku teeki te ne ilo ha mea e taha, o hage koia oku totonu ke ne ilo.

³Ka oka ai ha taha oku ofa ki he Otua, oku ilo ia eia.

⁴Bea koeuhi koe kai oe gaahi mea koia oku feilaulau aki ki he gaahi tamabua, oku tau ilo, koe tamabua koe mea noabe i mamani, bea oku ikai mo ha Otua, ka koe toko taha be.

⁵He ne ogo oku ai oku ui koe gaahi otua, i he lagi be i he mamani, (he oku ai ae otua toko lahi, moe eiki toko lahi,)

⁶Ka oku taha be ae Otua kiate kitautolu, koe Tamai, aia oku mei ai ae gaahi mea kotoabe, bea maana akitautolu; bea taha be ae Eiki, ko Jisu Kalaisi, aia oku iate ia ae gaahi mea kotoabe, mo kitautolu iate ia.

⁷Ka oku ikai i he tagata kotoabe ae ilo koia: he oku kei ai ni ae niihi oku kai fākalilia ae mea oku atu ki ha tamabua, o hage ko ha mooni ia, bea oku fakauli‘i ai ho nau loto koeuhi ko ene vaivai.

⁸Ka oku ikai fakaogolelei akitautolu e he mea kai ki he Otua: he oku ikai te tau lelei ai, o kabau oku tau kai; bea oku ikai te tau kovi ai, o kabau oku ikai te tau kai.

⁹Kae vakai telia naa ai ha mea e hoko ai hoo mou tauataina ni koe tūkiaaga kiate kinautolu oku vaivai.

¹⁰He kabau e mamata ha taha kiate koe, akoe koe boto, oku ke nofo o kai i he fale oe tamabua, ikai e laga hake ai ae loto o ia oku vaivai, ke ne kai ae gaahi mea koia kuo feilaulau aki ki he gaahi tamabua;

¹¹Bea koe mea i hoo ilo e auha ai ho kaiga vaivai, nae bekia ai a Kalaisi?

¹²Ka i hoo mou agahala behe ki he kaiga, o fakakafo ho nau loto vaivai, ko hoo mou fai agahala ia kia Kalaisi.

¹³Koia kabau e fakahala‘i hoku kaiga e he mea kai, e ikai teu kai ae kakano i he kei tuu a mamani, telia naaku fakahala‘i hoku kaiga.