1 SAMUELA 10:1-27 TON1884 - Bible AI

¹1 Oku bani e Samuela a Saula. 2 Oku fakamooni ia aki ae fakailoga e tolu. 9 Kuo liliu ae loto o Saula bea oku ne kikite. 14 Oku ne fakafufu ae mea oe buleaga mei hono tuajina. 17 Kuo fili a Saula i he talotalo i Misiba. 26 Oku loto kehekehe a hono kakai. BEA nae too e Samuela ae hina lolo, o ligi ia ki hono fofoga, bea uma kiate ia, o ne behe, Ikai koe mea i he fakatabu‘i koe e Jihova ke ke eiki koe ki hono tofia?

²I hoo alu iate au he aho ni, te ke toki ilo ae ogo tagata ofi ki he tanuaga o Lejieli i he botu o Benijimani i Selisa; bea te na behe kiate koe, Koe faga asi ne ke alu ko hono kumi kuo ilo: bea koeni kuo tuku e hoo tamai ene tokaga ki he faga asi, ka oku mamahi kiate koe, o behe, Koeha teu fai koeuhi ko hoku foha?

³Bea ke alu ai be mei ai, bea ke hoko ki he tafagafaga o Teboa, bea e fakafetaulaki kiate koe i ai ae tagata e toko tolu koe nau alu ki he Otua i Beteli, oku fua e he toko taha ae uhiki‘i koji e tolu, boa fua e he toko taha ae foi ma e tolu, bea too e he toko taha ae hina uaine:

⁴Bea te nau fetaba kiate koe, o tuku kiate koe ae foi ma e ua; aia te ke ma‘u mei ho nau nima.

⁵Hili ia, te ke hoko atu ki he mouga oe Otua, aia oku tuu i ai ae kolo tau ae kau Filisitia: bea e hoko o behe, i hoo hoko atu ki he kolo, te mo fetaulaki moe kau kikite oku alu hifo mei he botu maoluga moe mea faiva tatagi, moe fagufagu, moe haabe, i ho nau ao: bea te nau kikite.

⁶Bea e hoko ae Laumalie o Jihova kiate koe, bea te ke kikite koe mo kinautolu, bea ke liliu koe koe tagata foou.

⁷Bea tuku ke behe, oka hoko ae gaahi fakailoga ni kiate koe, te ke fai ekoe aia e matamatalelei i ho ao; he oku iate koe ae Otua.

⁸Bea te ke alu muomua iate au ki Kilikali; bea, vakai, teu alu hifo kiate koe ke atu ae gaahi feilaulau tutu, bea ke atu ae gaahi feilaulau fakalelei: te ke tatali kiate au i he aho e fitu, ke oua keu hoko atu kiate koe, bea fakaha kiate koe aia te ke fai.

⁹Bea nae behe, hili ene tafoki hono tua ke alu ia Samuela, nae tuku e he Otua kiate ia ae loto foou: bea nae hoko ae gaahi fakailoga ni kotoabe i he aho koia.

¹⁰Bea i he e nau hoko ki ai ki he mouga, vakai, oku fakafetaulaki kiate ia ae kau kikite; bea nae hoko kiate ia ae Laumalie oe Otua, bea kikite ia mo kinautolu.

¹¹Bea nae behe, i he mamata ekinautolu kotoabe nae ilo ia i mu‘a, bea vakai, oku kikite ia moe kau kikite, nae febeheaki e he kakai, Koeha eni kuo hoko ki he foha o Kisi? Oku kau a Saula foki ki he kau balofita?

¹²Bea nae tali leva e he toko taha oe botu koia, o behe, Ka kohai e nau tamai? Koia nae hoko ia koe lea fakaaefonua, Oku i he kau balofita a Saula foki?

¹³Bea i he fakaoji ene kikite, nae ha‘u ia ki he botu maoluga.

¹⁴Bea nae behe e he tuajina o Saula kiate ia mo ene tamaioeiki, Ne mo o kife? Bea nae behe eia, Ke kumi ae faga asi: bea i he e ma vakai oku ikai ia, ne ma hoko atu kia Samuela.

¹⁵Bea behe e he tuajina o Saula, Oku ou kole kiate koe, tala mai aia nae tala e Samuela kiate kimoua.

¹⁶Bea behe e Saula ki hono tuajina, Naa ne tala totonu kiate kimaua kuo iloa ae faga asi. Ka koe mea i he buleaga aia nae lea ki ai a Samuela, nae ikai te ne tala ia.

¹⁷Bea nae fekau e Samuela ke katoa fakataha ae kakai kia Jihova ki Misiba;

¹⁸O ne behe ki he fānau a Isileli, Oku behe e Jihova koe Otua o Isileli, Neu omi a Isileli mei Ijibite, bea fakamoui akimoutolu mei he nima oe kakai Ijibite, bea mei he nima oe gaahi buleaga kotoabe, mo kinautolu nae fakamoulaloa‘i akimoutolu:

¹⁹Bea kuo mou liaki he aho ni a ho mou Otua, aia naa ne fakamoui tonu akimoutolu mei hoo mou gaahi kovi kotoabe, mo hoo mou gaahi mea fakamamahi kotoabe; bea kuo mou tala kiate ia, Ikai, ka ke fakanofo ha tu‘i kiate kimautolu. Bea ko eni fakakatoa o fakaha akimoutolu i he ao o Jihova i ho mou gaahi faahiga, bea i ho mou gaahi toko afe.

²⁰Bea i he fakakatoa fakataha e Samuela ae gaahi faahiga o Isileli ke nau ha‘u o ofi, bea nae fili ae faahiga o Benijimani.

²¹Bea i he ene fekau ke ha‘u o ofi ae faahiga o Benijimani i ho nau gaahi fale, nae fili ae fale o Matili, bea fili a Saula koe foha o Kisi: bea i he e nau kumi ia, nae ikai iloa ia.

²²Koia naa nau toe fehui ai kia Jihova, be ha‘u ki ai ae tagata be ikai. Bea nae behe e Jihova, Vakai, kuo fakafufu eia ia i he tuuga gaotoota.

²³Bea naa nau lele o omi ia mei ai: bea i he ene tuu moe kakai, nae maoluga ia i he kakai kotoabe mei hono uma o fai ki oluga.

²⁴Bea nae behe e Samuela ki he kakai kotoabe, Mou vakai kiate ia aia kuo fili e Jihova, oku ikai ha toko taha oku hage koia i he kakai kotoabe! Bea nae kalaga ae kakai kotoabe, o behe, Ke fakamoui e he Otua ae tu‘i.

²⁵Bea nae toki tala e Samuela ki he kakai hono aga oe buleaga, o ne tohi ia i he tohi, o tuku ia i he ao o Jihova. Bea nae fekau e Samuela ki he kakai kotoabe ke nau alu taki taha ae tagata ki hono fale.

²⁶Bea nae alu a Saula ki hono abi i Kibea; bea nae alu mo ia ae kau tagata, nae lave‘i ho nau loto e he Otua.

²⁷Ka nae behe e he fānau ae agakovi, E fakamoui fefe e he tagata ni akitautolu? Bea naa nau manuki‘i ia, bea nae ikai omi ha mea ofa kiate ia. Ka nae logo be ia.