1 SAMUELA 12:1-25 TON1884 - Bible AI

¹1 Oku fakababau e Samuela ene agatonu. 6 Oku valoki eia ae kakai i he e nau taeofa. 16 Oku ne fakamanavahe‘i akinautolu aki ae mana i he lolotoga oe ututa‘u. 20 Oku ne fakafiemalie‘i akinautolu i he agaofa ae Otua. BEA nae behe e Samuela ki Isileli kotoabe, Vakai, kuou tokaga ki ho mou le‘o i he mea kotoabe naa mou tala kiate au, bea kuou fakanofo ho mou tu‘i.

²Bea koeni, vakai, oku haele ae tu‘i i ho mou ao: bea ko au kuou motua mo uluhina; bea vakai oku iate kimoutolu hoku ogo foha: bea kuou alu be i ho mou ao talu eku kei jii o a‘u ki he aho ni.

³Vakai ko au eni, mou fakamooni kiate au i he ao o Jihova, bea i he ao o ene bani: koe bulu ahai kuou faao? be koe asi ahai kuou too? be kohai ha toko taha kuou kākā‘i? be kohai ia kuou fakafiu‘i? be naaku ma‘u ae koloa totogi i he nima ohai ke fakakui aki hoku mata? bea teu toe atu ia kiate kimoutolu.

⁴Bea naa nau behe, Nae ikai te ke kākā‘i akimautolu, be fakafiu‘i akimautolu, bea nae ikai te ke too ha mea mei he nima o ha tagata e toko taha.

⁵Bea behe eia kiate kinautolu, Ko eku fakamooni a Jihova kiate kimoutolu, bea oku fakamooni mo ene bani he aho ni, oku ikai te mou ilo ha mea i hoku nima. Bea naa nau behe, Koe fakamooni ia.

⁶Bea nae behe e Samuela ki he kakai, Ko Jihova ia aia naa ne fakahikihiki a Mosese mo Elone, mo ne omi hoo mou gaahi tamai mei he fonua ko Ijibite.

⁷Bea koeni mou tuu be, koeuhi ke tau alea mo kimoutolu i he ao o Jihova ki he gaahi gaue maonioni a Jihova, aia naa ne fai kiate kimoutolu, bea ki hoo mou gaahi tamai.

⁸I he hoko a Jekobe ki Ijibite, bea tagi a hoo mou gaahi tamai kia Jihova, nae fekau ai e Jihova a Mosese mo Elone, aia naa na omi hoo mou gaahi tamai mei Ijibite, bea ne ne bule ke nofo mau akinautolu i he botu ni.

⁹Bea i he e nau fakagalogalo‘i a Jihova ko ho nau Otua, naa ne fakatau akinautolu ki he nima o Sisela, koe eiki tau o Hasoa, bea ki he nima oe kakai Filisitia, bea ki he nima oe tu‘i o Moabe, bea naa nau tau‘i akinautolu.

¹⁰Bea naa nau tagi kia Jihova o nau behe, Kuo mau fai agahala, koeuhi kuo mau liaki a Jihova, bea mau tauhi kia Beali mo Asiteloti: ka koeni, fakamoui akimautolu mei he nima o ho mau gaahi fili, bea te mau tauhi koe.

¹¹Bea nae fekau e Jihova a Jelubeali, mo Bitani, mo Jefita, mo Samuela, o ne fakamoui akimoutolu mei he nima o ho mou gaahi fili, i he gaahi botu kotoabe, bea ne mou nonofo fiemalie be.

¹²Bea i hoo mou mamata oku ha‘u a Naasi koe tu‘i oe fānau a Amoni ke tau‘i akimoutolu, naa mou behe leva kiate au, Ikai; ka e bule ha tu‘i kiate kimoutolu: ka ko ho mou tu‘i a Jihova ko ho mou Otua.

¹³Bea koeni, vakai ki ke tu‘i aia kuo mou fili, mo ia ne mou holi ki ai! bea, vakai, kuo fakanofo e Jihova ae tu‘i, kiate kimoutolu.

¹⁴Kabau te mou manavahe kia Jihova, bea tauhi ia, bea fai talagofua ki he ene folofola, bea oua naa agatuu ki he fekau a Jihova, behe e tuu mau be akimoutolu moe tu‘i foki oku bule kiate kimoutolu i he muimui kia Jihova ko ho mou Otua:

¹⁵Bea kabau e ikai te mou talagofua ki he folofola a Jihova, kae agatuu ki he fekau a Jihova; behe e hiki hake ae nima o Jihova kiate kimoutolu, o hage ko hono hiki hake ki hoo mou gaahi tamai.

¹⁶Bea koeni, mou tutuu o mamata ki he mea lahi ni, aia e fai e Jihova i ho mou ao.

¹⁷Ikai koe aho eni oe ututa‘u uite? Teu ui kia Jihova, bea te ne fekau ae mana moe uha; koeuhi ke mou vakai o ilo oku lahi a hoo mou agahala, aia kuo mou fai i he ao o Jihova i hoo mou kole ae tu‘i moo moutolu.

¹⁸Koia nae lotu ai a Samuela kia Jihova: bea nae omi e Jihova ae mana moe uha i he aho koia: bea nae manavahe lahi ae kakai kotoabe kia Jihova mo Samuela.

¹⁹Bea nae behe e he kakai kotoabe kia Samuela, Ke ke hufia a hoo kau tamaioeiki kia Jihova ko ho Otua ke oua naa mau mate: he kuo mau fakalahi aki e mau gaahi agahala kotoabe ae kovi ni, ke kole ae tu‘i moo mautolu.

²⁰Bea nae behe e Samuela ki he kakai, Oua naa mou manavahe: kuo mou fai ae gaahi agahala ni kotoabe: kae oua naa mou tafoki mei hoo mou muimui ia Jihova, ka mou tauhi a Jihova aki ho mou loto kotoa;

²¹Bea oua naa mou afe atu: he ka behe te mou muimui ai ki he gaahi mea vaiga, aia e ikai aoga be faa fakamoui; he koe mea vaiga.

²²He koeuhi e ikai liaki e Jihova a hono kakai koeuhi ko hono huafa lahi: he kuo lelei kia Jihova ke ne gaohi akimoutolu ko hono kakai.

²³Bea ko au foki, Ke taofi e he Otua a eku fai agahala kia Jihova i he tuku eku hufia akimoutolu: ka teu ako kiate kimoutolu ae hala lelei mo totonu:

²⁴Ke mou manavahe be kia Jihova, bea tauhi ia i he mooni o ho mou loto kotoa: he vakai ki he gaahi mea lahi kuo ne fai maa moutolu.

²⁵Bea kabau te mou kei fai agakovi, e fakaauha akimoutolu, io, akimoutolu mo ho mou tu‘i.