1 SAMUELA 14:1-52 TON1884 - Bible AI

¹1 Koe alu a Jonatane o ta‘i ae kolo tau ae kakai Filisitia. 15 Koe ilifia nae fakahoko mei he Otua ke nau fetamateaki akinautolu. 17 Nae ikai tatali a Saula ki he lea ae taulaeiki, ka nau hoko atu kiate kinautolu. 21 Koe kau Hebelu nae hoboate mo kinautolu nae toitoi, oku nau hoko atu o tau‘i akinautolu. 24 Koe lea tuutamaki a Saula naa ne taofi hono lava‘i oe tau. 32 Oku ne taofi ae kakai i he kai oe toto. 35 Oku ne fokotuu ae feilaulauaga. 36 Oku moua a Jonatane i he talotalo, kae fakamoui ia e he kakai. 47 Koe malohi o Saula mo ene fānau. BEA nae ai ae aho, nae behe ai e Jonatane koe foha o Saula ki he talavou nae too ene mahafu tau, Hau ke ta o ki he kolo tau ae kau Filisitia aia oku i he botu tukuuta na. Ka nae ikai te ne tala ia ki he ene tamai.

²Bea nae tatali a Saula i he botu gataaga o Kibea i he lolo akau koe bomikaniti aia oku i Mikiloni: bea koe kakai nae iate ia koe kau tagata e toko onogeau nai;

³Bea ko Ahia, koe foha o Ahitube, koe tokoua o Ikabote, koe foha o Finiasi, koe foha o Ilai, koe taulaeiki a Jihova i Sailo, oku ne ai ae efoti. Bea nae ikai ilo e he kakai kuo alu a Jonatane.

⁴Bea i he vahaa oe aluaga, aia nae fie alu ai a Jonatane ki he kolo tau ae kau Filisitia, nae ai ae maka majila i he botu e taha, moe maka majila i he botu e taha: bea ko hono higoa oe taha ko Bosese, bea koe higoa oe taha ko Sene.

⁵Koe botu oe taha nae hagatonu atu ki Mikimasi ki he tokelau, bea toga ae taha o hagatonu ki Kibea.

⁶Bea nae behe e Jonatane ki he tala vou nae too ene mahafu tau, Ha‘u ke ta o atu ki he kolo tau ae kau taekamu ni: e behe nai, e gaue a Jihova maa taua: he oku ikai faigataa kia Jihova ke fakamoui i he toko lahi, be i he toko jii.

⁷Bea nae behe ae too mahafu tau kiate ia, Fai aia kotoabe oku i ho loto: tafoki koe; vakai, oku ou iate koe o hage ko ho loto.

⁸Bea behe ai e Jonatane, Vakai, te ta o atu ki he kau tagata, bea ke ta fakaha akitaua kiate kinautolu.

⁹Kabau te nau behe mai kiate kitaua, Mo tatali ke oua ke mau alu atu kiate kimoua; bea te ta tuu mau i ho ta botu, bea e ikai te ta o hake kiate kinautolu.

¹⁰Bea kabau te nau lea behe, Mo o hake kiate kimautolu; bea ta o hake: he kuo tuku akinautolu e Jihova ki ho ta nima: bea koe fakailoga ia kiate kitaua.

¹¹Bea naa na fakaha fakatouoji be akinaua ki he kolo tau ae kau Filisitia: bea nae behe e he kau Filisitia, Vakai oku alu atu ae kakai Hebelu mei he gaahi luo naa nau toitoi i ai akinautolu.

¹²Bea nae lea ae kau tagata oe kolo tau kia Jonatane mo ene too mahafu tau, o behe, Mo o hake kiate kimautolu, bea te mau fakaha ha mea kiate kimoua. Bea behe e Jonatane ki hono hoa tau, Alu hake o muimui iate au: he kuo tukuage akinautolu e Jihova ki he nima o Isileli.

¹³Bea nae kaka hake a Jonatane o biki aki hono nima, mo hono va‘e, bea muimui iate ia a hono hoa tau: bea naa nau to ki lalo i he ao o Jonatane; bea nae agimui a hono hoa tau o fai ae tamate foki.

¹⁴Bea koe fuofua ta nae fai e Jonatane mo hono hoa tau, koe kau tagata e toko uofulu nai nae to i he botu kelekele, koe vae ua oe eka e taha, aia e faakeli e he tauluai bulu e taha.

¹⁵Bea nae tetetete lahi ae tau i he goue, bea moe kakai kotoabe: koe kolo tau moe kau maumau naa nau tetetete foki, bea galulu moe kelekele: koia koe galulu lahi aubito ia.

¹⁶Bea nae jio atu e he kau tagata leo a Saula i Kibea o Benijimani; bea, vakai, nae matukutuku ae kakai o mole, bea naa nau alu be mo fetaaki be akinautolu.

¹⁷Bea behe ai e Saula ki he kakai nae iate ia, Ko eni, Mou lau, bea vakai be kohai kuo alu meiate kitautolu. Bea hili e nau lau, vakai nae ikai i ai a Jonatane mo hono hoa tau.

¹⁸Bea behe e Saula kia Ahia, Omi ki heni ae buha oe fuakava oe Otua. He nae i he fānau a Isileli ae buha tabu oe Otua i he kuoga koia.

¹⁹Bea nae hoko o behe, i he kei alea a Saula moe taulaeiki, nae tubu be ae logoaa i he tau ae kakai Filisitia: bea fakaaau o lahi, bea behe e Saula ki he taulaeiki, Taofi ho nima.

²⁰Bea ko Saula moe kakai kotoabe nae iate ia naa nau fakataha akinautolu o nau hoko atu ki he tau: bea, vakai, koe heleta ae tagata kotoabe kuo hiki hake ki hono tokoua, bea nae ai ae maveuveu lahi aubito.

²¹Bea koeuhi koe kau Hebelu nae muaki nofo ki he kakai Filisitia, aia nae alu hake mo kinautolu ki he abitaga mei he gaahi botu fonua takatakai, naa nau liliu foki o kau ki he kakai Isileli nae ia Saula mo Jonatane.

²²Bea moe kau tagata kotoabe o Isileli, aia naa nau fufu akinautolu i he mouga ko Ifalemi, i he e nau ogo‘i kuo hola ae kakai Filisitia, nae tuli malohi ekinautolu foki kiate kinautolu i he tau.

²³Koia nae fakamoui e Jihova a Isileli i he aho koia: bea nae alu atu ae tau o hoko ki Bete‐aveni.

²⁴Bea nae mamahi lahi ae kau tagata Isileli i he aho koia: he nae fokotuu ae tabu e Saula ki he kakai, o behe, Malaia ae tagata aia e kai ha mea he aho ni kae oua ke efiafi, koeuhi keu lava‘i ae totogi ki hoku gaahi fili. Koia nae ikai kamata e ha toko taha i he kakai ha meakai.

²⁵Bea nae hoko akinautolu kotoabe oe fonua, ki he botu vao akauia; bea nae i ai ae honi i he fuga kelekele.

²⁶Bea i he hoko ae kakai ki he vao akau, nae to‘i ae honi; ka nae ikai ha tagata e ai hono nima ki hono gutu; he nae manavahe ae kakai ki he fuakava.

²⁷Ka ko Jonatane nae ikai fanogo ia ki he fekau fakababau a ene tamai ki he kakai: koia naa ne ai ae mua tokotoko nae i hono nima, o ai ia ki hono to‘i oe honi, bea ai hono nima ki hono gutu; bea nae māmagia ai hono mata.

²⁸Bea lea ai ae toko taha i he kakai, o behe, Nae lea fakababau a hoo tamai mo fuakava ki he kakai, o behe, Malaia ae tagata aia te ne kai meakai he aho ni. Bea nae vaivai ae kakai.

²⁹Bea behe ai e Jonatane, Kuo fai fakamamahi a eku tamai ki he fonua: oku ou kole kiate kimoutolu, vakai, ki hono fakamāma ki hoku mata, koe mea i he eku kamata ae mea jii i he honi ni.

³⁰Kae hua noa, o ka ne kai lahi e he kakai he aho ni i he vete a ho nau fili kuo nau ilo? ka ne behe, ikai kuo lahi hake aubito ae teia kuo hoko ki he kakai Filisitia?

³¹Bea naa nau ta‘i ae kakai Filisitia i he aho koia mei Mikimasi o a‘u ki Ajaloni: bea nae vaivai lahi ae kakai.

³²Bea nae oho atu ae kakai ki he vete, o too ae faga sibi, moe faga bulu, moe koji, o tamate‘i ia i he kelekele: bea nae kai ia e he kakai moe toto.

³³Bea naa nau tala kia Saula, o behe, Oku fai agahala ae kakai kia Jihova, koeuhi i he e nau kai moe toto. Bea behe eia, Kuo mou fai agahala: filifilihi mai ha maka lahi kiate au he aho ni.

³⁴Bea behe e Saula, Mou vahevahe akimoutolu o alu ki he kakai, o behe kiate kinautolu, Mou omi kiate au taki taha ae tagata ene bulu, moe tagata taki taha ene sibi, o tamate‘i i heni, bea kai; bea oua naa fai agahala kia Jihova i hoo mou kai moe toto. Bea nae omi e he tagata taki taha kotoabe i he bo koia a ene bulu bea tamate‘i ia i ai.

³⁵Bea nae fokotuu e Saula ae feilaulauaga kia Jihova; bea koe uluaki feilaulauaga ia naa ne laga kia Jihova.

³⁶Bea nae behe e Saula, Ke tau alu hifo o tuli bouli ki he kakai Filisitia o maumau‘i akinautolu o a‘u ki he maa ae aho, bea oua naa tau tuku ke toe ha tagata e toko taha. Bea naa nau behe, Ke ke fai aia oku mata lelei kiate koe. Bea nae toki behe e he taulaeiki, Ke tau unuunu atu ni ki he Otua.

³⁷Bea nae fehui a Saula ki he Otua, o behe, E lelei eku alu hifo o tuli ki he kau Filisitia? bea te ke tuku akinautolu ki he nima o Isileli? Ka nae ikai te ne talia ia i he aho koia.

³⁸Bea behe e Saula, Mou unuunu mai ki heni ae kau matābule kotoabe oe kakai: bea mou ilo o vakai be kuo tau agahala i he ha nai he aho ni.

³⁹Koeuhi, hage oku moui a Jihova oku ne fakamoui a Isileli, kabau oku i hoku foha ko Jonatane koe mooni e mate ia. Ka nae ikai ai tagata i he kakai kotoabe nae lea kiate ia.

⁴⁰Bea behe eia ki Isileli kotoabe, Ke i he botu e taha akimoutolu, bea ko au mo hoku foha ko Jonatane te ma i he botu e taha. Bea behe e he kakai kotoabe kia Saula, Ke ke fai aia oku mata lelei kiate koe.

⁴¹Koia nae behe ai e Saula kia Jihova koe Otua o Isileli, Fakaha ae tonuhia. Bea nae moua a Saula mo Jonatane, ka nae hao ae kakai.

⁴²Bea behe e Saula, Fai ae talotalo koeuhi ko au mo hoku foha ko Jonatane. Bea nae moua a Jonatane.

⁴³Bea behe e Saula kia Jonatane, Fakaha mai be koeha ia kuo ke fai. Bea talaage e Jonatane kiate ia, o behe, Naaku kamata be ki he honi jii aki ae mua tokotoko nae i hoku nima, bea, vakai, teu mate ai.

⁴⁴Bea behe e Saula kiate ia, Ke fai behe e he Otua kiate au mo lahi hake foki: he koe mooni te ke mate Jonatane.

⁴⁵Bea nae behe e he kakai kia Saula, E mate a Jonatane, aia kuo ne fai ae fakamoui lahi behe ni i Isileli? Ke taofi e he Otua: hage oku moui a Jihova, e ikai to ki he kelekele hano tuoni louulu e taha; he nae gaue ia moe Otua he aho ni. Koia nae fakahaofi a Jonatane e he kakai, ke oua naa mate ia.

⁴⁶Bea nae tuku e Saula ene tuli ae kau Filisitia; bea nae alu ae kau Filisitia ki ho nau botu o nautolu.

⁴⁷Koia nae lava‘i e Saula ae buleaga ki Isileli, bea tau‘i hono gaahi fili i he gaahi botu kotoabe o Moabe, bea ki he fānau a Amoni, bea ki Itomi, bea ki he gaahi tu‘i o Soba, bea ki he kakai Filisitia: bea koe botu naa ne tafoki o alu ki ai naa ne fakamamahi‘i akinautolu i ai.

⁴⁸Bea nae fakakatoa ae tau, bea ta‘i ae kakai Amaleki, bea nae fakamoui a Isileli mei he nima o kinautolu nae maumau‘i akinautolu.

⁴⁹Bea koeni koe gaahi foha o Saula, ko Jonatane, mo Isui, mo Malikisua: bea koe higoa o hono ogo ofefine, ko Melabi koe uluaki ia, mo Mikali koe kimui ia:

⁵⁰Bea koe higoa oe unoho o Saula, ko Ahinoami, koe ofefine o Ahimeasi: bea koe higoa oe eiki o ene tau ko Abina, koe foha o Nea, koe tuajina o Saula.

⁵¹Bea koe tamai a Saula a Kisi; bea ko Nea koe tamai a Abina, koe foha ia o Abieli.

⁵²Bea nae fai ae tau fakamamahi ki he kakai Filisitia i he aho kotoabe o Saula: bea i he mamata a Saula ki ha tagata malohi, mo ha tagata to‘a, naa ne fili ia maana.