1 SAMUELA 22:1-23 TON1884 - Bible AI

¹1 Oku fakataha ae kau tagata kehekehe kia Tevita ki Atulami. 3 Koe tuku atu i Misiba ene mātua ki he tu‘i o Moabe. 5 Koe valoki‘i ia e Kati, moe hiki ia ki Halete. 6 Oku alu o kumi ia e Saula, bea lāuga ia i he taeagatonu a ene kau tamaioeiki. 9 Oku tala kovi‘i e Toeki a Ahimeleki. 11 Oku fekau e Saula ke tamate‘i ae kau taulaeiki. 17 Oku fakafiji ki ai e he kau taguta, bea fai ia e Toeki. 20 Koe hao o hola a Abiata, bea omi hona ogoogo kia Tevita. KOIA nae alu mei ai a Tevita, bea hao o hoko atu ki he ana o Atulami: bea i he fanogo ki ai a hono gaahi kaiga moe fale kotoabe o ene tamai, naa nau alu hifo ai kiate ia.

²Mo kinautolu kotoabe nae mamahi, mo ia kotoabe nae moua, mo ia kotoabe nae loto mamahi, naa nau fakakatoa akinautolu kiate ia; bea hoko ia hoe eiki bule kiate kinautolu: bea nae iate ia ae kau tagata e toko fageau nai.

³Bea nae alu ai a Tevita ki Misiba o Moabe: bea nae behe eia ki he tu‘i o Moabe, Oku ou kole kiate koe tuku ke ha‘u eku tamai mo eku fa‘e, ke nofo kiate koe, ke oua keu hoko o ilo aia e fai e he Otua maaku.

⁴Bea naa ne omi akinaua ki he ao oe tu‘i o Moabe: bea naa nau nonofo mo ia i he gaahi aho kotoabe nae nofo ai a Tevita i he ana.

⁵Bea nae behe e he balofita ko Kata kia Tevita, Oua naa ke nofo i he ana; alu, bea ke mole atu ki he fonua o Juta. Bea nae alu a Tevita, bea hoko atu ki he vaoakau o Halete.

⁶Bea kuo fanogo a Saula kuo ilo a Tevita moe kau tagata nae iate ia (bea nae nofo a Saula i Kibea i he lolo akau i Lama, nae i hono nima hono tao, bea tuu takatakai kiate ia a ene kau tamaioeiki kotoabe).

⁷Bea nae behe e Saula ki he ene kau tamaioeiki nae tuu takatakai iate ia, Ae kau Benijimani, mou tokaga mai; e foaki koa e he foha o Jese kiate kimoutolu taki taha ae gaahi goue, moe goue vaine, bea ne gaohi akimoutolu kotoabe ke eiki ki he gaahi toko afe, moe gaahi toko teau;

⁸Koeuhi ke mou alea ai ke agatuu kotoabe kiate au, bea oku ikai ha toko taha oku fakaha kiate au kuo alea bau a hoku foha moe foha o Jese, bea oku ikai ha mou toko taha oku ofa kiate au, be fakaha kiate au, kuo laga‘i e hoku foha a eku tamaioeiki ke agatuu kiate au, ke toitoi o hage koia oku fai he aho ni?

⁹Bea nae toki lea a Toeki koe tagata Itomi, aia kuo fakanofo ki he kau tamaioeiki a Saula, o ne behe, Naaku mamata ki he foha o Jese, nae ha‘u ia ki Nobi, kia Ahimeleki koe foha o Ahitube.

¹⁰Bea naa ne fehui kia Jihova maana, o ne atu kiate ia ae meakai, mo ne atu kiate ia ae heleta a Kolaiate koe tagata Filisitia.

¹¹Bea nae fekau leva e he tu‘i ke omi a Ahimeleki koe taulaeiki, koe foha o Ahitube, moe fale kotoabe o ene tamai, ae kau taulaeiki nae i Nobi: bea naa nau ha‘u kotoabe ki he tu‘i.

¹²Bea nae behe e Saula, Koeni, fanogo, akoe koe foha o Ahitube. Bea behe eia, E hoku eiki ko au eni.

¹³Bea nae behe e Saula kiate ia, Koeha kuo mou alea mo agatuu fakataha ai kiate au, akoe moe foha o Jese, koeuhi i hoo atu kiate ia ae ma, moe heleta, mo ke fehui ki he Otua koeuhi koia; koeuhi ke agatuu ia kiate au, mo toitoi, o hage koia oku fai he aho ni?

¹⁴Bea nae leaage a Ahimeleki ki he tu‘i, o ne behe, Bea kohai oku agatonu i hoo kau tamaioeki o hage ko Tevita, aia koe foha i he fono ki he tu‘i, bea oku alu i hoo fekau, bea oku ogoogolelei i ho fale?

¹⁵He ko eku kamata fehui ia ki he Otua koeuhi koia? ke mamao ia iate au: ke oua naa tuku kovi e he tu‘i ha mea e taha ki he ene tamaioeiki, be ki he fale kotoabe o eku tamai: he nae ikai ilo e hoo tamaioeki ha mea jii i he mea ni kotoabe, ha mea jii be ha mea lahi.

¹⁶Bea nae behe e he tu‘i, Ahimeleki, koe mooni te ke mate, akoe, moe fale kotoabe o hoo tamai.

¹⁷Bea nae behe e he tu‘i ki he kau tagata nae tuu takatakai iate ia, Mou haga o tamate‘i ae kau taulaeiki a Jihova: koeuhi kuo fekuki ho nau nima mo Tevita bea koeuhi naa nau ilo ene hola, bea nae ikai fakaha ia kiate au. Ka nae ikai fie mafao atu ho nau nima e he kau tamaioeiki ae tu‘i ke ta‘i ae kau taulaeiki a Jihova.

¹⁸Bea nae behe e he tu‘i kia Toeki, Tafoki koe, bea ke ta‘i ae kau taulaeiki. Bea nae tafoki a Toeki koe tagata Itomi, o ne ta‘i ae kau taulaeiki, bea nae tamate‘i i he aho koia ae tagata e toko valugofulu ma toko nima, aia naa nau ai ae efoti oe tubenu lelei.

¹⁹Bea ko Nobi koe kolo oe kau taulaeiki, naa ne ta‘i aki ae mata oe heleta, ae kau tagata moe kau fefine, ae fānau moe tamaiki huhu, ae faga bulu, moe faga asi, moe faga sibi, aki ae mata oe heleta.

²⁰Bea koe toko taha i he gaahi foha o Ahimeleki koe foha o Ahitube, nae ui ko Abiata, nae hao ia, bea hola kia Tevita.

²¹Bea nae fakaha e Abiata kia Tevita ae tamate‘i e Saula ae kau taulaeiki a Jihova.

²²Bea behe e Tevita kia Abiata, Neu ilo ia i he aho aia nae i ai a Toeki koe tagata Itomi, koeuhi te ne tala mooni ia kia Saula: kuo tubu iate au e nau tamate‘i ae kakai kotoabe oe fale o hoo tamai.

²³Ka ke nofo koe kiate au, bea oua naa ke manavahe: he koia oku ne kumi eku moui, oku ne kumi hoo moui: ka i hoo iate au te ke maluia ai.