1 SAMUELA 24:1-22 TON1884 - Bible AI

¹1 Koe hele‘i e Tevita o motuhi ae botu kofu o Saula i he ana i Ene‐keti koe ofa ki he ene moui. 8 Oku fakaha ai eia ene maonioni. 16 Oku fakaha e Saula ene he, bea na fuakava mo Tevita, bea alu ia. BEA i he liu mai a Saula mei he ene tuli ae kau Filisitia, bea hoko o behe, nae tala kiate ia, o behe, Vakai, oku i he toafa o Eni‐keti a Tevita.

²Bea nae ave e Saula ae kau tagata nae fili e toko tolu afe mei Isileli kotoabe, bea nae alu ia ke kumi a Tevita mo hono kau tagata i he fuga oe gaahi maka oe faga koji kaivao.

³Bea nae hoko ia ki he gaahi lotoa sibi i he veehala, aia nae i ai ae ana, bea hu ki ai a Saula ke ufiufi hono va‘e: bea nae i he tafaaki ana a Tevita mo hono kau tagata.

⁴Bea behe e he kau tagata o Tevita kiate ia, Vakai, koeni ae aho aia nae behe ai e Jihova kiate koe, Vakai, teu tukuage ho fili ki ho nima, koeuhi ke ke fai kiate ia aia oku lelei kiate koe. Bea nae tuu hake a Tevita o ne hele‘i o motuhi fakafufu ae mui kofu o Saula.

⁵Bea hili a hono fai nae tautea a Tevita e hono loto, koe mea i he ene motuhi ae botu oe kofu o Saula.

⁶Bea behe eia ki hono kakai, Ke taofi e Jihova ke oua naaku fai ae mea ni ki hoku eiki, koe fakatabu‘i e Jihova, ke mafao atu hoku nima agatuu kiate ia, ka koe bani ia a Jihova.

⁷Koia nae taofi e Tevita ene kau tamaioeiki aki ae gaahi lea ni, bea nae ikai tuku akinautolu ke nau tuu hake kia Saula. Ka nae tuu hake a Saula mei he ana, bea alu i hono hala.

⁸Bea nae tuu foki a Tevita o alu kitua mei he ana, bea kalaga ia kia Saula o behe. A hoku eiki koe tu‘i. Bea nae tafoki o vakai ki mui a Saula, oku tulolo a Tevita hono mata ki he kelekele, bea bunou ia.

⁹Bea nae behe e Tevita kia Saula, Koeha oku ke tokaga ai ke he gaahi lea ae kau tagata, oku behe, Vakai, oku kumi e Tevita ke ke lavea?

¹⁰Vakai, kuo ke mamata aki ho mata he aho ni ki he ene tuku mai koe e Jihova he aho ni ki hoku nima i he ana: bea nae tala e he niihi keu ta‘i koe: ka nae fakamoui koe e hoku mata; bea neu behe, E ikai teu mafao atu hoku nima o agatuu ki hoku eiki; he koe fakatabu‘i ia a Jihova.

¹¹Bea koeni foki, a eku tamai, vakai, io, vakai ki he botu o ho kofu i hoku nima: i he eku hele‘i ke motu ae kaba o ho kofu, o ikai teu ta‘i koe, ke ke ilo ai mo vakai oku ikai ha kovi be ha agahala i hoku nima, bea kuo ikai teu fai agahala kiate koe; ka oku ke tuli a eku moui ke ta‘i ia.

¹²Ke fakamāu‘i e Jihova kiate au mo koe, bea totogi kiate koe e Jihova koeuhi ko au: ka e ikai iate koe a hoku nima ooku.

¹³Kae hage koe lea ae mātua i mu‘a, Oku tubu ae fai kovi mei he agakovi: ka e ikai iate koe a hoku nima.

¹⁴Kuo ha‘u ae tu‘i o Isileli o tuli ki ahai? Oku ke tulia ahai? koe kuli mate, koe kutufiji.

¹⁵Koia ke fakamāu e Jihova, bea fakamāu kiate au mo koe, bea vakai, o lagomaki‘i au, bea fakamoui au mei ho nima.

¹⁶Bea nae hoko o behe, i he fakaoji e Tevita ae gaahi lea ni kia Saula, nae behe e Saula, He ko ho le‘o eni, E Tevita ko hoku foha? bea nae hiki hono le‘o e Saula o ne tagi.

¹⁷Bea nae behe eia kia Tevita, Oku ke agatonu lahi koe iate au: he kuo ke totogi lelei kiate au, ka kuou totogi kovi kiate koe.

¹⁸Bea kuo ke fakaha he aho ni a hoo fai lelei kiate au: koeuhi i he tukuage au e Jihova ki ho nima, nae ikai te ke tamate‘i au.

¹⁹He kabau oku ilo e ha tagata hono fili, te ne tuku ke toe alu moui? koia ke totogi lelei e Jihova kiate koe, i he mea kuo ke fai kiate au he aho ni.

²⁰Bea koeni, vakai, Oku ou ilo bau koe mooni te ke hoko ke tu‘i, bea e fakatuu mau ae buleaga o Isileli iate koe.

²¹Koia ke ke fuakava ni kiate au ia Jihova, ke oua naa ke motuhi hoku hako kimui iate au, bea oua naa ke fakaauha hoku higoa mei he fale o eku tamai.

²²Bea nae fuakava e Tevita kia Saula. Bea alu a Saula ki hono abi, ka nae alu hake a Tevita mo hono kau tagata ki he toitoiaga.