1 SAMUELA 27:1-12 TON1884 - Bible AI

¹1 Nae fanogo a Saula oku i Kati a Tevita, bea nae ikai te ne toe kumi ia. 5 Oku kole e Tevita, a Sikilaki ia Akisi. 8 Koe tau‘i eia ae fonua kehe, bea fakaloto‘i a Akisi ke ne tau‘i a Juta. BEA nae behe o Tevita i hono loto, Ko eni, e ai ha aho teu auha ai nai i he nima o Saula: oku ikai ha mea lelei hake kiate au, ka ko eku hola o hao ki he fonua oe kau Filisitia; bea e oji ai ae mamahi a Saula kiate au, i he toe kumi kiate au i he gaahi botu fonua o Isileli: koia teu hao ai mei hono nima.

²Bea nae tuu a Tevita, bea hoko atu ia moe kau tagata e toko onogeau nae iate ia kia Akisi, koe foha o Maoki koe tu‘i o Kati.

³Bea nae nofo a Tevita mo Akisi i Kati, aia mo hono kau tagata, ae tagata taki taha mo hono fale, a Tevita mo hono ogo unoho e toko ua, ko Ahinoami, koe fefine Jesilili, mo Abikale koe fefine Kameli, aia nae unoho mo Nabale.

⁴Bea nae tala kia Saula kuo hola a Tevita ki Kati: bea nae ikai te ne toe kumi ia.

⁵Bea nae behe e Tevita kia Akisi, Ko eni, kabau kuou ilo ae ofa i ho ao, tuku ke nau foaki mai kiate au ha botu fonua i ha kolo, be i uta, koeuhi keu nofo ki ai: he koe umaa ae nofo a hoo tamaioeiki mo koe i he kolo ae tu‘i?

⁶Bea nae foaki kiate ia e Akisi a Sikilaki i he aho koia: koia nae toka ai a Sikilaki ki he gaahi tu‘i o Juta o a‘u ki he aho ni.

⁷Bea ko hono lahi oe aho nae nofo ai a Tevita i he fonua oe kakai Filisitia, koe ta‘u e taha moe mahina e fa.

⁸Bea nae alu hake a Tevita mo hono kau tagata, o tau‘i ae kakai Kesuli, moe kakai Kesili, moe kakai Amaleki he ko kinautolu koe kakai i mu‘a oe fonua i hoo alu ki Sua, o a‘u atu ki he fonua ko Ijibite.

⁹Bea nae ta‘i e Tevita ae fonua, bea nae ikai tuku ke moui ha tagata be koe fefine, bea naa ne fetuku o ave ae faga sibi, moe faga bulu, moe faga asi, moe faga kameli, moe gaahi kofu, bea liu mai o ha‘u, bea hoko ia kia Akisi.

¹⁰Bea behe e Akisi, Kuo mou tofa ae hala kife he aho ni? Bea behe e Tevita, Ki he botu toga o Juta, bea ki he botu toga oe kakai Jelamili, bea ki he botu toga oe kakai Kena.

¹¹Bea nae ikai fakamoui e Tevita ha tagata e toko taha be ha fefine, ke omi ae ogoogo ki Kati, o ne behe, Telia naa nau ha‘u o tala‘i akimautolu, o behe, Nae fai behe e Tevita, bea e behe be ene aga, lolotoga ene nofo i he fonua oe kakai Filisitia.

¹²Bea nae tui a Akisi kia Tevita, o ne behe, Kuo fakafehia aubito eia a hono kakai Isileli kiate ia; koia e hoko ai ia ko eku tamaioeiki o taegata.