1 SAMUELA 29:1-11 TON1884 - Bible AI

¹1 Oku fonoga fakataha a Tevita moe kau Filisitia, 3 nae ikai loto lelei ai a ho nau houeiki. 6 Oku takuage ia e Akisi ke alu, ka oku ne fakamalo kiate ia i he ene agatonu. BEA nae tanaki fakataha e he kakai Filisitia ae nau gaahi mataga tau ki Efeki: bea nae abitaga ae kakai Isileli o ofi ki he matavai aia oku i Jesilili.

²Bea nae alu atu ae houeiki oe kakai Filisitia i he gaahi toko teau, moe gaahi toko afe: bea alu a Tevita mo hono kau tagata kimui mo Akisi.

³Bea behe e he houeiki oe kakai Filisitia, Koeha oku fai e he kau Hebelu ni i heni? Bea behe e Akisi ki he houeiki oe kakai Filisitia, Ikai ko Tevita eni, koe tamaioeiki a Saula, koe tu‘i o Isileli, aia kuo iate au i he gaahi aho ni, be koe gaahi ta‘u, bea oku ikai teu ilo ha kovi e taha iate ia talu ene hau kiate au o a‘u ki he aho ni?

⁴Bea nae ita ae houeiki oe kakai Filisitia kiate ia; bea behe e he houeiki oe kau Filisitia kiate ia, Ke ke fakafoki ae jiana ni, koeuhi ke toe alu ia ki hono botu aia kuo ke tuutuuni kiate ia, bea oua naa tuku ia ke alu hifo mo kitautolu ki he tau, telia naa hoko ia i he tau koe fili kiate kitautolu: he te ne fakalelei ia ki he ene eiki i he ha? ikai aki ae gaahi ulu oe kau tagata ni?

⁵Ikai ko Tevita eni, aia naa nau hiva fetoutou fetaliaki ai i he gaahi mee, o behe, Kuo tamate‘i e Saula ene gaahi toko afe, mo Tevita ene gaahi toko mano?

⁶Bea nae ui e Akisi a Tevita, o ne behe kiate ia, Koe mooni, hage oku moui a Jihova, naa ke fai agatonu, bea koe tau fetoutou mo liliuaki mo koe i he tau, oku lelei i hoku ao: he oku ikai teu ilo ha kovi iate koe talu ae aho o hoo ha‘u kiate au o hoko moe aho ni: ka koe mooni oku ikai te ke lelei i he ao oe houeiki.

⁷Koia ke ke foki ni, bea ke alu fiemalie, be, telia naa ke fakaita ae houeiki oe kakai Filisitia.

⁸Bea nae behe e Tevita kia Akisi, Ka koeha ia kuou fai? bea koeha ia kuo ke ilo ki hoo tamaioeiki lolotoga e tau nonofo mo koe o a‘u ki he aho ni, koeuhi ke oua naaku alu o tau‘i ae gaahi fili o eku eiki koe tu‘i?

⁹Bea leaage a Akisi o behe kia Tevita, Oku ou ilo oku ke lelei i hoku ao, o hage koe agelo ae Otua: ka koeuhi kuo oji ae lea ae houeiki oe kakai Filisitia, o behe, E ikai alu ia mo kitautolu ki he tau.

¹⁰Bea koia ke ke tuu hegihegi hake i he abogibogi moe kau tamaioeiki a hoo eiki aia kuo ha‘u mo koe: bea i hoo mou tuu hake leva i he abogibogi, bea māma ae aho, bea mou alu.

¹¹Koia nae tuu hegihegi hake ai a Tevita mo hono kau tagata i he bogibogi, ke foki atu ki he fonua oe kakai Filisitia. Bea nae alu hake ae kakai Filisitia ki Jesilili.