1 SAMUELA 30:1-31 TON1884 - Bible AI

¹1 Oku maumau a Sikilaki e he kau Amaleki. 4 Oku kumi e Tevita ki he Otua, aia oku ne tokoni ia ke tuli akinautolu. 11 Koe mea i he tagata Ijibite nae fakaakeake, nae hoko atu a Tevita ki hono gaahi fili o ma‘u ae vete kotoabe. 22 Koe fono a Tevita ke vahevahe malie be ae koloa vete kiate kinautolu nae alu ki he tau mo kinautolu nae tauhi ae gaotoota. 26 Oku ne atu ae gaahi mea ofa ki hono gaahi kaiga. BEA kuo hoko a Tevita mo hono kau tagata ki Sikilaki i hono tolu oe aho, bea behe, nae tau‘i e he kakai Amaleki ae botu toga, mo Sikilaki, bea kuo ta‘i a Sikilaki, bea tutu aki ae afi.

²Bea kuo nau ma‘u fakabobula ae kau fefine nae i ai: nae ikai te nau tamate‘i ha toko taha, ae lahi be koe jii, ka naa nau fetuku akinautolu o ave, bea alu i ho nau hala.

³Bea nae hoko a Tevita mo hono kau tagata ki he kolo, bea, vakai, kuo tutu ia aki ae afi, bea kuo ave fakabobula ho nau gaahi unoho, mo e nau gaahi fānau.

⁴Bea ko Tevita moe kakai nae iate ia naa nau hiki ho nau le‘o o tagi, bea naa nau tagi ai be o nau vaivai.

⁵Bea kuo ma‘u fakabobula ae ogo unoho o Tevita, a Ahinoami koe fefine Jesilili, mo Abikale nae unoho mo Nabale koe tagata Kameli.

⁶Bea nae mamahi lahi a Tevita; he nae alea ae kakai ke tologaki ia aki ae maka, koeuhi kuo mamahi lahi aubito ae loto oe kakai kotoabe, o taki taha ae tagata ki hono gaahi foha, bea ki hono gaahi ofefine: ka nae fakafiemalie‘i ia e Tevita ia Jihova ko hono Otua.

⁷Bea nae behe e Tevita kia Abiata koe taulaeiki, koe foha o Ahimeleki, Oku ou kole kiate koe, omi ki heni ae efoti. Bea omi ki ai e Abiata ae efoti kia Tevita.

⁸Bea nae fehui e Tevita kia Jihova, o behe, Teu tuli ki he kau tau? teu ma‘u akinautolu? Bea nae tala behe eia kiate ia, Tuli: koe mooni te ke ma‘u akinautolu, bea koe mooni te ke toe ma‘u kotoabe.

⁹Koia nae alu ai a Tevita, aia moe kau tagata e toko onogeau nae iate ia, o nau hoko ki he vaitafe ko Bisoa, aia nae nofo ki ai akinautolu nae tuku kimui.

¹⁰Bea nae tuli akinautolu e Tevita, aia moe kau tagata e toko fageau: he nae nofo kimui ae toko uageau, aia naa nau vaivai lahi o ikai te nau faa lava ki he kauvai e taha i Bisoa.

¹¹Bea naa nau ilo ae tagata Ijibite i he goue, o nau omi ia aki Tevita, bea ne atu kiate ia ae ma, bea ne aki; bea nau fakainu ia i he vai.

¹²Bea naa nau tuku kiate ia ae koga fiki nae natu; moe fuhi kalebi momoa e ua: bea hili ene kai, nae toe ha‘u hono laumalie kiate ia: he nae ikai kai eia ha ma, be inu ha vai, i he aho e tolu moe bo e tolu.

¹³Bea nae behe e Tevita kiate oi, Oku ke kau koe mo hai? bea aku ha‘u meife koe? Bea behe eia, Koe tagata talavou au mei Ijibite, koe tamaioeiki ae tagata Amaleki; bea nae liaki au e he eku eiki i he aho e tolu kuo hili, koe mea i he tuia a hoku mahaki.

¹⁴Naa mau hoko atu o tau‘i ae botu toga o Keliti, bea ki he botu oku ia Juta, bea ki he botu toga o Kelebi; bea mau tutu a Sikilaki aki ae afi.

¹⁵Bea nae behe e Tevita kiate ia, Oku ke faa ave au ki he kakai koia? Bea behe eia, Fuakava kiate au i he Otua, e ikai te ke tamate‘i au, be tukuage au ki he nima o hoku eiki, bea teu ave koe ki he kakai ni.

¹⁶Bea i he ene omi ia ki ai, vakai, kuo nau nofo mafola atu mamao i he fuga kelekele kotoabe, oku nau kai mo inu, mo mee, koe mea i he gaahi vete lahi kuo nau ma‘u mei he fonua oe kakai Filisitia, bea mei he fonua o Juta.

¹⁷Bea nae teia akinautolu e Tevita mei he hegihegi o a‘u atu ki he efiafi oe aho naa na feholo‘i: bea nae ikai hao ha tagata e toko taha o kinautolu, ka koe kau talavou e toko fageau nae heka i he faga kameli nae hola.

¹⁸Bea nae toe ma‘u kotoabe e Tevita aia nae fetuku o ave e he kakai Amaleki: bea nae toe fakahaofi e Tevita hono ogo unoho.

¹⁹Bea nae ikai ha mea kuo mole iate kinautolu, i he mea jii, be i he mea lahi, be i he gaahi foha, be i he gaahi ofefine, be i he koloa vete, be ha mea e taha naa nau too kiate kinautolu: nae ma‘u kotoabe e Tevita.

²⁰Bea nae ave e Tevita ae gaahi faga manu jii moe faga manu lahi, aia naa nau teke‘i muomua i he gaahi faga manu lalahi niihi, o ne behe, Ko eni ae vete a Tevita.

²¹Bea nae ha‘u a Tevita ki he kau tagata e toko uageau aia koe mea i he e nau vaivai nae ikai te nau faa muimui ia Tevita, akinautolu naa nau bule ke nofo i he vaitafe ko Bisoa: bea naa nau alu atu ke fakafetaulaki kia Tevita, bea ke nau fakafetaulaki ki he kakai nae iate ia: bea i he hoko a Tevita o ofi ki he kakai, nae feiloaki ofa ia mo kinautolu.

²²Bea nae lea ai ae kau tagata kovi kotoabe moe kakai aga fakamaveuveu, io akinautolu nae alu mo Tevita, o behe, Koe mea i he ikai jii te nau alu mo kimautolu, e ikai ai te mau atu kiate kinautolu ha mea jii i he vete ni kuo mau toe ma‘u ni, kae atu taki taha ki he tagata hono unoho, mo ene fānau, koeuhi ke ne tataki ia o ave, bea alu ai.

²³Bea nae behe e Tevita, E hoku kaiga, e ikai te mou fai behe, i he gaahi mea kuo foaki e Jihova kiate kitautolu, aia kuo ne fakamoui akitautolu, bea fakahaofi akitautolu mei he kakai nae ha‘u ke tau‘i akitautolu i ho tau fonua.

²⁴He kohai ia e tokaga kiate kimoutolu i he mea ni? kae hage koe inaji o ia oku alu hifo ki he tau, e behe be ae inaji o ia oku tatali o leohi ae gaotoota: te nau inaji tatau be.

²⁵Bea talu ae aho koia o fai kimui, naa ne fokotuu ia koe fono moe tuutuuni maa Isileli o a‘u ki he aho ni.

²⁶Bea i he hoko a Tevita ki Sikilaki, nae fekau eia ke atu ae koloa vete ki he kau mātua o Juta, io ki hono gaahi kaiga, o behe, Vakai, koe meaofa maa moutolu i he vete mei he gaahi fili o Jihova;

²⁷Kiate kinautolu nae i Beteli, bea kiate kinautolu nae i Lemoti i he botu toga, bea kiate kinautolu nae i Jatili,

²⁸Bea kiate kinautolu nae i Aloeli, bea kiate kinautolu nae i Sifimoti, bea kiate kinautolu nae i Esitemoa,

²⁹Bea kiate kinautolu nae i Lakali, bea kiate kinautolu nae i he gaahi kolo ae kakai Jelamili, bea kiate kinautolu nae i he gaahi kolo ae kakai Kena,

³⁰Bea kiate kinautolu nae i Hoama, bea kiate kinautolu nae i Kolasani, bea kiate kinautolu nae i Ataki,

³¹Bea kiate kinautolu nae i Hebeloni, bea ki he gaahi botu kotoabe aia nae faa aunofo ki ai a Tevita mo hono kau tagata.