1 SAMUELA 7:1-17 TON1884 - Bible AI

¹1 Oku omi e he kakai Keja‐jialimi ae buha ki he fale o Abinatabi, o nau fakatabu‘i hono foha ko Eliesa ke tauhi ia. 2 Hili ae ta‘u e uofulu koe mea ia Samuela oku fakatomala ae kakai Isileli i Misiba. 7 I he lolotoga oku lotu a Samuela mo ne fai ae feilaulau, oku veuveuki e Jihova ae kaikai Filisitia i Ebenisa aki ae mana. 13 Kuo ikuna ae kau Filisitia. 15 Oku fakamāu e Samuela a Isileli i he mea fakamama moe mea fakalotu. BEA nae ha‘u ae kau tagata o Keja‐jialimi, o haamo hake ae buha o Jihova, o omi ia ki he fale o Abinatabi i he mouga, bea ne fakanofo hono foha ko Eliesa ke ne tauhi ae buha tabu o Jihova.

²Bea nae hoko o behe, nae tuku ae buha tabu i Keja‐jialimi, o fuoloa aubito; he koe ta‘u e uofulu: bea nae tagi mamahi ae fale kotoabe o Isileli kia Jihova.

³Bea nae lea a Samuela ki he fale kotoabe o Isileli, o behe, Kabau oku mou tafoki kia Jihova aki ho mou loto kotoa, bea mou tukuage ae gaahi otua kehe mo Asiteloti meiate kimoutolu, bea teuteu ho mou loto kia Jihova, o tauhi kiate ia be: behe te ne fakahaofi akimoutolu mei he nima oe kakai Filisitia.

⁴Bea nae toki tukuage e he fānau a Isileli a Beali mo Asiteloti, o nau tauhi be kia Jihova.

⁵Bea nae fekau e Samuela, Fakakatoa a Isileli kotoabe ki Misiba, bea teu hufia akimoutolu kia Jihova.

⁶Bea naa nau katoa fakataha ki Misiba, o nau utu ae vai, o ligi ia i he ao o Jihova, o nau aukai i he aho koia, o nau behe, Kuo mau fai agahala kia Jihova. Bea nae fakamāu‘i e Samuela ae fānau a Isileli i Misiba.

⁷Bea i he fanogo ae kakai Filistia kuo katoa fakataha ae fānau a Isileli ki Misiba, nae alu hake ae houeiki oe kau Filisitia ke tau‘i a Isileli. Bea i he fanogo ki ai ae fānau a Isileli, naa nau manavahe ki he kakai Filisitia.

⁸Bea nae behe e he fānau a Isileli kia Samuela, Oua naa tuku hoo tagi kia Jihova ko ho tau Otua, koeuhi ke ne fakamoui akimautolu mei he nima oe kakai Filisitia.

⁹Bea nae ave e Samuela ae lami huhu o ne atu ia koe feilaulau tutu kotoa kia Jihova: bea nae tagi a Samuela kia Jihova koeuhi ko Isileli; bea nae talia ia e Jihova.

¹⁰Bea i he kei atu e Samuela ae feilaulau tutu, nae unuunu mai ae kakai Filisitia ke tau‘i a Isileli: ka nae mana e Jihova aki ae mana lahi i he aho koia ki he kakai Filisitia, bea nae veuveuki akinautolu; bea nae teia akinautolu i he ao o Isileli.

¹¹Bea nae alu atu ae kau tagata o Isileli mei Misiba o tuli ae kakai Filisitia, bea nae teia akinautolu o a‘u atu ki Bete‐ka.

¹²Bea nae omi e Samuela ae maka, ke fokotuu i he vahaa o Misiba mo Seni, o ne ui hono higoa ko Ebenisa, o behe, Kuo tokoni‘i akitautolu e Jihova o a‘u ki he aho ni.

¹³Nae behe ae fakavaivai ae kakai Filisitia, bea nae ikai te nau toe ha‘u ki he gaahi botu fonua o Isileli: bea nae hiki hake ae nima o Jihova ki he kakai Filisitia i he gaahi aho kotoabe o Samuela.

¹⁴Bea koe gaahi kolo nae hamu e he kau Filisitia mei Isileli, nae toe tuku mai ki Isileli mei Ekiloni o a‘u atu ki Kati; bea ko hono gaahi botu o ia nae toe ma‘u e Isileli mei he nima oe kakai Filisitia. Bea nae nofo fakamelino a Isileli moe kakai Amoli.

¹⁵Bea nae fai ae fakamāu e Samuela ki Isileli i he gaahi aho kotoabe o ene moui.

¹⁶Bea nae alu holo ia i he ta‘u kotoabe ki Beteli, mo Kilikali, mo Misiba, o ne fakamāu‘i a Isileli i he gaahi botu koia.

¹⁷Bea naa ne faa fealuaki ki Lama: he nae tuu i ai hono fale; bea naa ne fakamāu eia i ai a Isileli; bea nae laga eia i ai ae feilaulauaga kia Jihova.